مساء العافية على اجمل عيون
بسواد الليل تتلملم حمامات الحزن بية
ومصابيح المدينة تموت ..
#يمامة🖋️
مشاهدة ممتعة للجميع تفاعلكم للبارت وتعليقاتكم بين الفقرات ...
*******
(وعندما يأتيك الخذلان من حبيب كنت تعتقد أنه كل الحياه من الطبيعي أن تنتهي الحياة بالنسبة لك.، أنت الأمل الذي تحول الى يأس)
واكفة أمام هذهِ الإنسانة الوحيدة الي دون الكل سمحتلها تتقرب مني وتكون صديقة الي
عوضتني عن الاخت وكانت هيه بمثابة الأخت
كنت اتمنى انو تنطيني عذر قوي يخليني اسامحها واكول هيه ما باعتني
لكن عذرها كان أقبح من فعلها ميسون للاسف خلتني طعم لأخوها حتى يتسلى بية ويتركها تكمل دراستها. برغم تعرف اخوها جاي يضحك علي و يلعب بكلبي ومستغل مشاعري أبشع استغلال
ردت علي بوقاحة عين حتى تكلي عذرها التافه
ميسون(المقابل هو دراستي .. اني اسفة قمر بس دراستي هاي حلمي وانتي جنتي الوحيدة الي اكدر من خلالج اكمل هذا جان شرط حازم )
مافهمت شنو تقصد بالضبط سالت بأستغراب
واني الفظ النفاسي بقوة
(دراستج ؟ شنو يعني ما فهمت ؟ لحظة لحظة يعني انتي واخوج تقاسمتوني بينكم تسلميني اله يتملعب بكلبي ويستغلني وانتي حضرتج تكملين دراستج على گفاي فهميني ولجججججج كليلي هل كلام مو صحيح انطيني أي عذر الا انج بعتيني )
ردت بتوتر وتصنع حزن
ميسون(حازم كالي اذا كدرتي تقنعين قمر اخليج تكملين دراسة قمر وآلله اني احبج ومابعتج جنت أضن هو فعلاً حابج ويريد يتقرب منج)
تقربت منها بكل عصبية جريتها من صدريتها
( بعتينيييي مقابل تكملين دراسة ولجججج حقيرررة شنو سويتلج اني شنوووو ليش هيج تسوين بيه أنتي صديقتي الوحيدة انتي الوحيدة الي دخلتها لحياتي ولج عبالج الله راح يوفقج لاولله مراح يوفقج ابدد)
صرت اجر بشعر ميسون وأصرخ بحركة كلب موجوع النار تاكل بي.. فاقدة السيطرة على اعصابي لاول مره بعمري اسوي مشكلة بالمدرسة
البنات صارن يردن يفتحن ميسون من ايدي ماكدرن ماعرف منين اجتني كل هاي القوة وهيج ملختها لدرجة شعرها صار يجي بين أصابعي تحاول تفتح نفسها مني ماتكدر صرت أصيح بعلو صوتي وناسية نفسي والمكان الي إني بي
(سااااافلة سفلة انتي واخوج ، ياكلاب الله يحرك كلبكم. الله لايوفقج ولا يهنيج إن شاء الي سويتي بية يطلع أضعاف بيج )
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
