Baraylihan asin karantahan
Magkairibanan sain man magduman
Iristoryahan asin tarambayan
Mayong maginibo kundi magsarapukan.
Kan hasykul pa kami, giromdom ko pa
Pag mayong pambayad sa exam, mag-uli na sana
Pag mayung-mayo talaga, magpromisory note na
Kapal nin lalawgon paganahon na.
Yaon an mga parakodigo
An malsok nagsisirip sa papel ko
An mga amigo kong dae nag-adal
Puro senyas! hay! Gabos man kami patal!
Pag mayong maestro, parasahan papel
Pakaribok ta igwa man mga piling anghel
Minsan malas ta nadadakop
Suya! Automatic zero! kyuyop!
An barkadang igwa ako
Dai ko ibabalyo kapalit man barko
Padangat ko talaga an grupo
Nagsuruwayan man, sinda man giraray an tugang ko.
--------
*I miss them so badly. :(
