ارواح جهنميه

الـحلقـه التـاسـعه وثـلاثـون 39

#أرواح_جـهـنـمـيـة

الـحـلـقـه الـتـاسـعـه وثـلاثـون 39

🔥الـكـاتـبـه صـفـاء رجـب🔥.

الشاب: ابتهال عبدالرحيم.. ابتهال وين؟
ابتهال لفت عليه: هذا يعيطلي؟
صاحبتها: اي بري شوفيه خيره
ابتهال قربت منه: نعم؟
الشاب ابتسم: الدكتوره بعتت معاي ورقه لكي وقالت عطيها لأبتهال عبد الرحيم ومعاها رساله شكر عشان التقرير الي عطيتيه ليها
ابتهال ابتسمت بفرحه: كذاببب؟ تدوي ججديات؟
الشاب يضحك: اي وربي
ابتهال شدت الورقه وتشوفلها بفرحه: شكرا تعبتك معاي
الشاب ابتسم: ولو.. ولف وسيبها فرحانه بالورقه
ابتهال رفعت عيونها وشافت معتصم يشوفلها ولما جت عينه في عينها نزلها وكمل حكاياته مع روان
ابتهال مصدومه: "هادا خيره؟ مايغارش ولا شني؟ ولا كأنه خاطبني ولا معبرني اصلا.. وحست بخنقه واتجهت شور صحباتها وبشرتهن ✨"

.
.
.

في واشنطن الساعه 3 في الليل

صبت وكانت جيعانه وعطشانه بس متحشمه تطلب من اي حد.. رفعت عيونها ماشافت حد جنبها.. تنهدت وصبت عدلت شعرها وقربت من الباب وفتحاته.. ماشافت حد قدامها.. طلعت واتجهت للكوجينه وقربت فتحت الشيشمه وخذت كبايه وقعدت تعبي فيها لعند نطت لما سمعت صوت وراها ولفت شافت شاب عاري من فوق ولابس شورت للركبه لونه رصاصي والدخان على في فمه

فيصل بنظره صايعه: اححا انتي بنت عمي؟
حور فهمت الوضع ورفعت طربوش التوته على شعرها: ءء لالا مش نا
فيصل عض على فمه: معناها صاحبتها؟
حور استغربت نظراته ليها: اها
فيصل مبتسم ومد يده: تشرفت بيك يا طرفف
حور شافتله من فوق للوطه بنص عين وشربت الميه
فيصل رجع يده ونظم بيها شعره: باه كم عمرك انتي؟ وشن اسمك؟
حور بنص عين: شدخلك؟
فيصل عض علي فمه وضحك: الله نوعيه صعبه المنال نححبها ورببي
حور ابتسمت على جنب بطريقه استفزاز: نصيحه مني خليك تدور على بنت عمك احسن.. وطلعت من الكوجينه وسيباته
فيصل بخبث: حصلنا فريسه سمحه بلكل.. وطلع اتجه لداره

اما عندها بعد ما طلعت قررت تمشي لصاحبتها.. وفعلا قربت من الدار الي جنب دارها وطقت مرتين وفتحتها

منى شافلتها بنص عين: عليك احترام وادب من ايمتا اطقي انتي؟
حور انسندت بجنبها على الباب ومبتسمه: شن رايك انتي؟.. وقربت قعمزت جنب منى الي مقعمزه على السرير.. تعرفي نحس في راسي يوجع فيا وجيعانه بلكل
منى قلبت عيونها: مش منك رقدتي من المغرب لعند توا شن متوقعه يصير معاك.. وأشرت على جنب السرير بمعنى اسكتي
حور رفعت حاجبها بأستغراب وشافت جنب السرير بتول راقده على طرحيه على الارض.. فهمت على منى وتكلمت بصوت واطي
حور: مافيش غرف ثانيه ولا شنو؟
منى تهمس: كان ما انتي را قاعدات مع بعضنا بس مردوده ياحور
حور ابتسمت وتكلمت بصوت عادي: شن ندير اغرنتي بنت عمك دارها ججميله بلكل
منى تنهدت: ماشفتيش اي مكان نقعدو فيه؟
حور: لالا ومانبيش الحق لانه نحس بأنه قعدتنا هنا احسن لانه ناس ليبيه كيفنا وفاهمين في جونا خير من قعدتنا في الاجار ونحنا فلوسنا كملناهن
منى بنص عين: تيي اسكتي انتي فلوسك مازالن قاعدات نا الي فلوسي معش مزال عليهن واجد ويكملن
حور ابتسمت: اصبري شوي ونجيك.. وطلعت برا الدار واتجهت لدار جود وفتحت الشنطه طلعت منها شكاره ومشت لمنى اخره
منى عقدت حواجبها: شنو هذي؟
حور طلعت منها 5 صبغات: ترا را راممم شوفي شن جبتلك
منى عيونها مليانات فرحه: تيي نججكلييي وخلاص
حور رقصت حواجبها وقربت قعمزت جنبها: قررت نديرلك هذن كلهن مره وحده
منى ابتسمت: ماعنديش مشكله بس شنرايك توا لانه مانقدرش نصبر لعند بكرا
حور ابتسمت: تمام بس جيعانه نا شن ندير
منى طمت فمها: شنتقولي عليا نا وفي نفس الوقت مانبيش نطلب منهم ومانقدرش نطلع للمحلات
حور ابتسمت وسرحت وتذكرت لما كان عمر يطلبلها من المطعم في الليل وتنهدت بحزن
منى لاحظت على حور: كنك شن في؟
حور عضت على فمها وتحاول ما تتأثرش بس ماقدرتش تمسك روحها وصوتها خانها: مافي شي بس اذكرت حاجه
منى ابتسمت بحزن: شن رايك نطلعو بدون مايفطنو ونردو؟
حور ابتسمت بعدم تصديق: تيي انتي خوافه ما اديريهش
منى رفعت حاجبها: تراهني؟
حور: لالا خلاص اسكتي.. وسمعت صوت بتول
بتول تنحنحت: احمم.. وقعمزت وقعدت تشوفلهن.. عارفتكن ماتبنيش ندخل فيكن بس ماما وصتني وقالت لما توعن نديرلكن عشاء
منى قلبت عيونها: حور تعالي ديري هذن.. واشرت على الصبغه
حور ابتسمت لبتول: ياريت اديري فينا اجر وربي
بتول ابتسمت وطلعت من جنبهن للكوجينه
منى بعصبيه: ححور؟ كنك انتي! من ايمتا قعدتي طيبه وتعاملي في الناس هك؟
حور رشفت خشمها: جربت الشي هذا يا منى واكتشفت انه ماينفعش ومافيش مصلحه يعني انتي شن كسبتي كان عاملتيهم هك؟ قصدي انتي الخاسره مافيش غيرك
منى تنهدت: خليني نخسر عادي اصلا خسرت الدنيا كلها بما فيهم امي تتوقعي مايهونوش عليا مثلا؟ تي اسكتي عارفتني لما نحقد معش نغفر لحد
حور ابتسمت بتهكم: وحقربي حتتغيري مع الايام وقولي قالتها حور
منى تنهدت: على المهم جيبي اي بلا نحطو فيه الصبغه
حور ابتسمت: هيا.. وطلعت واتجهت للكوجينه وشافت بتول تقطع في البطاطا وتفتح في المعلبات
بتول فطنت لحور وابتسمت: قتلك عادي معلبات صاح؟ لانه ماخطرش عليا حاجه سريعه الا هن
حور ابتسمت:  اها اي حاجه عادي.. على المهم نبي تباسي غارقات شوي
بتول أشرت على الدولاب: تلقيهن في الدولاب هذا
حور قربت وفتحاته: غريبه تحكن ليبي بطلاقه هنا؟.. ولفت على بتول
بتول ابتسمت: باتي شارط علينا الشي هذا والي يتكلم انجليزي يدير فيه نهار اسود
حور ابتسمت: حتى هو راي سمح
بتول ابتسمت: اها
حور تنهدت: اسمعي مانبيكش تزعلي من كلام منى لانها دمها حامي وصايرات معاها ظروف وناقمه على الناس كلها
بتول ابتسمت: لا عادي مانلوهمش اكيد الشي الي خلاها تجي هنا من دون علم هلها كفيل انه يغيرها ويغير طبعها
حور ابتسمت بحزن: اها اكيد الشي هذا بس ان شاءالله مع الايام حتنسجم معاكن
بتول ابتسمت ورفعت عيونها شافت فيصل وفنصت فيه: اطلع يا فيصل بلا جو
حور عقدت حواجبها ولفت شافاته بنفس المنظر.. قلبت عيونها وشدت في التباسي وبتطلع
فيصل رقص حواجبه: كنك رافعه خشمك انتي؟
حور ابتسمت بتهكم: وانت شن واجعك؟
بتول عيونها بيطلعن: فيصل شنن تبيي؟
فيصل شافلها بنص عين: نبي حاجه ناكلها جيعان
بتول: امشي لدارك وتوا نديرلك
فيصل طم فمه: نبي نراجي هن.. وشاف لحور الي شاده ضحكتها على عناده.. اضحكي عليش ماسكتها ضحكتك
حور ابتسمت: مش طبيعي وحقربي.. ولفت على بتول الي تفنص في فيصل وهو ماد وجهه معاهن