ارواح جهنميه

الحـلقـه الـسادسـه وعـشـرون 26

#أرواح_جـهـنـمـيـة

الـحـلـقـه السـادسـه وعـشرون 26

🔥الـكـاتـبـه صـفـاء رجـب🔥.

نور بهدوء: وراس ليث وراس امك فوزيه ماتغتصبني بالله عليك كل حاجه الا الحرام بالله عليك.. ودموعها ينزلو
ليث شافلها وقعمز جنبها: نور اني وربي ما في بالي نأذيك
نور تشوفله ودموعها ينزلو
ليث تنهد: مش حندير فيك شي تريحي
نور قعدت تكتم في عبرتها بس ماصارش شهقاتها ورا بعض يخلنها تنهار من البكاء
ليث صبا واتجه للمطبخ البسيط الي في الاستراحه الصغيره وشاف الوجبه الي جابها من المطعم قرب ومسكها.. واتجه شور نور الي مش قادره تمسك روحها
ليث مدها لها: تفضلي من الصبح ماكليتي شي
نور تبكي وتشهق: مانبي شي نبي نروح بس
ليث تنهد حطها جنبها وطلع برا يدخن واتصل بمهاب

مهاب: ها شن صار معاك.. كلموني هل الحوش وقالولي خطفت نور
ليث حط يده على راسه وفرك بقوه: ايي خطفت نور يا مهاب متريح هكي
مهاب طم فمه: شن دخلني اني علاش تكشخ عليا
ليث تنهد: البنت حالها يسخف
مهاب: ايمتا ناوي ترجعها؟ واغتصبتها ولا لا
ليث: بنرجعها بعد بكرا.. وصكر المكالمه عشان يتجنب سؤال مهاب

.
.
.

عمر زفر بقوه: وشن بيديرو توا هم؟
حور تبكي: مش عارفه وجعتني ياعمر حرقت فيا هن.. وحطت يدها على قلبها
عمر تنهد: اشش خلاص ياحور عيني اسكتي توا وان شاءالله سا نلقا راي قريب
حور تبكي: ايمتا بتروح انت؟
عمر بحيره : مش عارف ومانقدرش نروح
حور: باه احسن خليك غادي اصلا جيتك وقل جيتك زي بعض
عمر تنهد: قوليلي كان لقيتوها
حور تمسح في دموعها: باه
عمر: اوكي.. وصكر وقعد عقله عند سعيد والمصبيه الي نزلت على روسهم

.
.

اما عندها بعد ما كملت مكالمه مع خوها اتجهت برا الدار وشافت الوضع زي ماهو مبسوطه شادتها تبكي وتعيط وتتحسف علي بنتها وعائشه تحكي وتبكي وحاطه اللوم علي روحها ورغد في حاله مايعلم بيها الا ربي تصلي وتدعي لاختها.. التفتت شافت غزاله تواسي في البنات وابتسام شاده تركينه بروحها وساكته

حور اتجهت لمبسوطه وقعمزت جنبها ومسكت يدها: عارفه انك ام وكبدك محروقه على بنتك وممكن انتي اكثر انسانه توا مدمره نفسيا بس مش حينفع عياطك وبكاك هذا ادعيلها ربي يكون معاها ويحميها
مبسوطه تبكي وشدت حور حضنتها: شني ندير وربي قلبي نار نار ياحور نار مش عارفه شن ندير
حور ابتسمت وطبطبت عليها: حتمشي صدقيني وهذا امتحان من ربك على صبرك.. انتي ألجئ لربك وصدقيني مش حيردك خايبه
مبسوطه قعدت تسمع لكلام حور الي شبه رد فيها الروح ❤.

....

سعيد يفرك في عيونه بتعب: شنصار
امجد بعصبيه: قلبت مصراته كلها مالقيتهش
سعيد تنهد: نعنبوك ياليث نعنبوك وخلاص
عبدالرحيم بتعب : شن نديرو يا بوي؟
سعيد: نخاف نبلغو الحكومه تنتشر قصتها ونخشو في خبر مش لنا
محمود بعصبيه: يعني؟؟ نقعدو مسكتين؟
سعيد: ارجعو دورو عليها كويس بس
سفيان يهز في رجله ويفكر: اني متأكد انها مش بعيده
سند: عندي احساس انها مش في مصراته اصلا
كلهم التفتو لسند
سعيد: كيف يعني؟
سند: مش غبي ليث عشان يحطها في مكان قريب وفي ناس كان هذا را سمعو صوت نور وهي تعيط ولا لا؟
محمد: اي معاه حق
سعيد: معناها امشو اقلبو عليها الدنيا
امجد: عطيني رقم ليث نمشي نشوف مكان اخر اتصال داره ممكن نلقوها
سعيد عطاه التلفون: اني راجع للحوش ووكلتكم كل حاجه اعمامكم تعبانين كل شي فيديكم انتو مش صغار
سفيان هز راسه: ان شاءالله خير
سعيد ألتفت على يوسف: انت خليك اهني تنزرع مانبيش منك شي
يوسف: تمام