ارواح جهنميه

الـحلقـه السـابعـه وثـلاثـون 37

#أرواح_جـهـنـمـيـة

الـحـلـقـه السـابـعـه وثـلاثـون 37

🔥الـكـاتـبـه صـفـاء رجـب🔥.

منى لفت وتمشي وتسمع صوت وراها
علي بصوت مبحوح: منى؟
منى لفت وشافتله بغل: كنك؟
علي قرب منها والدمعه في عينه وشد يديها: بنت خوي الغاليه
منى نفضت يديه بقوه وابتسمت بتهكم: اي ماه.. وتسمع صوت وراها نطت من الخوف ولفت شافت شاب طويل وعريض ولابس جلبيه لونها ابيض ونقشه على الاسود وواضح من ملامحه انه معصب
ادم بعصبيه وبصوت عالي: اححترمي نفسك ومعش تحاولي ترفعي صوتك على باتي
منى تشوفله بأستحقار: بوك خوذه من قدام وجي يكون احسن
ادم جا بيحكي لاكن تكلم علي بسرعه
على مرتبك: خلاص يا ادم هذي بنت عمك وجايه هنا ضيفه عيب تعاملها هكي
ادم سكت ويشوف لمنى بحقد الي اصلا كارهتهم وكارهه تشوفهم
علي شاف لمنى بحنيه: عارف يابنتي شايله مني واجد بس خلينا نقعدو ونحكو مع بعضنا
منى تكلمت بهدوء: اسمع وحقربي مش ناقصني وجع راس تمام ونا اصلا غلطانه لما حكيت لصحباتي على هلي بس يلا مش مهم... المهم عندي انه تنسا اني موجوده هن وياريت ماتحكي لحد لانه نا هربت منهم وجيت مع صاحبتي واكيد يدورو فينا
علي بصدمه: جيتي هنا هاربه من من؟ وعليش شن دارولك؟
منى تنهدت: مايهمش ومش ضروري تعرف عشان هك فوتني ونفوتك ومانبيش مشاكل وهيا السلام عليكم.. ومشت للصيدليه ووراها شهرزاد وسيبت علي الي يعيطلها
ادم شاف لبوه وتنهد: يا باتي فوتها الواضح ماتبيش تخلط علينا واصلا لو تبي تتواصل معاك را جاتك بروحها مش جت صاحبتها
علي بحزن: يشهد عليا ربي مادرتلها حاجه ولا أذيتها ولا أذيت بوها.. وتنهد.. صاح كان محاربني عبدالفتاح "اب منى"  عشان نا سافرت وسيبت هلي بس مش لدرجه يكرهني
ادم: يا باتي خليها تعيش زي ماتبي هيا مش صغيره وعارفه مصلحتها وين وماتخفش عليها بما انها لقت شغل طول وتحاول تنظم حياتها
علي بحده: انت هبل ولا شنو.. البنت جايه بروحها يعني لا معاها راجل ولا شي والبلاد هذي اجنبيه وانت عارف الاجانب شنو كل شي عندهم عادي ونا مستحيل نخليها تنحرف ولا تضيع هنا
ادم نفخ: بجوكم لاكن نا نشوف منها لقطه زي الي منبدري وربي مانمسك روحي
علي تنهد: تحملوها هذي بنت عمكم في النهايه ويتيمه واكيد ياما شايفه في حياتها عشان قاعده بالقساوه هذي
ادم رفع تلفونه: امي قاعده ترن وتسأل شن صار معانا هيا عشان نمشو نشوفوها
علي تنهد: هيا.. ومشو على امل يرجعو مره ثانيه ومنى تغير رايها

.
.
.

حور قاعده ورا الطوله: وحقربي اخر مره توبه وربي توبه.. وتشوف الكندره جايه في راسها
منى ماسكه الكندره لخره: وحقربي مايفكك مني راجل يا حيوانه.. وطلقتها فيها وجت جنبها
شهرزاد مكتفه منى: بشرفك خلاص اخر مره تساويها حكتلك توبه البنت
منى فطنت انه شهرزاد ساعتها وشدتها وقعدت تضرب فيها: ياحيوانه حتى انتي مساعدتها على الوضع
شهرزاد تحاول تفك روحها وتضحك: ياحور تعالي ساعديني الله يخرب بيتك
حور منطمره ورا الطوله: اقرصيها في بطنها توا تخطاك
منى بعدت من شهرزاد وداهشه: حيوانات وكلبات خزيي عليكن.. وحقربي ماخطرت عليا اديرنها فيا.. وشافت لشهرزاد.. انتي بعملتك هي شو استفدتي او شو بدك تستفادي؟
شهرزاد تنظم في لبستها ووشاحها: والله حور طلبت مني هالشي وانا عملتو وحكتلي ممكن بتحني لعمك وانا بعمل اجر فيكم
منى شافت لحور بنص عين: اسكتي يابويي ماتغبيني غير فيها بلكل الشيطانه هذي الكلبه خخزي ععليها وحقربي ياحور نردها لك
حور ماسكه ضحكتها: ولك شبك معي؟ مالك يا اختي عماله بتعيطي عليا
منى ضحكت بهزوه: ربي يعيني كيف بنعيش معاك نا.. اصلا غلطانه من ساعه ما رافقتك ونا صغيره مش عارفه فيش كنت نحس
حور تضحك: الله غالب عليك مكتوبلك من ربي
منى تنهدت: نا مزال ساعه ونكمل وراس امكن ايوه دورن اي مطعم ولا اي بلا ناكلو فيه جيعانه
حور قعمزت على الطوله وتهز في رجلها: بعد خطرها شهرزاد جابتلنا شفرات نا ركبتها شفرتي وانتي اهيا.. وطلعتها من الشنطه ونزلت ومدتها لمنى
منى ابتسمت: هيا نرنو على ميار اكيد تراجي فينا
حور ابتسمت: هيا