Thank you elders and sisters :) This is for you.
-----------------
Iba't ibang bansa
May kani-kaniyang paniniwala
Iba't ibang lahi
Iba't ibang lipi.
Amerikano, Indiano
Pilipino man o Negro
Pinagbubuklod ng banal na libro
Nagsasama-sama tuwing araw ng linggo.
Suot ang kurbata, damit na puti't itim
Simbolo ng kadalisayan at dasal na taimtim
Malugod na pagtanggap ang kanilang hiling
Upang maibahagi mga salitang sa Diyos mismo galing.
Mas piniling mawalay sa pamilya ng dalawang taon
Ehemplong dapat pamarisan ng bawat henerasyon
Katawan at kaluluwa nila'y nababalot ng kabanalan
Saan man dalhin ng kapalaran, puno parin ng kalinisan.
Sila'y lulan ng naguumapaw na ebanghelyo
Makapunta sa templo at sa paraiso'y makapasok tayo
Sa lahat ng sakripisyo, salitang 'salamat' ay di sapat
Walang dudang sila'y pinagpala, sa biyaya'y nararapat.
