مساء العافية على اجمل عيون
#يمامة🖋️
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~~~~
كلام جر كلام ووصلنة لمرحلة إقناع أهل أريج بالتنازل لأن فهمو أنو قمر يتيمة ومريضة وهيه بالأصل ما كانت كعدة عشيرة لووفصل لأن المشكلة مشكلة بنات لكن كعدة تراضي والحمدلله تم التراضي وبأخر الكعدة صار الشي الي فاجئ الكل وخلاهم بصدمة .. آخر شي كنت اتوقعة يصير
وهوة الشيخ من وكف وحجة.. (بوية مدام صار التراضي وطابت النفوس وبنتكم الله شاهد بنتنة وأنة كدام الكل اتشرف اطلب ايد كريمتكم لوليدنة مروان ونصفي النفوس الشيطان شاطر الله يلعنة )
الكل سكت وصار المكان هدوء متفاجئين بطلب الشيخ اني فوراً عيني صارت على ابوي الي اتفاجئ مثل غمض عيونة بمعنى اهدئ ولا تكول شي
كعدت على اعصابي... شنو يردون يوطروني
حجى ابوها.. (شيخ طلبك على رأسي بس الأمر ما ينحل هيج وإذا جاي تطلب هل طلب حتى نتنازل اني أكلك أن شاء الله نتنازل احنة هم ما نرضاها بنية تدخل السجن والله يسامحها عالصار )
الشيخ (لاولله ما نطلب هل طلب علمود التنازل بس احنة نتشرف بكريمتكم وانصير أهل ويطيح الحطب والصار الشيطان هوة السبب بي .... وجه كلام لأبوي ... شرايك أبو مروان . حجى أبوي ... أي أي طبعاً نتشرف بيها وبنسبكم
صرت وإني كاعد اهز برجلي كوة ضابط أعصابي وهمة يتناقشون. وبعد ما رد شيخهم على ابوي وشيخنة وكالهم...(النة الشرف بنسبكم والبنت بنتكم أن شاء الله)
من بعد هل كلام الكل سكت وإلي ما راضي انحرج وسكت بس أبوها كال
أن شاء الله نحاجي الأهل ونرجع لكم خبر
ردت بس تنتهى هل كعدة بأي شكل من الأشكال وأطلع يعني شنو أني راح أتحمل العواقب استغفر الله ربي و اتوب اليك
بس خلصت الكعدة سلمت فوراً وطلعت صعدت بالسيارة بقيت ادك على الاستيرن بنرفزة ومنتظر أبوي
بس صعد السيارة كتلة( رحمة الله على ولديكم خوووش ورطتوني ورطة بالبيت النة غيررر حجي على السواه إبن عمك )
محمد(كافي بالبيت نحجي )
(شنو. نحجي ورطتوني انتو ورطتوني ليش محد كالي هذا الحجي وأحنة بالبيت على أي أساس هيج تحرجوني )
(مروان كتلك بالبيت نحجي )
حركت السيارة وشخطتها وطول الطريق لازم نفسي بس وصلت للبيت انفجرت بأبوي.. ( هسه شنو اسوي بهااي الورطة زواج ما اتزوج يابة احنة رحنة للناس حتى نخليهم يتنازلون وطلعو ناس اوادم وتنازلو واحنة تكفلنة بكلشي بعد شنو معناها الشيخ يوكف بكيفة يتبرمك براسي ويخطب الي انت شلووون اتوافقة على هيج شي )
(شنوو تريد اوكف كدام الناس اكلهم لا مانريد بنتكم إحنا ما صدكنة يتنازلون بعد ما أختك حركت بتهم )
أنت تقرأ
نصف القمر
Ficción Generalبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
