مساء العافية على اجمل عيون
مروان
هيه حيرة ..وجهي درتة
لكن احساسي شلون أديرة
#يمامة 🖋️
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~~~~~
الورطة الثانية بعد خطوبتي هي أني أروح وياها خلال إجراء عملياتها
لأن باعتبار أني زوجها وتعتبر مسؤولة مني يرحون ويانا أبوها وخالتها وإني
والمشكلة لا أني طايقها ولاهية
صار أسبوعين من انخطبنة ولحد الآن لاشفتها ولا شافتني وحتى رقمها مو عندي
حاولت أرفض واتحجج بأي شي حتى ما أروح لكن أبوي بعد أصر وفكرت بيها
مهما كان هية صارت بعد محسوبة علية
جنت راجع من برة داخل غرفتي ابدل
اجاني صوت إشعار رسالة الفايبر
كملت تبديل ورحت فتحت الموبايل
رقم غريب
السلام عليكم
رديت (وعليكم السلام منو )
(يكولون خطيبتك ... ايمو جي عاوج حلكة وما عاجبة العجب )
عرفتها هاي الغثة بس شعدها مراسلتني وشذكرها بية حبيت ارد عليها بنفس أسلوبها بالكلام
(هذا منو الي يكول .. وشذكرج انتي مخطوبة ومنين جبتي رقمي )
(وشنو مثلاً رقمك صعب ما يتحصل
اخذتة من بابا ورسلت مو حتى اتغزل بعيونك بس ردت اسئل هاي شنو السالفة مال تروح وياي للعملية )
(رجلج واروح وياج )
(لا رجلي ولا ايدي اذا تروح ما أروح أني )
(شنو حضرتج جاي تنكتين لو تخففين دم ترة دمج ثقيل وما تنبلعين لو أشرب وراج دنكر ماي وبعدين شنو حضرتج عندج مانع أنو أروح وياكم )
(ايي عندي هواي موانع موبس واحد على أي أساس تروح وياي ذاك اليوم عرفتك وبعدين انتو تقلتون القتيل وتمشون بجنازتة أختك شوهتني وأنت جاي تريد تعالجني )
(على أساس انو أني خطيبج مثل ما يكولون و الموانع هاي احتفظي بيهن لنفسج رضيتي اولا أروح وياج وسالفة أختك واختك اذا اسمعها مرة ثانية ما يصير طيب وخل اكولج شي خلي يرررن باذنج قمر خط أحمر تفتهمين لولا أي بشر يمسها بكلمة لو بفعل لو يجرحها مايلوحة مني غير النار )
(انت ليش تحاجيني بهذا الأسلوب شنو شايف نفسك )
(شوفي عزيزتي أول طبع من اطباعي اريدج تعرفي هوة أني اتعامل وية الشخص مثل ما هوة يعاملني الي ما يحترم لا ينتضر احترام والي يحترم اخلي على راسي تمام عيني
ونصحية عدلي اسلوبج من تحجين وياي اني ما ينحجي وياي هيج .. من رخصتج )
حجيت هل كلام وياها وخرجت من الفايبر وطفيت النت ورحت لقمر لغرفتها
لكيتها تكلب بالكتب والدفاتر مال سادس فرحت حسيت راجع شغفها تقدمت الها
أنت تقرأ
نصف القمر
Ficção Geralبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
