مسائكم العافية على اجمل عيون
اجاني احساس اريد اتجرد من الكل
واريد احرگني وامحيني
#يمامة🖋️
مشاهدة ممتعة للجميع تفاعلكم البارت تعليق بين الفقرات
~~~~~~~~~~~~~~~
خلف جدران الألم هناك صرخات غير مسموعة
قلوب تصرخ دون صوت يسمع
قلوب تضج بالألم __لتقول
أيا ليت الذي كان مني ماكان
وياليت دموع الذنب تمنح الغفران ..
رجعت من رحلة الذكريات الي اهرب الها من ضيق الحاضر على صوت نجوى وهيه تقنع بنبراس حتى تاكل ونبراس رافضة وكأنو حاكمة على نفسها بالاعدام الي ماحكمة عليها القاضي مقررة تكطع الاكل لحد ما تهلك
نجوى(نبراس موزين تبقين كاطعة الاكل ولج انتي نفسة دمج مصفر اكلي لكمة تسند كلبج اذا تبقين على هل حال تموتين)
نبراس(الله يسمع منج شنو حياتي بعد ماتكليلي تدرين من عرفت نفسي حامل كلت عالاقل صار شي يصبرني ويونسني صرت احسب الايام والدقايق حتى أولد واخذة بين ادية واشم ريحتة جان كل همي احافظ على حملي وما اخسرة وخسرت سنين عمري الجاية في سبيل احافظ علي
ماجنت اعرف حاسبين الي حتى ياخذو مني نجوى ما شفتة غير مرة وحدة جابو الي بس شميتة ورضعتة مرة وحدة وخذو مني )
نجوى(نبراس ترة هذا الشي رغم صعوبتة عليج بس احسن لطفلج تردين طفل يتربى بسجن الأحداث ولاتنسين انتي بعد الج سنتين وتتحولين لسجن النساء
خاف هنا يعاملونة زين ترة بسجن النساء مصائب تردين ابنج يتربى بنص جدران السجن خلي يعيش ويتربى عند أهله احسن آلة )
نبراس(اخ خ خ خ الله لايوفق كلمن وافق على موتي عاد همة شلون أهل جان ربو ابنهم تربية بيها حض كسرو ركبتي وياه )
نجوى(يبقون أهله ودمهم ولحمهم افضل من عيشتة هنا دهاج فدوة اروحلج جرعي هل لفة ولج دمج راح ينشف عالاقل عوضي الدم الخسرتي )
نبراس(نجوى عوفيني بضيمي عوفيني ماريددد سممم كومي مني وتركيني بحالي اني اريد دمي يصفر لحد ما اطك واموت اني ماعرف ليش الي متعذب بحياتة الله ما ياخذة ويريحة)
تركت نجوى الاكل من أيدها
(اوووي طبج طوب اني اشعلية مقهورة عليج وكاسرة خاطري )
كامت من نبراس واجت كعدت على سريري وهيه تهز بيدها وتباوع علي.
(تريد تجيب جاهل تربي هنا بطرانة هاي ماعدها عقل الحمدلله والشكر )
بقت تباوع الي شوي وجهتلي الكلام
(انتي شو ما تحجين شلون تكدرين كل هل ايام ماتحجين شنو سالفتج مبين عليج فقيرة مومال جرائم وهل الدورب )
أنت تقرأ
نصف القمر
Ficção Geralبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
