ارواح جهنميه

الحـلقـه الـسابـعه عـشر 17

#أرواح_جـهـنـمـيـة

الـحـلـقـه الـسـابـعـه عـشـر 17

🔥الـكـاتـبـه صـفـاء رجـب🔥.

امجد بهزوه: عمر تحسابه بيقعد خلاص شهر هك بعد فرح سفيان وسند تلقاه مطربق للشرق
محمود: يا عليك حاله شن بيصير في هلنا نحنا
سند: يومتها قريب نكلبو عشانهم
سفيان: ان شاءالله مايصير الا كل خير... وسمعو الباب يطق
امجد صبا: باهي باهي... ويفتح يلقا قدامه سعيد وعمر وحور
امجد: نورتو نورتو.. وسلم ععلى عمر وسعيد وشاف لحور الي تخزرت فيه وخشت لدارهم ... اما امجد ضحك ضحكه خفيفه على الجنب
عمر قعمز معاهم: وشنجو؟
محمود ابتسم بضحكه: والله على حطت يدك عندنا وحدين هنا ميتين على الجيزه
عمر يضحك: مفضاهم يراجل
يوسف يضحك: مش قلتلكم توا يونسني
سفيان يضحك: لما تكبد معد تعرف روحك فيش ادير اصلا ... ورفع عيونه في امجد الي لاف يديه في بعضهن ويفنص فيه
عمر فطن للوضع وقعد ماسك ضحكته
سند: شنجو عندك انت؟
عمر رخا جمسه على الصالون:مافيش جديد حتى نا.. وشاف لسعيد... عندي واحد هنا قاعدلي عضم بوغصاص مزعم كبدي
سعيد شافلهم كيف يضحكو وقلب عيونه: عونك لمن يا تافه؟
عمر حركله حواجبه بقهر: الي فيه شوكه تنغزا ... وتجي خبطه في راسه بالعكوز
سعيد: غير بالله اسكت كان في حاجه تنغز هنا هي انت.. وطلع
سفيان يضحك : لاكن قصفكك يراجل
عمر مبتسم: خليه خخليه عادي
وقعدو يحكو

.....

سعيد خش عليهن

مبروكه عيونها ضحكن: ميه مرحبا ميه مرحبا نورت يا حاج
سعيد مبتسم: منوره بيكم والله.. وشاف لصبايا ضناه... شخباركم وايش دايرين؟
غزاله: الحمدلله قاعد تشوف بعينك نجارو هك وهك
سعيد: ربي يساعدكم.. وألتفت يشوف ويدور بعيونه
سعيد بأستغراب: حور وين ماجتكمش؟
مبروكه مدت فمها: لا الخايبه مدرعنها وين
سعيد التفت وطلع من الكوجينه وشاف للدار لقاها مسكره... قرب ومشا طق عليها
حور تدندن وتحوس في دارهم: من؟
سعيد رافع حاجبه: حلي حلي يا هبله حلي
حور فتحت الباب ورافعه حاجبها: همم؟
سعيد: يركبك الهمم ان شاءالله
حور ابتسمت وخشت وسيبت سعيد جنب الباب
سعيد فتح الباب: فيش اديري؟
حور لاهيه في روحها: ننظم في دبشي لبكرا
سعيد شاف ليديها: ايمتا حلك حنيتي انتي؟
حور ابتسمت بشموخ: شن رايك فيها سمحه صاح؟
سعيد ابتسم : سمحه سمحه
حور ابتسمت وفرحت بكلامه
سعيد رد رفع حاجبه: وخيرك ماتمشي تساعديهن في الكوجينه
حور انصدمت وتشوفله: في شنو نساعد؟
سعيد شافلها بأستغراب: تساعديهن وتحوسي معاهن
حور حطت يدها على بطنها وبوجع مزيف: اه بطني مش قادره
سعيد يشوفلها بنظرات خلتها تخاف
حور مضيقه عيونها بألم: اخخ لاكن عادي حصل خير.. وطلعت قدامه للكوجينه

.....

نور: وعلاش يدور فيها بينا؟
رغد: بلكي يبيها تساعدنا
نور هزت راسها بنفي: مستحيل جدي مايحمل فيها شي
مبروكه سمعت نقاشهن وجت بتحكي وتشوف سعيد وقدامه حور
سعيد: خشي حوسي معاهن وشوفي شن ناقص
حور شافتلهن بضحكه مجامله وألتفت لسعيد:وحنتي؟
سعيد شاف لمبروكه: عطيها حاجه مافيهش غسل يدين عشان حنتها
مبروكه تشوف ليديها ورافعه حاجبها : امم باه باه
سعيد طلع وسيب حور متوتره في وسطهن
مبسوطه شافتلها وابتسمت: تعالي يا بنيتي قعمزي
قدمت حور قعمزت جنبها وحاسه انه المكان في وسطهن مش لها
مبروكه رافعه خشمها: وين قاعدين انتي وعمر؟
حور شافتلها: مأجرين شقه قاعدين فيها لعند فرح سفيان وسندس
مبروكه رفعت حاجبها: وجدكم بيقعد معاكم غادي؟
حور بحيره: مش عارفه الحق بس منضنيش
مبروكه قعدت تفكر وقررت انها تكسبهم مش تعاديهم
رغد قرصت حور من الجنب
حور التفتت ومستغربه
رغد مبتسمه: لهجتكم قنينه
حور ردت الابتسامه: ععيونك القنينات
وعد ضربتها في وسط ضهرها: ياحيوانه لا تسألي عليا لا مدورتني
حور ابتسمت بضحكه: والله مافضيت صاح اخفتيت يومين بس سعيد ماريحنش غادي
مبروكه تحاول تسرق منها في الكلام: خيره بعدك تحسيه معقد شوي
حور فهمت مبروكه لوين تبي توصل: ينعلي وحقربي صاح بالذات امس مشا معانا للمحلات وجو
مبروكه رافعه حاجبها وتشتغل: باهي؟
حور بأبتسامه مكر: طبعا مانحكيلك على العزايز الي في المحلات مايتحشمن بلكل
مبروكه فنصت عيونها وتسمع: كيف؟ ءء قصدي شن صار
حور بحقاره: يشوفن لسعيد وهو يدفع في الفلوس ويكحلن فيه بعيونهن تخيلي وحسيتهن نا مش عارفه حسيتهن كبدن فيه... "يا ناريي على فلوس عمر الي عدن شكيره في سعيد"
مبروكه منفجعه: وجدك شن دار؟
كلهن ماسكات ضحكتهن على ملامح مبروكه
حور مبتسمه وتحاول تخفي ضحكتها: ماعطاهن وج بلكل رافع خشيمه في السما بعكوزه وهن مغير يبحتن
مبروكه بفخر: حتى نا عارفته شايبي خايب ومش اي وحده تملى عينه
حور تضحك: كان تعطيني من طبعك الي مخليته مايشوفلهن بلكل
مبروكه فرحت لكلامها: والله شنقولك لما تقعدي صافيه معاه وماتلفيش وتدوري سا يكبد الراجل
وعد ماسكه ضحكتها والدموع ينزلو
حور بحيره وحاطه يدها على وجها وعاقده حواجبها: يعني نعتمد طريقتك؟
مبروكه رافعه خشمها: اكيد شوفي اني ابسط مثال قدامك تزوجني نا بس وماشاف لغيري
حور: لا مشاءالله عليك حتى انتي مزال صباحك فيك
مبروكه ابتسمت بخجل: سلمك سلمك
حور بأنتباه: في حاجه تبيني نديرها معاكم!
مبروكه مبتسمه وصبت تغسل في يدها: لا سليمتك شوفي بس عماتك شن يبن وجيبيلهن ماتلزبيش يديك بس
حور ابتسمت: باه... وطلعت مبروكه
غزاله تضحك: ياما يطلع منها عمتي
مبسوطه مبتسمه بضحكه: خايبه خايبه
عمر خش عليهن ويدور بعيونه على حور الي مقعمزه وتحكي مع وعد
عمر يشوفلها بشماته: جاك الموت يا تارك الصلاه.. وضحك
حور قلبت عيونها وتتهزا عليه:ننن يا تارك الصلاه
عمر ساح من الضحك على ملامح وجها
حور تخزرت فيه: كنك بارد شن تبي وسط الصبايا؟
عمر بمكر جا قعمز جنب غزاله: والله عاجبني جوهن نا الصبايا مش شورك انتي
حور تفهاته وقعدت تهدرز
عمر بجديه: افطني لحنتك على الاقل لعند بكرا
حور: باه
غزاله شافتله: كيف حالك؟
عمر ارتبك عشان مقعمز جنبها ومش عارفها من اصلا: الحمدلله وانتي؟
حور ألتفت عليه وتضحك: ينعلي حسستني تعرف من هي؟
عمر تخزرط: سكريي فمك
غزاله تضحك: لا عادي مافيها شي ونتعرفو
عمر شاف لحور بمعنى موتي قهر:  ونتشرف بيك والله
غزاله: نا عمتك غزاله مرات عمك محمد وأشرت على مبسوطه وهذي مرات عمك عبدالرحيم
عمر ابتسملها: بجوده والله
غزاله: مرات بوك توا مش قاعده عشان نخليك تشبحها وتعرفها منو
عمر قلب عيونه: عارفها البارده
حنين فنصت عيونها: شني قصدك؟
عمر شافلها: وانتي شن دخلك؟
غزاله: امها ابتسام اصلا
عمر: ينعلي يا بوي ونا نقول الجلاطه من وين جايبتها
حنين جت بتحكي وتهزب وتطيح عينها على الحور الي تهدد فيها بنظراتها
حور قربت وتهمسلها: يا ويل امك كان رديتي بحرف ععليه
حنين بعصبيه: ههي منيش خايفه منكم را
حور ابتسمت بحقاره: جربي كان عندك ما تخسري... وغمزتلها
حنين طلعت تخبط وتذكرت انهم كابسينها تموعد ورا الحوش
عمر ابتسم وشاف لغزاله: كمليلي.. وجاب مخده ورقد جنب غزاله
غزاله: وهذن يا سيدي بنات عمك
عمر شافلهن بأستغراب: وعد مرات محمود ولا لا؟
وعد هزت راسها بأيجاب
عمر وشاف للباقي بأستغراب
رغد نطت: نا رغد بنت بوي... وتخزرطت.. ءء قصدي بنت عبدالرحيم
كلهم قعدو يضحكو
ابتهال تضحك: ونا ابتهال اختها
نور مبتسمه: ونا نور اختهن
عمر هز راسه بأبتسامه
رغد نطت تحكي: واختنا الرابعه عائشه لاكن مش قاعده هنا توا
حور بانتباه: هذي الي يبي ياخذها سند؟
وعد: لالا يبي ياخذ سندس
عمر: معناها سفيان بياخذها
مبسوطه: ايوه
غزاله: وبنتي ساره قاعده مع البنات في حوش عمك
عمر: وسندس وحنين هذن بنات ابتسام؟
غزاله: لالا سندس وسفيان امهم بروحها وحنين امها بروحها
عمر يهز في راسه ويتمتم: مكثرهن عبوديي
سمعنه البنات وماسكات ضحكتهن
عمر شاف لحور: حفظتيهن؟
حور: اها
عمر قلب عيونه: حتى نا مغير نسأل عارفك بهيمه
حور: كنك سخيف؟
عمر طلق فيها المخده: بعد سخافتك حرمت
حور: امشي يا مهزب
عمر صبالها وقرب منها بتهديد: من المهزب؟
حور شافت عبدالرحيم خاش من الجنان دفت عمر ومشت تجري ورا عمها
حور: انت من في غيرك
عمر لحقها  وكانت ورا عبدالرحيم الي مش فاهم شي
حور تتجنب في عمر: دونك له ياعمي
عبدالرحيم يضحك: خيره شن داير؟
عمر قلب عيونه: هالمهزبه الخوافه الي مش قد كلامها.. ورد قعمز
حور ابتسمت بمكر: ومن قالك نا قد كلامي
عمر قلب عيونه
حور رفعت عيونها في عمها وارتبكت: شخبارك
عبدالرحيم مبتسم: الحمدالله
حور رفعت يديها بشكل عفوي: شفت حنتي؟
عبدالرحيم برغم انه مايحبش الحنه بس ابتسملها ابتسامه لطيفه: قنينه وسمحه بكل
عمر بهزوه: غير بطل يا راجل يديها قاعدات زي يدين الغوله
حور رقيتلها: بحت لروحك يلجرب
عبدالرحيم يضحك: لا قنينه بلكل
حور ضحكت: عيونك قنينات والله مش زي عرب عنها عيونها زي عيون الحمار الي ملتمات عليهن الذبان
عمر ببرود: هاهاهاهاهاهاها ضحكتيني
حور: يلا نا نمشي لسعيد اشرفلي.. وطلعت
عمر صبا: عارفها توا تقرم في.. ولحقها
عبدالرحيم يضحك عليهم
نور مبتسمه: مغير يتعاركو
وعد مبتسمه: مغير هك بس خاطيها مايحملو في بعضهم حاجه
ابتهال: حتى نا حسيتها.. وقعدن يحكن