ارواح جهنميه

الحـلقـه الـرابـعه وثـلاثـون 34

#أرواح_جـهـنـمـيـة

الـحـلـقـه الـرابـعـه وثـلاثـون 34

🔥الـكـاتـبـه صـفـاء رجـب🔥.

عمر ابتسم بحزن: مبارك علينا
وفاء ابتسمت: الله يبارك فيك... ويسمعو صوت عياط طالع من غرفه الانتظار....
عمر بفزع وعيونه على الجناح الي فيه غرفه الانتظاى والعياط منها: شن صاير؟
مبروكه طلعت تبكي وتعيط: منى وابتهال ووه عليا تعال يا عمر ماتن ماتن
عمر تجرحيه بموس ماتنزلش منه نقطه دم وبصدمه مشا يجري وسيب عروسته الي لحقاته بخوف .. وشاف منظر يرعش البدن

منى مغمى عليها وابتهال كذالك وميار تبكي وتعيط بقيس ماتقدر
مبروكه تبكي: ووه على بنياتي عين عين وماصلت على النبي وووه وهه
عمر مصدوم: استرنهن يا مبروكه بسسرعه.. ورفع تلفونه واتصل بأمجد ... ها امجد.. تعالي ضروري جوا ابتهال اغمى عليها.. اججريي بس.. وصكر
ميار لبست منى عبايتها ووشاحها ومبروكه ومبسوطه الي تبكي برضو لبسن ابتهال عبايتها ووشاحها وخش امجد. مفزوع
امجد بخوف: شن في؟
عمر قرب ورفع منى: مافيش وقت نشرحلك ألحقني بس.. وفعلا امجد رفع ابتهال بين يديه وطلعو يجرو بيهن للمستشفى

.
.
.

قاعد يطق على الباب وفجأءه ينفتح ويشوفها كيف واضح عليها الانهيار والبكاء

عبدالرحمن: خيرك نرن عليك ماترديش؟
حور ملامحها شاحبه ووجها اصفر وفتحت الباب على وسعه عشان يخش بوها: من وين جبت رقمي اصلا؟
عبدالرحمن خش وتكلم بحزن: جبته من بوي من قبل.. شن اخبارك
حور ابتسمت بتهكم وتمشي قدامه للمربوعه: شوف بروحك ماده وجي روحي ومافي حد معاي وكلهم فرحانين لسي عمر.. وخنقتها العبره
عبدالرحمن قعمز على الصالون: وعلاش يابنيتي اديري في روحك هكي.. وربي مافي شي يستاهل تنكدي ععشانه بالعكس تاكليها في روحك
حور تنهدت بحزن: اصلا عادي مش مدوره شي ومايهمني شي لانه من يوم الفاتحه وانا يتيمه و وحيده وماعنديش حد لا اخ ولا اب ولا ام
عبدالرحمن نزل عيونه: عارف روحي غلطان معاكم ياحور بس عطيني فرصه نشرحلك شن صار معاي عشان على الاقل ماتقعدوش تكرهوني.. وتنهد.. راضي انكم ماتتقبلوش وجودي في حياتكم بس فكره انكم تكرهوني وربي تقتل فيا بالعرق
حور ابتسمت وتربعت: احكي نسمع فيك بما انه كساد واصلا نا بنعرف حاجات واجد منك على امي وعلى خالي حمزه
عبدالرحمن ابتسم بفرحه: أسألي واني نجاوب ونقول الحق
حور حاسه انها على شوي وتبكي بس حبت انها ماتبينش ضعفها لحد: احكيلي كيف تعرفت على امي اول حاجه وعليش سعيد رفضها وكيف انت وافقت تتزوج غيرها وكيف تواصلت معاها وعرفت انها تطلقت وكيف تزوجتو وكيف ماتت وعليش انت سيبتنا مع خالي حمزه وماعمرك جيت سألت علينا ولا اذكرت انه عندك عيال محتاجين حد يصبي معاهم
عبدالرحمن ابتسم بحزن: في سنه 1988 وفي شهر 4 وبالضبط في يوم 16 ايامها كان عمري 23 سنه قررنا اني وصحابي نمشو للشرق وبالضبط في الجبل الاخضر قررنا نمشو نشبحو المناطق والجو اهناك وجدك طبعا كان معارض لسبب مجهول... بعد إلحاح واصرار مني اني وامي خلاني نمشي
حور بفضول: وعليش من البدايه ما خلاك تمشي ويريح راسه
عبدالرحمن ابتسم: خلي نكملك بس... المهم طلعنا اني وصحابي والاغلبيه رحمه الله عليهم كانو اقاربي، الساعه 6 في الفجر.. طلعنا ومشينا و بعد حوالي 14 ساعه واحني نوقفو ونمشو ونوقفو ونمشو وصلنا لمنطقه البيضاء قعدنا فيها اليوم الاول عند واحد صاحب صاحبنا وطلعنا في الصبح لشحات وكانت اكثر من جميله.. وتنهد.. على المهم يومها نزلنا على السوق  ناخذو حطب عشان نجهزو للرحله الي مخططينها.. نزلت اني و واحد تاني من اصحابي  وخشينا للمحل وخذينا الي نبوه وطلعنا.. وابتسم ابتسامه جميله بلكل.. واني طالع شفتها شفتها بشعرها القهوي الفاتح وعيونها العسليه وكيف كانت بيضه وجميله بكل معنى الكلمه.. وشاف لحور بنظره غريبه.. كانت تشبهلك ياحور في كل شي نظرتك وابتسامتك وكل شي.. وضحك.. الا الطبع
حور ابتسمت لنظره الحب في عيون عبد الرحمن
عبدالرحمن استرسل وكان مبتسم: تبي الحق قعدت مسبوه فيها معش عرفت نقدم ولا نوخر لعند استاقضت على صوت صاحبي معصب عشان عطلت... مشيت واني نشوفلها كيف تشوفلي ومبتسمه ورحمه الله عليها كانها كانت تبادل فيها بنفس نظرات الاعجاب
حور الدموع في عيونها وتشوف لعبدالرحمن كيف يحكي براحه ✨.
عبدالرحمن مبتسم: على المهم مشينا اني وصحابي وزردنا واني الحق عقلي وقلبي مسيبهم عندها.. فات عليا الليل واني نفكر فيها وبطريقه مفرطه وقررت لما يطلع الصبح نمشي ونشوفها تاني.. وبالفعل مشيت اني بروحي من الصبح وشفتها مع امها يحلبن في البقر "حاشاكم" والمعيز كأي ناس تبي تسترزق.. على المهم شفتها شافتني وملامح الفرحه كانت واضحه عليها واني نفس الشي فرحت لما حسيت وتأكدت انها تبيني زي ما اني نبيها.. فاتو الايام واني مسيب اصحابي ونمشيلها كل يوم عشان نشوفها وهي تطلع مع امها ومرات مع صحباتها ومرات بروحها.. جا اليوم الي يقولو فيه بكرا بنروحو اني خلاص حسيت بشعور اخيي ياحور حسيت انه بنسيب قطعه من قلبي ونمشي... ومع هادا الحق مشيتلها في نفس الليله