~ 38 ~
" ဒါဆိုရင်တော့ စဉ်းစားစရာပဲ "
ဧည့်ခန်းလေးထဲမှာတော့ ရုတ်တရက် အတွေးကိုယ်စီနဲ့ ငြိမ်သက်သွားတဲ့ ကောင်လေး လေးယောက်...
ဆေးမှားဝယ်တာမှ မဟုတ်ရင် ဒီ ပုလင်းလေးထဲက ဆေးဟာ ဘာကြောင့် ကွဲပြားနေရပါသလဲ။
ဆေးလုံးလေးတွေ အရောင်မတူခြင်းဟာ သွေးရိုးသားရိုးမှ ဟုတ်ပါရဲ့လား။
တစ်စုံတစ်ယောက်ရဲ့ ပယောဂ မပါဖို့တော့ လိုပါသည်။
" မင်းဖုန်း ငါ့ခဏပေး Jake "
သူ့ဖုန်းလေးက တစ်စစီ ဖြုတ်ပြီး သိမ်းထားတာမို့ Sunghoon , Jake ဆီမှ ဖုန်းခဏ ယူပြီးနောက် ဆေးနဲ့ ပတ်သက်တဲ့ အကြောင်းအရာတွေကို internet မှာ ရိုက်ရှာလိုက်သည်။
ဆေးရဲ့ အာနိသင်တွေ၊ ဘယ်လိုလူတွေ သောက်သင့်တယ်ဆိုတာတွေ၊ ဆေး ထုတ်လုပ်မှု ဘယ်နှမျိုးရှိတယ်ဆိုတာတွေ စသည်... ဆေးလုံးရဲ့ အရောင် ဘယ်နှခုရှိတယ်ဆိုတာပါ မကျန် စေ့စေ့စပ်စပ် သေချာရှာကာ ဖတ်ကြည့်နေသည်။
ဘယ်နှကြိမ် ဘယ်နှခါ ရှာရှာ ဒီဆေးဟာ အရောင်တမျိုးတည်းသာ ထုတ်လုပ်ပြီး ပန်းရောင် မထုတ်ဟုသာ တွေ့ရသည်။
" ဟူးးး ငါ ထင်သလို မဖြစ်ဖို့ မျှော်လင့်ရတော့မှာပဲ "
Sunghoon သက်မမောတစ်ခုကို လေးလေးပင်ပင် ချလိုက်ပြီး ဆိုဖာပေါ် ခေါင်းမှီကာ နောက်ပြန် လှန်ချလိုက်သည်။
" မောင်က ဘယ်လို ထင်လို့လဲ ဟင် "
" မောင် မသေချာသေးလို့ အခု မပြောချင်သေးဘူး အဆောရယ်... မောင် တိကျ သေချာတဲ့ အဖြေတစ်ခု ရရင်တော့ သေချာပေါက် အဆောကို ပြောမှာပါ "
" မောင် တွေးနေတာကို အဆောသိချင်တယ် မောင်... ဒါ အဆောနဲ့ သက်ဆိုင်နေတဲ့ ကိစ္စမို့ အဆောကို ပြောပြပါ "
" ဒါဆို မောင် မေးတာကို သေချာလေး စဉ်းစားပြီး ဖြေနော် ... အဆော အရင်ကရော အခုလို ခေါင်းကိုက်ဖူးသလား "
