ارواح جهنميه

الحـلقـه الـخامـسه وعـشـرون 25

#أرواح_جـهـنـمـيـة

الـحـلـقـه الخـامـسـه وعـشرون 25

🔥الـكـاتـبـه صـفـاء رجـب🔥.

وقرب من دار حور وفتح الباب شاف الدنيا ضلام قدامه قرب منها وقعد يهز فيها
حور تنهدت بعبره وهي راقده.. سعيد عرف انها كانت تبكي 💔
سعيد تنهد: حور.. حور.. نوضي يا حور خلاص المغرب بيذن
حور فتحت عيونها بتكاسل: باه باه هيا
سعيد ابتسم: خمس دقايق نشبحك راقده نسود عيشتك.. وطلع
حور نفخت: ياعليك حاله... على المهم نمشي نصلي وتوا نحكيله مع انه واضح مستحيل يوافق

.
.
صبت وتوضت وصلت الظهر والعصر ومن كثر ما كانت متحمسه تمشي تحكي مع سعيد نست انها تقرا القرأن .. طلعت شافتهم في الصاله وقاعدين على قهوه وبسبوسه وأستغلت فرصه انه سعيد مبتسم وواضح انه رايق .. قربت وقعمزت جنبه

سعيد ابتسم: صبيلها قهوه.. قاطعاته حور
حور بأبتسامه لطيفه: لا مانشربش فيها القهوه
مبروكه طمت فمها بخزره: عليك حركات
حور تضحك: شن هنا الحركات؟
مبروكه: القهوه تخليك تصحصحي وتركزي
حور ابتسمت: القهوه على فكره نوع من انواع المخد.رات را يعني شوفي في ناس مدمنتها صاح مفيهش عيوب لاكن تخلي الانسان عصبي كان ماشربهش يخشه عقل مش عقله
سعيد بعدم تصديق: تدوي جديات انتي؟
حور قلبت عيونها: تشوف فيا نبصر ولا شنو؟
مبروكه بأبتسامه ضحك: لا بس جدك فيه المواصفات هدن كلهن
حور ضحكت بخفه: عادي شوفي مزال عايش
سعيد فنص فيها: قولي مشاءالله تبيني نموت ولا شني؟
حور تضحك: ههه لا مشاءالله لا قوه الا بالله
سعيد ابتسم وسكت
حور بحماس قربت منه وتهمس: جدي بنقولك حاجه
سعيد انصدم من كلمه جدي.. ولا اخره طالعه من فم حور
سعيد ابتسم: خيرك؟
حور مسكت يده وشبه الانظار قعدت عليهم مستغربين واولهم عبدالرحمن
حور تهمس وتلعب بصوابع سعيد: مش نا حفيدتك
سعيد مبتسم بهزوه: اي
حور: ومش تحبني هلبا هلبات
سعيد ضحك: اي
حور ابتسمت: ومش لما نطلب منك طلب ماتقوليش لا
سعيد ضحك: اي
حور فرحت: يعني لو نقولك خاطري في حاجه تديرلهالي؟
سعيد ابتسم: لا
حور نفضت يد سعيد بعصبيه: ععرفتك اصلا كيفك كيف عمر
كلهم مركزين على ضحكه سعيد الي شادها
سعيد ابتسم بضحكه: تعالي نبصر معاك
حور قلبت عيونها: خلاص معش نبي شي
سعيد بجديه: اخر مره نقولك تعالي را معش في قدامك فرصه
حور قربت منه: يعني موافق؟
سعيد ابتسم: على شنو؟
حور منزله عيونها وتهمس: نا محبوسه من لما جيتكم ومانطلعش بلكل... طلعت مرتين بس بالعدد
سعيد سارح: صحيح كلامك
حور ابتسمت بمكر: وتبي الحق بما انه عمر مش قاعد ومطول نبيك تاخذني لطرابلس
سعيد فنص عيونه وبصدمه: ششننيييي؟
حور نطت خافت منه: كنك يا راجل فجعتني
سعيد فنص فيها: طبيعيه انتي؟
حور قلبت عيونها وشافت نظرات الشماته من امجد
حور طمت فمها: لا مش طبيعيه
سعيد راقيتله: حتى اني حسيتك هكي
حور قلبت عيونها وقعدت ساكته وعرفت معش في حل مع سعيد 💔.