Magmula ng maranasan kong lokohin at iwanan
Ng isang lalaki na tanging inibig ng lubusan
Tila ba ayaw ko ng gumising pa kinabukasan
Upang tuluyan ng matapos ang buhay ng kabiguan.
Sa ilang taong pagluha ng aking mga mata
Na nakuha sa mga pagdurusang nadama
Nang iniwang mag-isa ng tangi kong minamahal
Naisipan ko ngang magtali't magpatiwakal.
Ngunit may bukas pa pala na saakin nagaabang
Na syang magbibigay tamis sa pag-ibig na kay tabang
Ikaw ang nagsilbing daan upang mahanap ang sagot
Sa puso kong nagdurugo ikaw ang nagsilbing gamot.
Ni di ko inasahan na ikaw ay masisilayan
Ang taglay mong katangian nagsilbi na kasagutan
Upang limutin ang sakit at tuluyan ng itapon
Ang hapdi ng sugat na iniwan saakin ng kahapon.
Akala ko'y wala ng lunas ang sakit sa puso noon
At sa aking pagkadapa ay hindi na makakabangon
Ngunit nagkaroon ng pag-asa't panibagong bukas
Nang dumating ka at paghihirap ko'y nagwakas.
Naramdaman ko saiyo ang tunay na pagmamahal
Ang tunay na pag-ibig na hinanap ng kay tagal
Mga dalangin ko mahal ikaw ang tanging nakamit
Sa puso kong hubad ikaw ang nagsilbing damit.
Ang mga poot na naranasan at sakit na nadama
Nalimot ko lahat ng yan buhat ng makilala ka
Pinalitan mo ng ligaya nadama kong pighati
Ikaw ang nagbukas sa puso upang magmahal muli.
Ang nagpadama saakin ng wagas na pagsinta
Yun ay ikaw at yan ang dahilan ng aking mga tula
Ang iyong pagmamahal ang syang nagbigay linaw
Sa mga tanong na kung sisikat pa ba ang araw.
At salamat at ikaw ang nagsilbing kaliwanagan
Magmula ng hagkan mo ang puso ko't ito'y alayan
Ng tunay na pag-ibig na kay tagal ko ng pangarap
At ikaw ang tumupad at nagbigay ng mga yakap.
At ngayon kapiling ka, di na ako muli luluha pa
Ikaw ang dahilan upang muli akong lumigaya
Ako ay para sayo at ikaw ay para sakin
Sana di na magbago ang pag-ibig mo kay 'Jasmin'.
Ikaw ang sagot sa panalangin ko nung una pa
Isang katuparan ng pangarap ngayong kasama na kita
Malaking himala ang pagdating mo sa aking buhay
Pinaningning ang mga tala sa mata kong dating mapungay.
Noon ay nangangarap sa sagad niyang pag-ibig
Sa piling ng dati kong mahal na sa iba lagi nakatitig
Ng marinig ang iyong tinig biglang nagbago ang lahat
Ang pagkatao kong di na maahon ikaw ang nag-angat.
Lahat ng nadama ko noon ay hindi na naulit
Dahil minahal mo ang tulad ko na hindi mo pinilit
Kahit alam mo na hindi ako perpekto
Hindi mo yun inisip at di rin nagpa-apekto.
Di na mahinto ang ligaya pag magkasama tayo
Higit pa sa kung ano ang saya pag nasa langit tayo
Ikaw ang tanging lalaking gusto kong pakasalan
At maging ama ng apat kong anak sa kinabukasan.
--------------------------------------------------------------------
*Walang basagan ng trip, yan naisip kong ending eh. Haha.***
