مساء الخير على احلى عيون
#يمامة
مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~~~~~
طريق العودة كنت احس نفسي ضايج وكلبي معصور وما اعرف شنو السبب .. معقول لأن راح نرجع معقول تعودت طول هذا الأسبوعين أريج كدامي تعودت على وجودها قريبة يمي طول الطريق ساكت واجاوب فقط على السؤال لو ارد على كلامهم
اخطف نظرات لأريج شكلها عكس تماما من اجينة ... من اجينة كانت خائفة وحزينة
هسه فرحانة ومرتاحة صح اديها بعدهن متضمدات لكن من فتحهن الطبيب بشرنه انو كلشي تمام وكتبلها على عصارات تضيع الآثار ومرهمات وغيرها .. وهم يبقون على تواصل وياه اذا احتاجو استشارة
وصلنة ونزلو يم بيتهم توادعنه و طلعت لبيتنة
اول ما دخلت دكيت باب المطبخ اسمعهم
(يا اهل الدار اني اجيتت)
طلعت قمر من غرفتها وتلكتني بابتسامة(مرووان الحمدلله على السلامة نورت)
(الله يسلمج عزيزتي شلونج)
(كلنة بخير انت شلونك شلون كانت سفرتك )
(كلشي زين والسفرة تمام وأريج عمليتها تمت بنجاح )
(ايي الف الحمدلله والشكر على سلامتها)
(احس جسمي مكسر من كعدت السيارة )
(اي مدد وارتاح من يجهز الغدة ويجي بابا اكعدك و لو مشتاقتلك اني بس ملحوكة نكعد ونحش بالليل)
دخلت للغرفة خليت ملابسي طلعت سبحت ورجعت مددت على سريري
صافن وما اعرف وين ماخذني عقلي
كمت من مكاني طلعت يم قمر بالمطبخ
كعدت على الميز واباوع على قمر وتجي أبالي أريج واكلم نفسي
،وتاليها شنو معقول بيوم اتعلق بأريج وما اكدر اتركها معقول ماتكدر تتقبل قمر
كل كلامها افكر بي واشوفة صح
اني لازم ابعد عن أريج ما اريد اتعلق بيها
واتعود على وجودها بحياتي عالاقل اذا بيوم افترقنا راح يكون الأمر سهل علي ...
باليوم الثاني أبوي كال نروح الهم ونتحمدلها بالسلامة اتصل بعمتي اجت
وكالعادة قمر بقت بالبيت اني هم ما اريدها تروح اخاف عليها تسمعها كلمة تأذيها .. ركبنة ورحنة الهم وبعد ما كعدنة وجاي و ماي واتحمدنة بالسلامة لأريج حجت عمتي
(أن شاء الله شوكت ناوين تفرحونة بيكم مدام أريج بعد سوت العملية بسلامة خلونة نفرح بزواجكم )
رد عليها ابوي (ولله اني ياريت عن قريب بس بعد تبقى يمهم همة شوكت يحسون نفسهم مستعدين )
رد ابوها (خير ان شاء الله اني اعرف مروان العملية والمراجعات كلفنة هواي فما أريده يضغط على نفسة على راحتة يمتى ما يجهز أمورة بعد هيه صارت حلالة)
ماكدرت اسكت أكثر لشوكت يبقون بكيفهم يحجون رفعت راسي عيني صارت بعين أريج الي حسيتها تكلي اتدخل ولا تسكت (من رخصتكم حاب اكول شي )
ابو أريج (تفضل أبني كول )
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
