#أرواح_جـهـنـمـيـة
الـحـلـقـه ثـانـيـه 2
🔥الـكـاتـبـه صـفـاء رجـب🔥.
حنين نزلت راسها: نبي تلفون
كلهم ألتفتو لسعيد الي ععيونه ولو حمر
سعيد راقيتله: واللهي؟ تبي تموتي انتي ولا شني؟
حنين ارتبكت: وشن فيها ياجدي اهو سندس دايرلها تلفون
سعيد صبا وشيوفلها بحقد: ألزمي حدودك ولا ندير حاجه مش مليحه.. وطلع
حنين تتأفأف: لعند ايمتا بتخلوه يمشي كلامه عليكم
سندس: ربي يطول في عمره
حنين بهزوه: اسس اسس عليك زمزكه
سفيان فنص فيها: حنيننن
حنين قلبت عيونها وصبت
ابتسام: خيرك على بنتي؟
سفيان بصوت عميق: قولي لبنتك تخطا اختي را خيرلها
ابتسام شهقت: ههييي وشن بدير يعني الحمدلله الي بوها عايش كان ماهذا را قاطعها
عبدالرحمن راقيتله: سفيان ألزم حدك را خيرلك
سفيان صبا: عليك حركات . وطلع وسيب عبدالرحمن يسب ويلعن وراه
عائشه: ساره وين؟
سندس ماسكه عبرتها: مش عارفه
ــــــــــــــــــــــــــــــــــــــــــــــــــــ
حسين: ياريت تطردهم زي مادرت لمرات خالي حمزه
رمزي يشوفلهم ويضحك: ماعليك ياحاج وحياتك ماتقعد الا راضي
حسن: وشن تبي ادير؟
رمزي: سيبوها في يد خالكم
....
هديل: يمي شن يبي يدير باتي
هدى: مش عارفه
هديل بحماس: نجكلي حسين ضربها ضربه تهبل
هدى رفعت حاجبها: اهمم
هديل ارتبكت: كنك؟
هدى: نجكلي وجو!! خخير شنفي!
هديل ضحكت: شي يمي
هدى ابتسمت: باه باه ماتلقي خير من ولدك عمتك
هديل ابتسمت
ــــــــــــــــــــــــــــــــــــــــــــــــــــ
ساره: امجد خيرك مقيدني؟
امجد راقيتله ويحكي من بين سنونه: تيي كيف مقيدك من الرقم هذا احكي؟
ساره: محد واحد غلطان في الرقم
امجد: يعني ضاقن الارقام وما لقا غير رقمك
ساره قلبت عيونها: خيرك هك رايح عصبي
امجد: عطيني التلفون هن
ساره ارتبكت: وعلاش؟
امجد: نا الي درته لك ونبيه
ساره خافت: تمام توا نعطيه لك... وعدت
امجد قعد يهز في كراعه ويراجي فيها وبعد دقائق جاته
ساره: امسك تلفونك وياريت معش نشوف وجك.. وعدت
امجد فتح التلفون شافه جديد كأنه اول مره يعيطه لها وبرضو كان يفكر وشاك فيها
....
وعد تبكي: خيرك معاي يا محمود؟
محمود يهزب: ينعن... اليوم الي عرفتك فيه
وعد تبكي وساكته وعلاء في حضنها ويبكي معاها
محمود: كان ما جدي را ماخذيتك ولا عاشرتك
وعد تبكي: حتى نا مظلومه را مش بس انت لو مابوي را ماكنتش معاك
محمود تنهد: نبي نطلق
وعد تنهدت: احسن ما ادير.. وخشت لدارها وفي يدها ولدها
علاء: ماما تبي تسيبيني؟
وعد تمسح في دموعها: لالا ياقلبي قاعده.. وتسمع صوت قربيعه الباب
....
محمود كان يدخن ويسمع صوت سندس وراه
سندس: شنججو؟
محمود ابتسم: نقولو ماشيه وانتي؟
سندس تنهدت: الحمدلله
محمود: صايره معاك حاجه؟
سندس: لا لا جو تمام وانت؟
محمود تنهد: متعارك مع وعد
سندس فتحت عيونها: علاش؟
محمود يدخن: مش متريح معاها بلكل يا سندس
سندس تشوفله وقلبها يدق: في وحده في بالك؟
محمود ابتسم: لالا بس نا ووعد مش متفاهمين بلكل لذلك قلت كل حد في طريق
سندس كانت تسمع في كلام محمود وفرحانه انه جتها فرصه بعد 7 سنوات ❤.
🔥الـكـاتـبـه صـفـاء رجـب🔥.
ــــــــــــــــــــــــــــــــــــــــــــــــــــ
الساعه 1 فِ الظهر
عمر راقد بتعب ويسمع في صوت باب الدار يطق
عمر بنعس: يخرا صبي حلي الباب
حور راقده وكانت ماتسمع في شي
عمر صبا وراقيتله: باهي باهي ... فتح الباب ويشوف خاله رمزي
عمر تنرفز: خخخير؟ شن تبي من الصبح؟
رمزي: تعال نبيك شوي كان فاضي
عمر يهزب: مش فاضي يرا.. وقربع الباب في وجه.. وخش مرقده وكان يفكر شن يبي فيه خاله
عمر بعد دقائق من التفكير العميق قعمز وطلق مخدته على حور
حور: كنك ياحيوان؟
عمر: صبي وركزي معاي نبي نحكيلك حاجه
حور فتحت عيونها على نبره صوت عمر الجديه
حور: كنك؟
عمر: خالك طق عليا توا وقالي نبيك في موضوع
حور: وباهي؟
عمر: يابقره مافيهش باهي من ايمتا بيني وبين خالك مواضيع؟
حور صحصحت: بلكي يبي فلوس؟
عمر: مستحيل عارفني مش حنعطيه
حور: والله يبي يشري ارض؟
عمر: برضو مستحيل لانه عنده كرامه تخليه يشري من العرب كلها الا مني
حور تفكر: والمعنى؟
عمر: شوي هك ونطلعله
حور: وقولي شن يقول.. وردت مرقدها
عمر بهزوه: اخت العازه.. وطلع للحمام
....
رمزي يسب: هال... الي باليني بيه ربي
حسن: اهدا شوي ياخالي كنك والع
رمزي قعمز وقعد ياخذ في نفس.. وبعد دقائق معدوده يشوف عمر خش عليه ويتغيرن ملامحه بالكامل لملامح فرح
عمر قعمز: ها كنك؟
رمزي: شخبارك وشن داير؟
عمر: اختصر يا برو
رمزي تنرفز: نبو نمشو نا وخوتك حسن وحسين للغرب قلت نبحتلك انت وحور
عمر استغرب: وعليش؟
رمزي: لا ندهورو بس ومنها نبحتو للبلاد وجوها
عمر بهزوه: وانت وتبي تدهورنا؟
رمزي: بكيفك عد قلت نقترح عليك
عمر صبا بدون مايحكي ولا كلمه وخش لداره
ــــــــــــــــــــــــــــــــــــــــــــــــــــ
غزاله: خفي عليها بس
ابتسام: البنت قليله ادب مش محترمتني بلكل
مبسوطه تنرفزت: حتى انتي مغير تسلمي يمي
ابتسام رفعت حاجبها: وشن تقصدي؟
مبسوطه: البنت مش مريحتها قاعده ساكنه في حوش جدها وكافيتك من خيرها وشرها شن تبي بعد هذا كله؟
ابتسام ارتبكت: ماقلت شي خيرك ولعتي فيا
مبسوطه راقيتلها: هيا مع السلامه
....
رغد تهمس بخوف: ساره حيي عليك تعالي
ساره خافت: خخيرك شن في؟
رغد: امجد راقيتله قالك تعالي للمطبخ
ساره ترجف: قوله مانبيش نجي
رغد طلعت لعند امجد وكانت ترجف
رغد: قالتلك مش فاضيه
امجد عض على فمه وسلح كندرته وخش قربع باب الدار والبنات كانن كلهن قاعدات
امجد يحكي من بين سنونه: تحسابي روحك تضحكي علي؟
ساره عرفت روحها انكشفت: ءء شن قصدك؟
امجد بهزوه:.... يتبع
البنات يسمعن ومنصدماتت💔
أنت تقرأ
ارواح جهنميه
Mystère / Thriller🔥الـكـاتـبـه صـفـاء رجـب🔥. قاعدين مش فاهمين الوضع منصدمين ونسمعو وكل شوي تطلع كارثه اكبر من الي قبلها شفت لخوي الي كان واضح عليه ملامح الصدمه اكثر مني والشي الرئيسي الي صدمنا انه الناس الي نحسابوها ملائكه تمشي عَ الارض طلعت أرواح جهنمية..... 💔.
