مساء العافية على اجمل عيون
#يمامة🖋️🖋️
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~~~
إنّ رفقة السّوء قد تؤدّي بالإنسان إلى الهلاك والضّياع، فكثيرٍ من رفقاء السوء يجعلون الإنسان يرتكب أموراً قد تنعكس آثارها سلباً عليه في حياته، فالمخدّرات على سبيل المثال هي من نتائج رفقة السّوء، حيث قد تؤدّي إلى تدمير مستقبل الإنسان ولزوم السّمعة السّيئة به في حياته.
قمر(صداقة السوء اكثر خطورة من الحب نفسة الصديق هو الأخ الثاني ناخذ نصحيتة ونشاركة كل تفاصيل حياتنا
وكل ما كان قريب أكثر كانت ضربتة موجعة أكثر يعني مثل ميسون ضربتها وصلت للعظم واستقرت بروحي )
مينا (بالاخص اذا الصديق السيئ يعرف كل نقاط ضعفج هنا راح يكدر يسحبج اله بكل سهولة مثل ماصار وياي ونسحبت لطريق الإدمان عن طريق الصداقة )
بيوم لكيت نفسي بكروب دردشة مختلط ماعرف منو الي ضايفني الكل جان يسولف ويحشش ويضحكون ويدزون صور مضحكة ونكات كنت محتاجة لهيج جو اغير بي شوي من نفسيتي ،بقيت وياهم وعرّفت عن نفسي . اتخيلي جانو شوكت ما ادخل الكروب الكاهم يحجون ماعرف ماينامون ماياكلون ما يشتغلون بأي وقت الكروب مفتوح وحتى دراستي صرت هاملتها
وبغبائي وطيشي حجيت عن عائلتي بيتي مستواي المادي كلشي يخصني
يعني عرفوا اني أهلي أطباء وعايشة عيشه مترفة وأغلب وقتي وحدي بالبيت وشنو اطلب اهلي ما يبخلون بي علية
قمر( واكيد دخل الج ولد ورسم عليج دور الحب وجرج لهذا الطريق )
(اكيد هيج راح تتوقعين بس لا اني ما دخلي ولد ولا رسم علي دور الحب لأن كتلج ما جنت ارد على الرسائل الخاصة مال ولد لأن اعرف يضحكون عالبنات
ترى مو بس علاقات الحب تدمر بعض الصداقات هم تدمر
من ضمن الدردشة بنية رسلتلي رسالة بالخاص
وكاتبة (اني كلش حبيتج شكد حبابة انتي )
رديت عليها (شكرا حبيبتي على كلامج)
(اكلج معقول انتي كلة وحدج بالبيت ما تضوجين تخافين)
(تعودت على هل وضع صار عادي عندي )
(زين شلون مخلصة وقتج)
(دراسة لو تلفزيون لو وياكم بالدردشة )
استمرينه بالكلام مايقارب الساعة أو اكثر
بغبائي جنت أجاوبها على كل سؤال تسألة وكتيت كدامها الاكو والماكو
وعرفت اني شكد نفسيتي تعبانة من وضعي وشكد مقهورة بسبب إهمال أهلي الي
وعَرفت منها انو هي هم تقريبا نفس وضعي هم أهلها هامليها وامها تعاملها معاملة سيئة
وامكانيتهم زينة صرنة يومية نتراسل ونتخابر وساعات نبقى نسولف
صرت اشاركها ابسط تفاصيلي وهي كذلك نوكف بالمطبخ نسوي كيك لو اكل واحنا فاتحين كامرة
صرت احس نفسي مو وحدي بالبيت اكو احد وياي لأن هي وياي أكثر الوقت كانت اكبر مني ب3سنوات
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
