مساء العافية على اجمل عيون
صرت بحالة ما توصفها الكتابة
يمامة
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~
(بـ لحظة غضب وحقد وكراهية
والسماح للشيطان أن يستحوذ على افكاركم
بين لحظة تهور وعدم ادراك تفقد من عمرك
لحظات وأيام .. بسبب وعود كاذبة
بين هذا وذاك احدهم يدفع الثمن لاذنب له سوى أنه كان اداة للانتقام.....
توقفت بمكاني وعيوني على ميسون وبنت عمها والبنات يباركن الهن
..معقول ميسون نخطبت تنخطب وتعيش حياتها بعد ما أذتني وضحكت علية
الغل ترس كلبي عليها بهاي اللحظة
اخذتني رجلي يمهن
قمر(مبروووك شنو ؟ على ألاقل جان حجيتي نباركلج نسيتي بيوم جنت اعتبرج صديقتي الوحيدة)
باوعتلي بس بدون كلام و لو باقية ساكتة ولا اسمع الي سمعتة من بنت عمها (لا حبيبتي مو ميسون اني نخطبت )
(ها العفو حبيبتي عبالي ميسون لأن شفت البنات يباركن لميسون هم)
(ايي مو اني أنخطبت لاخو ميسون حازم )
من سمعت كلامها لا إراديا التفت بخزرة وصدمة لميسون الي بدورها حاولت تشتت نظرها مني وما تخلي عينها بعيني
لكن الغريب اني ما حسيت بغيرة كد احساسي بالحقد الي كل دقيقة يزيد عليهم
صارت رجفة بأيدي قوية احس نار صعدت براسي لدرجة حرارة صارت تطلع من أذاني تركتهم بدون ما احجي شي ركضت دخلت الصحيات شاردة من عيون البنات
خفت تنزل دمعتي واتفشل كدامهن
لكن عيوني تحجرت دمعة ما نزلت منهن
بقيت بحالة صدمة من حقارة هل بشر
..حازم خطب موجان يكلي ما اكدر اخطب هسه اشوفة خطب بنت عمه
زين اذا رايد بنت عمه ليش هيج وهمني بحبة
زين ميسون قبل مو كالت بنت عمي رايدتة بس هو ما رايدها
وزادت حالتي واني اعضض بأصابعي قوي احاول أهدى روحي وابين طبيعية احاول اسيطر على انفعالاتي وما اسوي شي اندم علي هسه
..طلعت غسلت وجهي ورحت للصف المدرسة تشرح واني بغير عالم عالمي الجديد الي مليان بالكره
انتبهت للمدرسة وهيه تدك بالقلم على الرحلة حتى تصحيني من صفنتي
خلص اليوم الدراسي واني عيني صارت بس تفتر ورة بنت عمهم الي اسمها أريج
كانت طويلة بيضة لكن ما بيها ملامح مميزة شكلها طبيعي
لكن اعترف اجمل مني بهواي
وترجع جملتة براسي
(اني من اريد اتزوج اتزوج وحدة حلوة مو اخذج انتي وانخلس)
... جملته هذهِ صداها كل ثانية يرجع بأذني
مر يومين خميس وجمعة والسبت والأحد داومت واني اشوف الحلقة تلمع بأيد اريج مبين بعطلة الاسبوع لبسو الحلقات أريج كانت بنية حبابة واني اصلا ما عندي اي علاقة بيها لأن هي بغير صف
اني اصلا ماعندي مشكلة وياها
بس لازم تتحمل هيه الي سوو بيه
هو مو يخاف ينخلس من وجهي ...
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
