#أرواح_جـهـنـمـيـة
الـحـلـقـه واحـد 1
🔥الـكـاتـبـه صـفـاء رجـب🔥.
قاعدين مش فاهمين الوضع منصدمين ونسمعو وكل شوي تطلع كارثه اكبر من الي قبلها شفت لخوي الي كان واضح عليه ملامح الصدمه اكثر مني والشي الرئيسي الي صدمنا انه الناس الي نحسابوها ملائكه تمشي عَ الارض طلعت أرواح جهنمية..... 💔.
ــــــــــــــــــــــــــــــــــــــــــــــــــــ
الساعه 1 في الظهر
"في الغرب"
عائشه: مزالو ماجو من صلاه الجمعه؟
ابتهاج: لالا
عائشه تتأفأف: ععليك جو مش وقتهم بُكل
نور تحط فِ سفر الغداء: خيركن تعالن ساعدني يا بنات الكيد عليا را
عائشه:: باه باه.. ويقاطعها صوت
مبروكه"حنهن": طح سعدكن اهم جو بسرعه
ساره: تمام يا جديده.. وقعدن يحطن في الغداء
"عائـله الحاج سعيد ومراته مبروكه عندهم ثلاث عويل عبدالرحيم وعبدالرحمن ومحمد وكلهم كبار ومتزوجين وبعيالهم
عبدالرحيم ومراته مبسوطه وعندهم اربع بنات وعيلين ، محمود عمره 29 متزوج ومراته وعد وعنده عيل اسمه علاء صغير، وامجد عمره 26،عائشه عمرها 23 ونور 20 وابتهال عمرها 19 ورغد عمرها 18
وعائـله عبدالرحمن مراته ابتسام وعنده عيل وبنتين سفيان عمره 25 وسندس عمرها 24 وكانت امهم ميته وابتسام مرات بوهم وبنتها حنين وعمرها 20
وعائله محمد مراته غزاله وعنده عيلين وبنت، سند عمره 26 وساره عمرها 21 ويوسف عمره 20... وكانو يسكنو جنب بعضهم"
سعيد قعمز بتعب: حطولنا الغداء
مبروكه: تمام.. وخشت للكوجينه
محمد: يا بوي شن قلت على الارض الي نبي نشريها
سعيد يشوفله بخزره: مش مليح موقعها
محمد: بس نبيها نا
سعيد يشوفله: قتلك لا نا يعني لا خلاص انهي
محمد حمق وسكت
سعيد شاف لسفيان: وانت شغلك شخباره؟
سفيان: والله ياجدي تعب بلكل لاكن الحمدلله فيه مكسب
سعيد شاف لأمجد: باهي كويس خير من الزمزكه للدوله المعفنه
امجد شافله بهزوه
عبدالرحمن يكشخ ويعيط: يا سندس
سندس خشت تجري: نعم يابوي
عبدالرحمن: طلعتي دبش الراجل الي كان بايت عندي؟
سندس خافت: لالا قلتها لحنين
عبدالرحمن صبا وهجم عليها ويعيط: شن قتلك نا خيرك كذابه وتتبلي على اختك
سفيان خش بينهم وعيونه حمر: بوي خطاها را مايصيرش خير
عبدالرحمن يكشخ: شن قصدك؟
سعيد عيط: قعمزوو
عبدالرحمن يشوفلهم وناقم عليهم
سعيد شاف لسندس: عدي يابنيتي
عدت سندس والدموع في عيونها
سعيد: وانت يافرخ خطاهم العويل فاهم؟
عبدالرحمن رقيتله وسكت
ــــــــــــــــــــــــــــــــــــــــــــــــــــ
"في الشرق"
حور مقعمزه وتقلب في تلفونها
هديل: كنك مغير قاعده على النت
حور قلبت عيونها: وشن واجعك؟
هديل رقيتلها: واللهي نقولها لباتي انك ماده وجك على النت وماتساعدي فينا لا شي
حور: باهي
هديل مشت لأمها
هديل: ييمي تعاليلها الثقيله هذي
هدى"امها": هذي لفعه مععفنه توا يصرفو معاها باتك وحسين وحسن
هديل بمكر: اايوهه
أنت تقرأ
ارواح جهنميه
Mistério / Suspense🔥الـكـاتـبـه صـفـاء رجـب🔥. قاعدين مش فاهمين الوضع منصدمين ونسمعو وكل شوي تطلع كارثه اكبر من الي قبلها شفت لخوي الي كان واضح عليه ملامح الصدمه اكثر مني والشي الرئيسي الي صدمنا انه الناس الي نحسابوها ملائكه تمشي عَ الارض طلعت أرواح جهنمية..... 💔.
