مساء العافية على اجمل عيون
بسم الله الرحمن الرحيم
أنة الخواف يادنيا أنة الخواف من كلشي
#يمامة
مشاهده ممتعة للجميع تفاعلكم البارت حبايب
****************
محُبة للعُزلة لدرجة مخيفة،
أهرب من الجميع،
اقرأ كثيراً، اتكلم قليلاً،
ويصعب نوعاً ما الدخول معي في حديث ،
ابحث عن الجزء المكمل لنقصي،
أحاول إقامة اعوجاجي،
احاول ان اتصالح مع كل الجلبة بداخلي وادعها تمضي بسلام،
أخشى أن أعيش حياة عادية عادية جداً أكثر مما أخشى الموت،..
نايمة على السرير بل طابق الاول ماخذة وضعية الجنين ولامة رجلية لصدري بصمت بس صوت النفس يطلع مني وصدري الي يرتفع وينزل من تنفسي
رجعت لنقطة الصفر وكل جلسات الدكتورة احس تبخرت من عقلي رجعت قمر الحقيقة رجعت إلى ماكنت عليه من قبل احاول اني استوعب الشي الي صار شهر مجاي اكدر استوعبة واني عيوني تلتفت على المكان وأسال نفسي
اني شجابني هنا
اني طالبة متفوقة .. اني بنت ناس محترمين.. اني انسانه ملتزمة .. اني شنو الي اسوي هنا مفروض هسه متواجدة بالمدرسة احضر دروسي واستمع للمدرسة بتركيز مثل عادتي دائما ... مكاني بالرحلة فارغ لو كعدت وحدة بي ؟ هم ذكروني ؟ هم استفقدوني ؟
اكيد جاي يتذكروني بالشر لاني بعد ماكنت الطالبة المتوفقة الخلوقة الهادئة هسه صرت الطالبة الشريرة المؤذية المريضة نفسياً ...
أبوي أخوي أكيد هسه كرهوني وصرت بالنسبة اللهم نقطة سوداء بسمعتهم إلي طول عمرها كانت ابيض من الورق ،
اشتاقيت الهم هواي عمري ما نمت برة بيتنة طول عمري انام بأمان وسط عائلتي البسيطة الحنونة
اشتاقيت لكتبي لدفتري لغرفتي هذا مو مكاني ،مومكاني اني ما استحق اكون بهل مكان هذا...
عيوني مفتوحة اتفرج عالبنات الي وياي
الي اكبر وحده بيهم عمرها ما يتجاوز ال 18سنة
كل احنة المفروض هسه مكانة المدرسة
مو هنا شنو الذنب الي ارتكبتة كل وحدة بيهم حتى صارت حبيسة هذهِ الجدران
لكن كلهم وضعهم افضل من وضعي اشوفهم متعايشين وية الوضع يسولفن ويضحكن ويتمازحن بينهن ويمارسن عدة نشاطات ، شكد حاولن وياي احجي اتحرك بس اني حالتي زادت شكد ما كنت قبل انعزلية وشكد ما جنت معقدة صرت أكثر
اتفرج بصمت على كل وحدة بيهن ياترى هنه هم ضحية مثلي لو مذنبات ؟ حبيت اعرف كل وحدة منهن شنو سبب دخولها هنا لكن لساني رافض الكلام والدخول بحديث
وحدة دلوعة وناعمة ومبينة بت عز وخير وعرفت من خلال استماعي لكلامها وية البنات انو ابوها وامها أطباء وهية الوحيدة لأهلها وعمرها 17سنة (مينا)
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
