مساء العافية على اجمل عيون
هلي وموش بهلة الينكاد خسران
هلي أكثر من زعلكم كلبي تعبان
#يمامة 🖋️
تفاعلكم للبارت وتعليقاتكم بين الفقرات. القصة وصلت بارت سادس ومجاي اشوف اي تفاعل وهاي معاناتي بكل قصصي ...
~~~~~~~~~~~~~~~~
قمر و نبراس زيارة
قمر(الي زيارة؟ )
(الي الج لعد المن )
نبراس كامت بلاخلك ساكتة وطلعت أكثر وحدة تزورها هي اختها الكبيرة ومرة وحدة اجتها امها
واني من سمعت زيارة كلبي فز قبل جسمي صار أكثر من شهر هنا محد وصلني اكيد زعلانين مني هواي كمت ما مصدكة طلعت اركض ركض اريد بس اوصل وأشوف منو بابا لو مروان
ياربي شكد مشتاقة لشوفتهم
وصلت للقاعة الخاصة بالمواجهات عيوني تدور بلهفة طاحت عيني علي من بين الموجودين
حبيبي شكد مشتاقتلة اجت عيني بعينة
وكف على حيلة بس مو هو اخوي الي كل مايشوفني يتلكاني بضحكتة لا
هل مرة اسم ابتسامة ماطلعت منة مهموم هواي
رحت اله بعجلة شمرت روحي بحضنة ابجي
(مروان حبيبي مشتاقتلك ليش عفتوني )
حاضنتة ابجي بس انتبهت مروان حتى ما بادلني الحضن مجرد خلة أيدة على ضهري وساكت
سحبت نفسي من حضنة عيوني غرگانة بالدموع جان تعبان وضايج حجى بكل ببرود حركني حرك
(شلونج)
كعدت واني اكلة( زينة الحمدلله عايشة )
كعد بصفي شابك اصابعة عينة بالكاع ساكت
( مروان شلونك بابا شلونة )
(على الله زينين)
(ليش محد منكم وصلني هنا المواجهات أسبوعية كل اسبوع انتضركم ومحد يجيني )
جر نفس تعبان وباوع علي (ماكاعدين قمر جاي نركض نركع البلوى الي سويتيها )
دنكت بخجل وحزن ورجعت دمعتي الي مسحتها نزلت
(اسفة ولله اسفة)
مروان(مايفيد اسفج قمر مايفيد ابد ، طول عمري جنت اشجعج وساندج بس هاي المرة غير أنتي غلطتي حيل وغلطج هذا اذانة كلنة انتي سويتي البلوى وكاعدة هنا متدرين برة شجاي يصير ، اني وابوي باقين نركض ونريد نحل المشكلة الي تسببتي بيها ومشيات نودي للعالم ابوي شايل عليج هواي واني أكثر منة لكن كالي روحلها اليوم أجيت اطمن عن وضعج واروح)
(مروان ولله جاي اتعذب الندم ياكل وينخر بروحي )
(ندمي وتعذبي ونقهري احسن حتى تحسين بقيمة الأهل والسند نزلتي راسنة وخليتينة نتوسل باليسوة والمايسوة خليتينة حطينة العدنة والماعدنة وإذا كلش حتى البيت نبيعة راح ، حتى نركع مصيبتج خوش جازيتينة )
أنت تقرأ
نصف القمر
Ficción Generalبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
