مساء العافية على اجمل عيون
وشبدينة...
انباگت أحلام الصغر منة وبچينة
وردنة نبدي من جديد ومابدينة
#يمامة 🖋️
مشاهدة ممتعة للجميع تفاعلكم البارت تعليق بين الفقرات متابعة الحساب فضلا
~~~~~~~~~~~~~
(وها أنا كعادتي , اعود من حرب الذكريات منهزماً لاجدني في واقع يهزمني أكثر )
مسحت دمعت الندم الي نزلت من عيوني وسديت الدفتر بقيت بمكاني استمع لكلامهن، كسرت خاطري نبراس الحزن ماخذ روحها وهيه بعدها بالنفاس تون على ابنها الي اخذو منها
كمت من مكاني متوجها الها كانت مخلية بصفها قطعة ملابس مال طفل كلش زغيرة
ومخلية أيدها عليها رحت يمها واني ما ادري شنو اكول الها ما متعودة ابادر بالكلام كعّدت على سريرها اباوع الها
مديت ايدي لثوب الطفل جرتة وشددت بقبضت أيدها علي وحجت بصوت تعبان حزين مكسور
(بقتلي بس ملابسة عندي هم تردون تاخذوهن مني)
سحبت ايدي بفشلة وحجيت
قمر(اني بس ردت اشوفة)
خلتة تحت المخدة ساكتة وحاولت ابادر بالكلام اني
قمر(تدرين نبراس ، اني امي توفت بأكثر وقت جنت بحاجتها واني بعدني زغيرة نتجية صعقدة كهربائية
توفت كدام عيني جانت تنضف بالبيت ودخلت للمرر الي بضهر البيت حتى تغسلة ، واني لازمة الماسحة وراها انشف بالماي لكن انصدمت انو السخان الكهربائي لزم امي وهيه جانت مبللة ماكدرت اساعدها بقيت خايفة وشاردة كنت اشوفها وهيه جاي تموت كدامي وعاجزة اساعدها اني السبب بموتها لو كنت بنية قوية يمكن كدرت انقذ حياتها )
حجت بدون ما تباوعلي
نبراس(وانتي شنو ذنبج هذا يومها واي احد بمكانج هم جان خاف وماتقرب هذا مو ذنبج)
كملت كلامي
(بقيت فترة كلش طويلة احمل نفسي الذنب ومتأذية بابا بوقتها كالي انو رب العالمين انطانة عقل حتى نتسخدمة بشكل صحيح لكن تجي اوقات عقلنة يتوقف عن التفكير مثل الي صار وياي من شفت امي تنصعق
كالي انو الحياة عبارة عن اختبارات رب العالمين يختبرنة بخسارة ناس غالين كلش على گلبنة ويختبرنة بالمصائب حتى يشوف تحملنة وصبرنة على البلاء ..
خسارة ابنج يمكن هذا هو الاختبار الج ! يريد يشوف صبرج رب العالمين يريد يقربج. آلة اللّه يحبنة هواي ويريدنة قريبين منة حتى عبدة العاصي هم يحبة،
كلنة عاصين ومذنبين وخطائين لكن عفو الله ورحمته اكبر من ذنوبنة واخطائنة
هواي عصينا وأذينة غيرنة وأذينة انفسنة لهل سبب انو الله خلانة نبعد عن احبابنة حتى نرجع اله ونطلب عفوه ومغفرتة ونندم لأن الندم هو أول خطوة لغفران الذنوب
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
