ارواح جهنميه

الحـلقـه واحـد وعـشـرون 21

#أرواح_جـهـنـمـيـة

الـحـلـقـه واحـد وعـشرون 21

🔥الـكـاتـبـه صـفـاء رجـب🔥.

حور تشوفله وملامح الدهشه على وجها: من دار فيك هك؟
عبدالرحمن استغرب قعد يشوف لوج عمر الي واضح انه كان في عركه
عمر تنهد ونفخ بقله صبر: تعالي توا نحكيلك جوا
حور بتوتر: والشقه؟
عمر خش وسيبها وراه وبالها مشغول
حور لحقاته وخشت وحطت يدها على خصرها وتهز في كراعها وتراجي فيه يحكي
عمر تنهد: تي باه ماتبحتيش فيا هكي
حور عقدت حواجبها: احكي بسرعه
عمر تنهد: هذا يا ستي....

#نرجعو شوي

الشاب الثاني يضحك: تي هادا زينا شاف البنت وجت في خاطره
عمر ابتسم: تعال نوريك شن في خاطري.. وطاح فيهم ضرب
الشاب قعد يضرب في عمر الي طيحه على الارض وماعطش فرصه عشان يضربه مره اخره
الشاب الاول يفك في صاحبه: تي بالله فكونا من الفضايح
الشاب للثاني غارق في دمه: تي والله... #يا ولد..#
عمر فنص فيه وجن جنونه: شن قلت؟
الشاب الاول: تهنا بيها الخرا هادي.. وخذا صاحبه وعدو
عمر خذا نفس طويل ودخل يده في شعره وزفر بقوه.. وألتفت شافها تشوفله وماسكه شكاير في يدها
عمر شافلها من لوطه لفوق كيف كانت لابسه عبايه وواضح انها قديمه ووشاح لافته لف على راسها وتمسح في دموعها وخصلات شعرها طالعات من الوشاح
البنت مرتبكه ومنزله عيونها: شكرا ومعليش تعبتك معاي
عمر راقيتله: كيف تطلعي انتي بروحك وين خوتك وبوك؟
البنت زادت تبكي بعبرتها: ءء ماعنديش لا اب ولا خوت
عمر تنهد وشفق عليها: وين حوشكم؟
البنت تحاول تكتم بكيتها: مش بعيد من اهني
عمر: تعالي نوصلك
البنت خافت: لالا تمام نقدر نمشي
على فهم عليها: خلاص نا نمشي بالسياره وانتي امشي قدامي
البنت هزت راسها وتسقم في وشاحها... اما عمر مشا ركب سيارته وقعد يلحق فيها... وفعلا بعد دقائق شافها فتحت الباب على حوشها وسكراته بدون ماتلتفت عليه
عمر: عليك حاله وخلاص.. ولفت انتباهه شباب قاعدين في الزاويه ويحكو ويدخنو وقرر يمشي يسأل
عمر قرب منهم:ءحمم السلام ععليكم
الشباب مستغربينه: وعليكم السلام
عمر قعمز جنبهم: شنجو؟
الشباب بتفاوت: والله تمام وانت؟
عمر: الحمدلله.. ع المهم نبي نسألكم
واحد منهم: تفضل؟
عمر: الحوش هذا حوش من؟
الشاب: والله الحوش هذا فيه عجوز وبنتها ومعاها بنت اختها تربي فيهن هي
عمر بأستغرب وعقد حواجبه: اها يعني مافيش راجل الحوش هذا
واحد ثاني: اياههه قصتهن قصه وربي
عمر ابتسم: ونا قاعد احكولي
الشاب: هذا يا راجل العجوز هذي ماجابت الا بنت وحده بس وراجلها مات في الحرب وبعد فتره ماتت اختها وجابت بنت اختها الي ياما صار فيها
عمر بفضول: شن صار؟
الشاب: بعد موت امها وبوها اصلا كان ميت اعمامها جابوها معاهم واولاد اعمامها حاولو يتحرشو فيها بس الحمدلله ربك فرجها عليها
واحد منهم: بس على حد علمي انه البنت اغتصبوها
الشاب نفض بيده: فكك من الدي الزايد جيراني وعارفهم
عمر: امم والله منبدري صارت.. وقعد يحكيلهم في قصه البنت
الشاب تنهد: ان شاءالله ربي يستر عليهن حتى فلوس على ارواحهن ماعندهن عايشات على الراتب
عمر: ربك يفرج