ارواح جهنميه

الحـلقـه التـاسـعه وعـشـرون 29

#أرواح_جـهـنـمـيـة

الـحـلـقـه التـاسـعـه وعـشرون 29

🔥الـكـاتـبـه صـفـاء رجـب🔥.

حور تغمزلها: اححح ياصياع
وعد منحرجه: خطيني ياحور
حور تضحك: مش مخطاتك يلي ماتتحشمي.. ويسمعن صوت سندس تعيط بقوه
وعد صبت بسرعه: ان شاءالله خخير.. ولحقتها حور طلعن من الصاله وشافن عائشه طايحه على وجها وجبهتها مجروحه وتنزل في دم 💔
حور قربت عليها تجري ورفعت راس عائشه على رجلها وشافت لوعد: جيبي برفان ومطهر وقطن ولصقه  بسرعععهه

اتجهت وعد تجريي وتبرم في شنطتها لقت عطر اتجهت لحور بتعطيه ليها وتشوف مبسوطه وغزاله وحتى ابتسام متجمعين على عائشه الي دايخه

حور تنهدت خذت من وعد العطر وبخت في يدها وحطتها على خشم عائشه وتزيد وتبخ في يدها وادير في نفس الحركه... وبعد ثواني شافت عائشه تغمض في عيونها بقوه من كثر الريحه القويه
مبسوطه دموعها ينزلن: علاش بخت بنياتي هكي من دون بنيات العرب
غزاله تطبطب عليها بحزن: الله غالب هادا مكتوب من ربي.. ولا اعتراض على حكمه الله
مبسوطه بقهره: لا اله الا الله
حور بهدوء تام وتخبط على وجهه عائشه بخفه: عائشه صبي عارفتك تسمعي فيا... وفعلا ما هي الا ثواني وعائشه فتحت عيونها بس مزالت تحس بدوخه.. وجت بتصبي
حور بحركه سريعه مسكت راسها وخلاته على رجلها: خليك اشوي بس.. ومسكت القطنه وحطت فيها مطهر وقعدت تداوي في جرح عائشه الي في جبهتها
مبسوطه بخوف: خيرك يابنيتي شن جاك وانتي من بكري كنتي زي الغزيله
عائشه سرحت في عيون حور الي مش منتبهتلها واصلا كانت تبي شي تركز فيه
سندس تمسح في دموعها: يا اعميمه والله ما ذاقت حاجه من الصبح جربت معاها مره واثنين البنت شي مصكره راسها.. اكيد صايرلها هبوط
حور حركت عيونها في عيون عائشه الي تحكي بينها وبين روحها"مشاءالله ربي كيف دار عيونها هكي. ديما نسمع انهم يقولو تشبه لأمها مانلومش عمي عبدالرحمن على الخبر الي داره زمان.. وابتسمت بتهكم.. بس العيون هذين كاسيهن حزن مش طبيعي ومايليقش بيهم" وقاطع حبل تفكيرها صوت حور الي حطت اللصقه
حور بتهكم: شكلهم عجبوكك عيوني.. بس مانلومكش اصلا نا نهبل
عائشه ضحكت بخفه وقعمزت: صحه ليك يابنت العم ومشاءالله عليك تهبلي وتتاكلي والله
حور ابتسمت بخفه
مبسوطه مسكت يد بنتها وصبتها: نوضي معاي تعالي كولي حرام عليك تعذبي رويحتك بالطريقه هادي سد الحال الي اني فيها بالله مش ناقصني
عائشه رجعت للواقع الأليم: حاضر يا ماما ماتزعليش روحك.. وتنهدت.. ماردتش عليك نور صاح؟
مبسوطه تنهد وهي تمشي في بنتها للصاله: اخخ يابنيتي وربي نار والعه فيا نخمم فيها ونخمم في راجلها كيف يعامل فيها... وخنقتها العبره.. واللهي كان في يدي را ماصارش هك بس الله غالب كل شي غصبن عني
عائشه رقرقن عيونها: ربي يحنن قلبها علينا.. وخانها صوتها.. والله قلبي واجعني عليها ونظرتها الي مليانه حقد وكرهه مزالت بين عيوني ياماما كله مني اني
سندس حطت يدها على كتف: نور طيبه وكلامها كله في لحظه غضب وماتحطيش اللوم عليك في النهايه انتي لو بيدك را نهيتي كل شي قبل مايصير
وعد تشوفلهن بحزن: توا معش ينفع الندم لازم تدعلها انها تتريح وتتهنا مع راجلها
مبسوطه: ان شاءالله خير بس مش طالبه من ربي شي غير انه نطمن عليها توا
وعد ابتسمت: كان على هادي من عيوني الزوز يا اعميمه وان شاءالله تكون متريحه ومش مضايقها بشي
مبسوطه بشي من الراحه: تمام يابنيتي ماتنسيش بس
وعد: من عيوني