مساء العافية على اجمل عيون
بوح فتاة
أصبحت ناضجة !
لا يتجول في عقلي سوي المسؤلية !
لم أعُد أُبالي بحديث الآخرين !
توكلت على خالقي !
بدأت أتحول تدريجيًا!
لِنقُل تغير قدري من حزن لبهجة!
أصبح يثير بداخلي الاطمئنان !
أعتقد أن عقلي استيقظ أخيرا !
#يمامة
مشاهدة ممتعة للجميع تفاعلكم مع البارت
~~~~~~~~~~~~~~~~~
مروان(قمر حجزتلج يم الدكتورة وباچر نروح المفروض قبل هل وقت بس صارت شغلة إصابتي والتهيت)
(اني هم مافتحت الموضوع وياك والتهيت)
(على كل حال باجر بالأربعة العصر نروح )
(احس مترددة)
(بدون تردد حبيبتي انتي كعدي وياها وشوفي اذا حسيتي نفسج ما مرتاحة اطلعي وبعد نسد الموضوع)
(إن شاء الله)
باليوم الثاني أخذني مروان وصلنة لعيادة الدكتورة واني كل شوي اريد ابطل وما اروح العيادة جانت فارغة برة بس احنة كاعدين
قمر ( مروان شو ولاطير موجود)
(الأطباء النفسيين بالعراق قلة ناس تردد عليهم تعرفين بعد تفكير الشعب العراقي قليل ناس تتقبل هل فكرة الطبيب النفسي لايقل اهمية عن الطبيب العضوي شي مكمل الشي )
انتضرنة مايقارب نصف ساعة انفتح باب الدكتورة وطلع ولد شاب تقريبا بعمر مروان أو اكبر بشوي
كمنة احنة حتى ندخل دخلنة للدكتورة
بنية بعدها شابة ولاكتنة بابتسامة وترحيب
(اهلا وسهلا تفضلو)
مروان مجرد دخلني للغرفة اجة يتركني
مروان( قمر اني راح اطلع شوي انتضرج برة)
قمر(خليك مروان )
الدكتورة ( أخ مروان تكدر تاخذ راحتك احنة بنات نريد نسولف ندردش بينة )
حجت هل كلام بضحكة
ابتسملي وطلع بقيت اباوع وراه
الدكتور(تفضلي كعدي حبيبتي شبيج خايفة )
كعدت كدامها كامت طلعت كاسة ماي وحطتها على الطاولة الكدامي
(اشربي ماي وافتحي تشابك اصابعج وفرك الايد وكوني مرتاحة )
(اني اول مرة اراجع طبيب نفسي)
( اذا كانت كلمة طبيب تضايقج انسيها هذا اسم اختصاصي فقط ممكن نستبدلة بغير اسم احنة هسه كعدة حبايب ندردش بأمور الحياة نتعرف على بعض تتقبلين لولا )
أنت تقرأ
نصف القمر
Fiksi Umumبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
