ارواح جهنميه

الحـلقـه الثـالثـه 3

#أرواح_جـهـنـمـيـة

الـحـلـقـه ثـالـثـه 3

🔥الـكـاتـبـه صـفـاء رجـب🔥.

ساره عرفت روحها انكشفت: ءء شن قصدك؟
امجد بهزوه: بلا عباطه دايره روحك شريفه علي وانت مش مسيبه ولد فِ الشارع ومش مكلمته؟
البنات يسمعن ومنصدماتت💔
ساره: امجد شن في خيرك تحكي معايا هك؟
امجد عزق عليها التلفون: خوذيه معش نبيه وانسي حاجه اسمها امجد.. وطلع
ابتهال: شن دايره لخوي؟
ساره قعمزت وكان وجها اصفر: مش دايره شي خيركم عليا؟
عائشه قربت وحضنتها: خلاص يا ساره ربي يعوضك خير
ساره قعدو دموعها ينزلو
ابتهال قلبت عيونها: نمشي نا خيرلي.. وطلعت
سندس: مغير عين يا سويره
ساره: ديما يهزب فيا وديما حاط اللوم عليا
رغد: خلاص كل حد يشبح لطريقه وخلاص .. وقعدن يحكن

ــــــــــــــــــــــــــــــــــــــــــــــــــــ

"في الشرق"

حور: عندي احساس يبي يديرلنا طامه كبيره بس شنو مش عارفه
عمر: مانمشوش احسن
حور تفكر: مع انه في مول يبي يدير افتتاح
عمر قلب عيونه: كان تبي تمشي انتي عدي
حور قربت وبملامح بريئه: عشان خاطريي الله يربحك ديما محبوسه نا
عمر دفها بكراعه: ملحي
حور: كنك مش كيف الخوت؟
عمر بهزوه: مانبيش نقعد كيفهم
حور قلبت عيونها: نموت ونعرف الناس شن عاجبهم فيك بس
عمر بتفاخر: ججمال واسلوب وطول وعرض وكلام معسل وهذا كله ماتبيش يعجبهم؟
حور: بأختصار قصدك نفاق؟
عمر: سميها زي ماتبي
حور: نا ماشيه را نعنك مامشيت
عمر بنظرات جديه: بلا حركات وججو مفيش مشي
حور مشت شور دولابها: شن ناخذو؟
عمر: نحكي نا را
حور: يرا ماعنده ماديريلنا خلينا نمشو على احسابه وانتهت
عمر بتفكير: مانضمنهمش را
حور: شن يبو يديرولنا بالعقل ياعمر
عمر: لاكن نا مش ماشي الا وكل الاوراق والعقود كلهن معايا
حور: اعتبرها تمت وناخذ دبش وكل حاجه وانت صبي عليا نين نكمل
عمر صبا: نمشيله توا.. وطلع

..  

عمر خش للصاله شاف كل حد قاعد على التلفون
رمزي شافله ببرود ورد عيونه على التلفون
عمر قعمز: ايمتا ماشيين للغرب؟
رمزي بأنتباه: بعد يومين.. عليش؟
عمر: لا قلت نمشي معاكم نغير جو
رمزي بفرحه: اهها باه خير مادرتو. وقعدو يحكو

ــــــــــــــــــــــــــــــــــــــــــــــــــــ

الساعه 10 في الليل

"في الغرب"

سندس: عائشه عندي امل فيه
عائشه: ان شاءلله خير بس وجعتني وعد
سندس تفكر: بس نبيه نا وهم مايبوش بعضهم
عائشه: مانندريش كان جاتك فرصه معاه ماتفوتيهش
سندس ابتسمت: ان شاءلله يارب
عائشه: بس بوك يوافق؟
سندس قلبت عيونها: بوي يبي يفتكا مني بس
عائشه: نموت ونعرف شن الي غير عمي عبدالرحمن علاش كارهكم انتي وسفيان؟
سندس تنهدت: مانندريش ياعائشه بس متأكده كله من ابتسام مراته
عائشه: ربي يخلي كيدها في نحرها
سندس: امين

....

وعد كانت مقعمزه وسارحه وفي حضنها علاء ولدها وتلعب بشعره ويقاطع تفكيرها صوت محمود
محمود: وين العشاء؟
وعد بهدوء: في المايكرويف
محمود: باه
وعد قعدت شوي وسمعت تلفونها يرن وترفعه وتشوف ابتهال ترن عليها
وعد ابتسمت: ايوه ياحماتي
ابتهال ضحكت: طح سعدك يامفتوحه الفم
وعد استغربت: خيرك؟
ابتهال: سمعت حاجه ماتنسمعش
وعد: شني؟
ابتهال: سمعت سندس وعائشه يهدرزن على محمود
وعد: وباه؟
ابتهال: قالت سندس انه انتي ومحمود ماتبوش بعضكم وكان جتها فرصه بتاخذه ومن هالكلام
وعد ببرود: ياخيتي كلنا نعرفو انه سندس تحب محمود
ابتهال: قصدك ياهبله بتخليها تاخذه؟
وعد: محمود مش معبرني حتى بالكذب علاش نتعارك معاها عشانه
ابتهال: قصدي جديات صاح سندس كويسه بس مش مستعده تقعد مرات خوي
وعد ابتسمت: ختسلمها حماتي
ابتهال قعدت تفكر وتحكي مع وعد وكان همها الوحيد تخلي وعد على ذمه محمود

🔥الـكـاتـبـه صـفـاء رجـب🔥.

ــــــــــــــــــــــــــــــــــــــــــــــــــــ

مبروكه: ضمي فمك را احسنلك
ابتسام بمكر: خيرك يا اعميمه حكيت الحق
مبروكه: كان ما نا را مزلتي قاعده بعارك
ابتسام تنرفزت: توا تمني عليا ولا كيف؟
مبروكه: لالا بس نذكر فيك عشان ماتتجاوزيش احدودك
ابتسام طلعت تتخبط وكانت متحمله مبروكه عشام جمايلها عليها

...

الساعه 1 في الليل

كانن البنات قاعدات في حوش جدهن سعيد وملتمات واغلبهن مرقدات

سندس: وين ساره؟
عائشه: في الحمام
سندس: اهمم.. ويسمعن الباب يطق
عائشه: من جا توا؟
سندس: اكيد سفيان عدي افتحيله
عائشه ارتبكت: اها باه ... وعدت تفتح في الباب وتشوف قدامها سفيان
سفيان شافلها وابتسم: عاش من شافك
عائشه ابتسمت: سلمك
سفيان قعد يشوفلها: نبي نسألك
عائشه توترت: نعم
سفيان: قعدتي تتجنبي فيا عشان اعترفتلك صاح؟
عائشه نزلت راسها
سفيان ابتسم بحزن: عادي مدوري شي.. وجا بيعدي
عائشه: مش عشان هك ياسفيان
سفيان شافلها وقعد ساكت
عائشه تنهدت: تقدر تقول نبادل فيك بنفس الشي بس مش مستعده
سفيان فتح عيونه بصدمه: جديات؟؟ وعلاش؟
عائشه ارتبكت:... يتبع