Kay sarap naman isipin na sa tuwing uuwi ako
May isang lalaki na naghihintay sa pagdating ko
Ginagawa ang lahat upang pagod ay mawala
Pinapasaya ako kahit hanggang sa paghiga.
Di man sya kagwapuhan at di boto pamilya ko
Hindi nya ako iniwan at di rin sya sumuko
Pinaglaban ang pag-ibig, nanindigan sa pangako
Pinaglaban ang lahat, tinupad at hindi napako.
Masasabi kong ang swerte ko dahil sya'y natagpuan
Ang lalaking katulad nya kahit sa mundo'y hinusgahan
Pinagpipilitan ng mga tao na di raw tayo bagay
Hindi mo sila pinansin at di ka rin nakipag-away.
Kapag papasok sa trabaho, gigising ng maaga
Sa pagbangon kadalasan ikaw ay pa nauuna
Upang mapaghandaan lamang ang pag-alis ko
Hatid-sundo mo rin ako hanggang sa may kanto.
Kaya lubos kitang minamahal dahil sa ugali mo
Ubod ka ng bait kahit na minsa'y ginago ko
Pero nagbago ang lahat ng dahil yan sayo
Dahil sa walang hanggang pagmamahal na alay mo.
Alas onse ng gabi, ako'y pauwi't naglalakad
Ang bilis ng tibok ng puso ko kaya sayo'y natext agad
Upang kumustahin at siguraduhing okey ka
Ngunit di ka nagreply kaya't ako'y nag-alala.
At may tumawag sakin pagtingin ko ay ikaw
Sinagot ko ang telepono ngunit ang boses di ikaw
Iba ang kausap ko kaya tinanong ko kung sino sya
Sabi nya "doktor ako, ikaw ba ang asawa nya?"
Nagtaka ako kung bakit sya ang sumagot
Sagot nya "wala na sya" ngunit meron syang nadampot
Isang regalo at may nakalagay 'Para sa Mahal ko'
HAPPY ANNIVERSARY, MAHAL PARA SAYO ITO.
Ang kwento saakin ng nakakita sa pangyayari
"Hinihintay ka nya sa kanto bandang alas nuwebe
Ngunit may mga halang na kaluluwa, pinagtripan sya
Pinilit nya namang lumaban kahit hirap na hirap na"
Habang sinasaktan sya na parang isang aso
Hawak-hawak pa rin ang binili nyang regalo
At bago naputol ang paisa-isa nyang paghinga,
Sabi "Diyos ko, huwag mo syang pababayaan, pwede ba?"
Nabalot ang mundo ko ng luha, pighati at nais ko magwala
Kung pwede lang mabili ang buhay, akin na sanang ginawa
Maibalik ko lang buhay nya, maghintay man ako ng matagal
Kahit ikamatay ko pa yan, gagawin ko para lang sayo mahal.
Hindi man natagal ang pagsasama natin dito sa mundo
Sa kabilang buhay hintayin mo ako at magsasama tayo
Kaya kahit nasaan ka man ngayon aking mahal
Umasa ka na dito sa puso ko di ka matatanggal.
