مساء العافية على اجمل عيون
#يمامة
#مشاهدة ممتعة للجميع تفاعلكم البارت تعليق بين الفقرات متابعة الحساب
~~~~~~~~~~
مروان(قمر اهدئي حبيبتي وجهج صار اصفر يمعودة راح ينغمي عليج وتطيحين)
رديت واني افرك بادي وافتر رايحة راجعة
(مروان خايفة خايفة )
يحجي وهوة مترهي
(اني بالنسبة إلي ما خايف واصلا متأكد من نجاحج)
(هنيال برودك اي ولله اني اذا اتأخرت النتائج أكثر عود دكو الشهادة على كبري لأن كلبي راح يوكف )
حجى بابا يطمئني
محمد(ولج بوية على كيفج وية نفسج اكعدي رجليج طاحن من الفرة هسة تنزل النتائج )
رحت كعدت واني اطكط باصابعي واهز برجلي ومروان فاتح اللابتوب وكاعد
منتضرة النتائج مال السادس صح اني مجاوبة بس خوفي مو بيدي
واعرف كلش زين همة هم قلقين لكن يهدئون بية لأن من كد توتري حتى احس حلكي نشف
مروان(هاي نزلت النتائج )
طفرت من مكاني يم مروان وصار يبحث بالاسماء عن اسمي واسم مدرستي
لهنا اني بعد ما كدرت اتحمل
(أني أني راح اكعد بغرفتي ومن تطلع نتيجتي كولي فدوى ما اكدر بعد )
كمت منهم ورحت لغرفتي وبس ادعي واقرا آيات لبين ما اجاني صوت ابوي
قمررررررر تعاي بابا ركضت الهم وفوراً بابا حضني بفرح (مبرووووك عرفت بيج كدها وراح تنجحين الف مبروك )
جاوبت بصدمة ولا كأني متأكدة من نجاحي
(نجحت نجحت اني )
حضني مروان بفرح وباس راسي (اي ولج نجحتي ليش مستغربة اصلا هوة هذا المتوقع )
(شكد شكد معدلي )
(99،9 ... الف الحمدلله ربي ألف الحمدلله
كعدت بالكاع ابجي واحمد ربي وبابا شال تلفونة يتصل يبشر الأقارب
هل فرحة وقتها كانت شي ما ينوصف حسيت فعلاً سويت إنجاز عظيم بحياتي
حسيت عوض رب العالمين الي
ليلتها ما كدرت انام من فرحي وسعادة قلبي صرت اتخيل نفسي واني افتر بين ممرات المستشفى ولابسة الاب كوت وكلها تكولي دكتورة قمر دكتورة قمر
بس لحظة انتبهت من خيالي واني اكلم نفسي .. قمر انتي صح حلمج تصيرين دكتورة لكن لحد الان ما مقررة اي اختصاص اكون
جراحة يما ماكدر اتحمل يشرحون جثة كدامي ويشرحولي عليها ويطلعولي الكلب ويطلعولي المعدة واحشاء الميت كدامي
اسنان لالا هذا مو طموحي
بقيت افكر باختصاص يكون حلو
صرت افتر بالغرفة و اني افكر وكفت كبال مرايتي واني اكلم نفسي عيني اجت على وجهي تلمست الوحمة ابتسم و اني اشوفها
طول عمري اني المسها بأشمئزاز
ابد ماعدت احس هذا الإحساس
تذكرت شكد عانيت بسببها صارت صديقتي هسة وحبيتها. عرفت انو اجمل شي بالكون انك تكون محب لذاتك ومتصالح وية نفسك هية هذه الراحة الحقيقة الحمدلله من كدرت اتخلص من الحروب الي كانت تسكن أعماقي ..
أنت تقرأ
نصف القمر
Ficção Geralبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
