مساء العافية على اجمل عيون
چا هلبت يعوف الحزن كلبي
هلي عصرة هدم معصور كلبي (نبراس)
#يمامة
مشاهدة ممتعة للجميع تفاعلكم للبارت وتعليقاتكم بين الفقرات متابعة الحساب
~~~~~~~~~~
توقعت ضياء راح يتحمل مسؤولية أكثر
توقعت راح يسترجل وراح يراعي الله بية
توقعت راح نخلص من تحكم أخوانة
وتوقعت هواي توقعات لكن ياريت لو باقين بتحكم أخوانة احسن
كل توقعاتي طلعت غلط ضياء كان إنسان ما يعرف إسم المسؤؤلية
الشي الوحيد الي كان يعرفة عن المسؤلية هي بس يجيب مسواك للبيت لو يترس دبة الغاز من تفرغ هوة هذا كان عندة المسؤؤلية
حتى ايجار بيتنة كانو اهلة يدفعو النة
صار يجون صحبانة للبيت وللصبح يبقون ضحك وشقة وصياح ولاكأنو اكو بشر بالبيت يريد ينام لو يأخذ راحتة
يكومني من عز نومي اكوم اسوي اكل وچاي وذا كلت إلة تعبانة اريد انام ابتلي على عمري ابقى هاي حبستي بالغرفة وهمة صوت ضحكهم واصل لسابع جار
رغم هذا كلت عادي همة اصدقاء وينجمعون احسن ما يطلع لنص الليل ويبقون أخوانة يحجون علي
مرة من المرات منجمعين لنص الليل بالاستقبال دخل حماي الجبير طلعت من غرفتي على صوت صياحة بالاستقبال
صرت اسمعه وهوة يطرد بيهم لحد ما طلعهم من البيت
بذيج الليلة صار صياح بينة وبين ضياء اخر شي جر ضياء آخذة وياه وطلع
ورة ساعه رجع ضياء عصبي
(تعالي ولج انتِ مخابرتة يجي )
(اني شعلي والله ما مخابرة أحد)
(لعددد شجابة بنص الليل شدراه اني يمي جماعتي )
(ماعرف ولله ماعرف شدراني اني )
(والله اذا عرفت انتِ مخابرتهم يانبراس اله اطلع روحج بيدي )
(انييي شعلييي كلشي رجعت علية شنو شايفني حايط انصيص ترجع علي اذا انت ما تكدر توكف بوجه اخوانك هاي مشكلتك مو مشكلتي انتَ السبب انتَ الي سامح الهم هيج لاغين شخصيتك شدعوة عليك هيج ضعيف وما تكدر تفتح حلكك وياهم شنووو لازمين علينا لزمة بس فهمني )
(اسككتي صوتج ماريد اسمعة ساعة السودة الشفتج بيها أنطمري)
وهذه ايامي مرت وياه صرت كلشي يحجي ويسوي بية ما اروح زعلانة
عليش اروح إذا أني أعرف أبوي يرجعني فشلانة تحملت وكعدت وصابرة على عيوبة وره زواجي بسنة ونص طلعت حامل حملت بعمر ال16 سنة
كانت فرحتي ما تنوصف كلت هل طفل الراح يجي هوة عوضي عالاقل استحمل واصبر لخاطرة ، ضياء من بشرتة كانت ردة فعلة كلش عادية
لحد مابيوم كانو خواتي منجمعات يم أهلي وإني هم رحت بقيت يومين يمهم صرت
اتصل على ضياء حتى يجيني ما يرد علية
خليت ابوي أجر سيارة ورجعني للبيت
نزلت من السيارة وأبوي رجع
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
