ارواح جهنميه

الحـلقـه الـسابـعـه وعـشـرون 27

#أرواح_جـهـنـمـيـة

الـحـلـقـه السـابـعـه وعـشرون 27

🔥الـكـاتـبـه صـفـاء رجـب🔥.

سعيد شافلها وابتسم بحزن: يابنيتي بنحكيلك حاجه
نور تمسح في دموعها وحاضنه امها: شني ياجدي
سعيد متوتر: طبعا قصتك انتشرت بين العيله وانتي عارفه انه كلام الناس مايرحمش
نور عقدت حواجبها وتسمع في كلام جدها
سعيد: وام ليث فوزيه جتنا واعتذرت وقالت لازم ننهو القصه هذي ونسكرو افواه الناس ونزوجوكم انتي وليث
نور منصدمه وبعصبيه: ككيف؟ شن تدوي ياجدي؟ تبصرو صاح.. وقعدت توزع في نظراتها بين امها وبوها الي منزلين روسهم
سعيد تنهد ومنزل عيونه على العكوز متاعه: يانور انتي حفيدتي وخايف على سمعتك.. والي صار مش ساهل
نور فهمت عليه وقعدت تبكي: حرام عليكم والله ماصارت حاجه خيركم انتو
حور تهز في رجلها بعصبيه: مش طبيعين وربي و اولهم انت يا سعيد.. وصبت وطلعت تخبط
نور تشوف لبوها: بالله يابوي انت عارف كل حاجه.. بالله مانبيش نتزوجه حرام عليك
عبدالرحيم منزل راسها والدمعه في عينه ومش قادر ينطق شي
سعيد صبا: الخميس هذا حتكون فاتحتك عليه وبنديرو عشاء بسيط.. واي شي تبوه من السوق قولو للعيال.. وطلع برا بعد ما اشر لسفيان يطلع قدامه
امجد مبتسم بهزوه وغمز لمحمود وسند وطلعو قدامه وكانو مش ناويين على خير

.
.

نور تشوف لامها ودموعها ينزلو: بالله ياماما ما اديري فيا هكي
مبسوطه حضنتها: وربي مافي يدي شي كان هذا را درت راي بس خلاص
نور قعدت تبكي وتبكي في حضن امها نين غفت 💔.

.....

ابتهال بفرحه: تدوي جديات؟
يوسف مبتسم: اي وربي.. على المهم اني ماشي للحوش وتوا نرد باهي
ابتهال تشوفله بفرحه: باه باه.. وصكرت الباب وقعدت ترن على رغد

.
.

ابتهال: ياحيوانه خيرك مارنيتيش وحكيتيلي؟
رغد تنهدت: اي روحت الحمدلله بس في قصه صارت يا ابتهال
ابتهال بخوف: شني... ان شاءالله خير؟
رغد: جتنا عمتي فوزيه وطلبت نور لليث وجدي وافق
ابتهال بهزوه: اكذببي كذبه اخره.. وابتسمت
رغد: ياريتني نكذب
ابتهال فتحت عيونها بصدمه: جدي طبيعي؟؟ مش بجوه
رغد ابتسمت بهزوه: لا ياعمري بجوه ويوم الخميس فاتحت اختك
ابتهال شهقت: يومين مزال.. خلاص اليوم الثلاثاء
رغد: مايهمني شي الي يهمني انها ردت بخير وسلامه
ابتهال بعصبيه: كان ماتت اشرفلها من انها تتزوج الفاشل الي مايسما
رغد تسمع في هرجه برا: تمام سكري توا نحكو بعدين.. وصكرت وسيبت ابتهال محروقه على اختها 💔

ــــــــــــــــــــــــــــــــــــــــــــــــــــــــ

فوزيه بعصبيه: غصبن عنك يا كلب
ليث صبا وراقيتله: شن الي غصبن عني.. تعرفو شن درتو انتو... قصدي ماشيين خطبتو اخت البنت الي نبيها
فوزيه: تبي عينك.. وفاتحتك بعد بكرا جهز روحك وانت ساكت
ليث جا بيحكي ويسمع الباب يطق .. طلع خوه ياسر "اكيد عرفتوه" وسمعو صوت هرجه برا وبعد ثواني يشوف امجد ومحمود وسند خشو عليهم وكلهم قاعدين
امجد مسكه من رقبته وابتسم: حصلتك يا...#  ...وقعد يجر فيه برا... اما ليث كان متوقع الشي هذا ما استغربش🤷🏻‍♀️
امجد طيحه في وسط الشارع والابتسامه ماليه وجه: تعال يا حبيبي.. ونزل فيه ضرب وليث يرد فيه وشبه كانو نفس القوه