مساء العافية على اجمل عيون
دع الشمس تشرق من اعماق قلبك
وابعث بضوئها ليخترق غياهب السماء
لتكن شمس قلبك يا صديقي
#يمامة
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~~~
رجعت للدوام ومشت أيامي طبيعي
ورة اربع ايام رجع بابا وعروستة من كربلاء
وعماتي جانن موجودات اول ما دخلو تلكنهم بالهلال وطش الجكليت
بلعت ريك بغصة واني اشوف بابا شلون فرحان ولازم ايد وحدة غير ماما تصنعت ابتسامة وتقدمت يمهم وبستة
(مبروك بابا شايف كل الخير )
هوة بدورة لمني بحضنة وباسني من راسي (الله يبارك بيج حبيبتي )
وجه كلامه لزوجته. (سوسن هذه قمورة حجيتلج عنها هواي هذه حبيبة كلب ابوها ... هيه تباوعلي وتبتسم جاوبته
(اي شلون ما اعرفها أن شاء الله راح نكون صديقات وخوات تقدمت الها (مبروك خالة شايفة كل خير )
(الله يبارك بيج عمري )
راح مروان بارك لأبوي (مبروك يابة. صايرة عندك خدود ومتفح )
كلنة ضحكنة علي وراح لسوسن كالها(مبروك ماما الجديدة شايفين كل الخير )
هيه لأن بعدها ماتعرف طبع مروان توقعته ضايج منها لو مستهزء بقت صافنة بوجها
تلاحكت الموقف اني وكتلها
(خالة تره مروان هاذا طبعه يتشاقة اكيد شوي شوي راح تعرفين طبعة )
ردت وهيه تبتسم (لا حبيبتي عادي الله يبارك بيك )
مروان(بابا بابا شنو نسمي زوجتك ماما لو خالة لوعمة )
محمد (بكيفك ههههه )
سوسن(على راحتك مروان عادي كولي سوسن عليش التقييد )
مبين عليها حبابة ومرحة واكيد بمرور الأيام تبين أكثر
مر اليوم بين الضحك والشقة وسوينة عشى لوجه الله بسيط وبيناتنة
ابوي احسه راجع شباب معقول الزواج هيج يفرق بحياة الإنسان
بقيت اني أدلي سوسن على اشياء البيت
وهيه تسأل واني اجاوبها
ومن ثاني يوم هيه بلشت وياي توكف وتشتغل ومبينه كلش نضيفة ونازكة
صرت حتى ما احتاج اطبخ باليل ارجع من الكلية الكاها هيه طابخة ومجهزة كلشي وللأمانة طبخها حتى اطيب من طبخي وعدها بي فد لمسة خاصة
ابوي طاير بيها والصراحة حقه لأن هيه تبين ازغر بهواي من عمرها وناعمة وحلوة ومعتنية بنفسها شهر مر وصرنة نعرفها شوي شوي وهيه هم تعودت على شقه مروان وسوالفة وصارو صحبة ويتبادلون الشقة والضحك وهية روحها مرحة
وكل هاي الفترة اني حايرة بين احجي.للدكتور الحقيقة وهوة يقرر لو أبقى رافضة وأسكت
بس الصراحة اني من داخلي ما اريد ارفض اتمنى اكدر اوافق اكو شي بداخلي جاي يتحرك اتجاها احس هاي فرصة ما اتمنى اخسرها
لتهيت بآخر فترة امتحانات ولود دراسة حتى رجعت من اقرة البس نضارات لأن اركز هواي وعيوني تأذيني
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
