نصف القمر

البارت 19

مساء العافية على اجمل عيون

#يمامة

مشاهدة ممتعة للجميع تفاعلكم البارت تعليق بين الفقرات متابعة الحساب

~~~~~~~

تقربت يمه خليت ايدي بشعرة ونفشته
هوة بسرعة طلع من الصورة  وباوعلي مبتسم
كعدت كبالة ..(تحبها)

(ما اعرف .. بس احس الها وحشة يعني رغم علاقتنا ما كانت طبيعية مثل كل اثنين مخطوبين بس أريج أحسها فقيرة وكل كلامها مو من كلبها. يعني دوم أحسها مقهورة وتطلع قهرها بالسانها  بس روحها حلوة وعدها سوالف تضحكني )

(وهذا الكلام شنو يعني ... يعني تحبها  كل الي صارلك بسببي  شكد اتعذب من اكون عاجزة اقدملك شي )

(لا حبيبتي انت مالج علاقة هيه أريج من البداية ماكانت رايدة هل خطوبة حاولت وياها هواي لكن هيَ ابد ما كدرت تتقلبج وانتي نصفي الثاني الي ما يتقبلج ما يفيدني ولا اريدة بحياتي )

لزمت ايدة بحب

(حبيبي ربي لايحرمني منك ويخليك سندي طول العمري )

فرك وجها محاول يغير الموضوع

(انتِ وضعج بالدراسة شلونة احسج تعبانة)

(الدراسة كلش صعبة وبالأخص الدكاترة يكولون هية اول سنة تكون من أصعب المراحل على الطالب بعد ما اعرف ساعات احس نفسي تورطت )

(لا ابد لا تفكرين بهل طريقة ماكو شي يجي بسهولة طريق النجاح صعب وكل ما تردين يكون الج مستقبل اجمل لازم تتعبين أكثر حتى تحققي الشي الي تتمني)

(اكيد طبعا ..  كنت اتوقع بس اختار اصير طبيبة تجميل من اول يوم يبدون يدرسونة  اختصاص تجميل هههه ماكنت اعرف الورطة المنتضرتني من عرفت )

(راح تصيرين ارقى دكتورة بالعراق وسويلي خشمي بلاش )

(اي تدلل ابدل وجهك كلة اذا تريد ... وهسه خل اخذ كهوتي واكعد احضر وأشوف شوراي )

(فرحان بيج هواي  ومرتاح لوضعج )

(الحمدلله يارب اكدر طول العمر ابقى رافعه راسك بيَ)

رجعت لغرفتي اقرة اكو اشياء افهمها واكو اشياء بعدني لحد الان صعب استوعبها
لكن ماشية وية الوضع ..

اختلفت شخصيتي تماماً بالجامعة صرت ارد وما اسكت من أحد يحجي كلمة تغثني
وطبعا سالفة علاقتي بالدكتور ابراهيم بعدهم الطلاب يشككون بهل موضوع والدكتور حتى ما يكلف روحه وينفي هل كلام اكثر من مرة حاولت احجي لمروان واتردد اخاف تصير مشكلة .. لحد ما حسيت الموضوع صار كلش ملل  لا اكدر أحاجي الدكتور لأن وكفتي وياه راح تزيد الكلام  ..
تجرأت وطلبت رقمة من بنية وياي بالقسم مؤدبة وماعدها كلام زايد لهل سبب طلبت منها  وسبب أخذي لرقمه لأن ما اريد اوكف واحاجي بالجامعة كدام طلاب القسم