ارواح جهنميه

الحـلقـه ثـلاثـون 30

#أرواح_جـهـنـمـيـة

الـحـلـقـه ثـلاثـون 30

🔥الـكـاتـبـه صـفـاء رجـب🔥.

ريم قربت بعصبيه وتسب وتعلن وشدت شعر ابتهال وتضرب فيها وابتهال مصدومه

ريم بعصبيه: ياصايعه ياخنابه الرجاله.. وضربتها كف وحولت وشاحها من على راسها.. يا... # يلي هلك طالقينلك وهم اصلا.... #
ابتهال فطنت لروحها ودفتها بكل قوتها: صكريي فمك تغلطي فيا اني اوكي ياتافهه لاكن تغلطي في أماليا نكسرك ونكسر هلك الي مخليينك زي المطرشقه في الشوارع
ريم جن جنونها وردت هجمت ععليها: انتي اصلا لك عين تحكي يا....# ياخنابه الرجاله يامعنزه
ابتهال شدت شعر ريم: انتي مني اصلا ومنو الراجل الي خنبته منك
ريم ضربت ابتهال كف قوي: اني خطيبه معتصم الي تدحنسي عليه في الليل ياعاهره يامعفنه
ابتهال رفعت عيونها الي معبيات دموع في معتصم الي مصدوم في خطيبته
ابتهال ابتسمت بتهكم والدمعه في عينها: اي هادي خطيبتك المحترمه يا سي معتصم.. ولا كنت عارف انها بتجي ادير العار؟
معتصم معش عرف شن يحكي وجهه طاح قدام حسام صاحبه وابتهال ويفنص في ريم الي تهزب في ابتهال
ابتهال عطت معتصم نظره قسماته اثنين وطلعت ولحقها حسام يجري
معتصم شاف لريم بعصبيه: قولي لأماليك معتصم بيجي يفسخ.. وطلع يجري ورا ابتهال وسيب ريم الي عرفت شن دارت من مصيبه

.
.

حسام شد ابتهال من يدها: ابتهال بالله اسمعيني
ابتهال شافتله بعيون مليانه دموع: خيرك؟
حسام: معتصم وربي متأكد مش عارف بلي صار ونتأسف منك بدالها وبدال معتصم
ابتهال ابتسمت بتهكم: لا عادي مانلومهش هي لو بنحط اللوم على حد بنحطه على معتصم الي خلاها توصل فيا واكيد داويلها عليا بما انه مايحبنيش ولا يطيقني لا في سما ولا في وطا ومعتصم اصلا مش اول موقف يديره ليا يعني هو حقير بلكل وخطيبته احقر منه بس يلا الطيور على اشكالها تقع
حسام حمق من كلامها: بس معتصم مستحيل يدير هكي.. وتقاطعه ابتهال
ابتهال مبتسمه: حسام معتصم صاحبك انت مش حتفرط فيه عشان هك بننهي النقاش توا ومعش يهمني شي وان شاءالله معرفه خير
حسام ابتسم: ان شاءالله
ابتهال مشت من جنبه وحسام حاس بكميه احراج مش طبيعيه وجا بيمشي لمكتب معتصم وشافه كان واقف ويسمع فيهم
معتصم راقيتله وعاض على فمه
حسام: فوت يا راجل
معتصم سكت ومشا لمكتبه ومعاه حسام

اما عندها هي اتجهت لدار مبروكه وقلبها شايل من معتصم وخطيبته وتتوعد فيهم

.........

فات الوقت عادي وجت الساعه 9 في الصبح

يوسف مبتسم: هيا ياحاجه
مبروكه صبت وشافت لحسام وقربت حضناته: بنستاحشكم والله
حسام حضنها: ونحنا اكثر ياعمتي
مبروكه: سلملي على معتصم
حسام ابتسم: يوصل سلامك
مبروكه شدت في يد يوسف وقعدت تمشي معاه ووراهم ابتهال الي كانت مدمره نفسيآ بعد الي صار امس