مساء العافية على اجمل
تهت والچان لدروبك يزتني اعمى ..
#يمامة
شوفوني تفاعلكم للبارت وتعليقاتكم بين الفقرات مشاهدة ممتعه للجميع
~~~~~~~~~~~~~~~~~~~~~
يوم احد بداية الأسبوع الدراسي ..
لازمة كتاب الاحياء اراجع للدرس القادم ... رفعت راسي بفرحة على صوت ميسون وهي تدخل الصف تصبح على الزميلات وتتقدم ناحيتي
ميسون(صباح الخير يا وجه الخير)
قمر(ميسون حبيبتي ) رحت الها حضنتها فرحانة برجوعها للدوام (الحمدلله من داومتي لج كلت بس لا ما تداوم بعد )
ميسون(ههه لا شبيج موكتلج اخوي حازم واكف وياي حبيبي هو الي سندني وكالي كملي دراستج )
قمر(الله ينطي العافية همزين وكف بجانبج والا حرامات ولله تضيع عليج )
نزلت جنطتها بالرحلة وكعدت وهي تكول (ولج قمور انتي شسويتي باخوي )
جاوبتها بتوتر واستفهام طابكة حواجبي مع ابتسامة من ذكرها لاخوها
(اني ؟ شنو مسوية )
جرتني من ايدي كعدتني بجانبها وتحجي بصوت بس اني وياها نسمعة حتى ما يسمعون الطالبات
(من لحظة الي طاحت عينة عليج وانتي ما طلعتي من بالة اكل كلبي بالاسئلة عليج شسمها ، شكد عمرها ،مرتبطة لولا، واخر شي ختمها من كالي كلش نعجبت بيها إذا اتقدملها يوافقون أهلها )
حجيت باستغراب وعدم تصديق (معقول ؟)
(وليش ما معقول عمري شنو ناقصج ترة حازم مو أي وحدة تعجبة بس انتيييييي يمكن هذا الي يسمو حب من اول نضرة)
طول كلامها واني كلبي احس محتفل بصدري بعمري محد باوع الي بنضرة اعجاب لو عبرني حازم جان بالنسبة إلي حلم من اول لحظة شفتة ماكدرت يمر يوم إذا ما يشغل تفكيري
شخص انيق شخصية مرتبة إلى أبعد درجة معقول اني هيج اخذت تفكيرة
معقول كلام مروان صحيح الي بوجهي شي مميز بس اني اعتبرة قبيح
احس صارتلي جناحات وطرت بالسماء احساس حلو حلو
المدرسة تشرح واني بالي مو يمها وأكثر من مرة نبهتني دكت بالقلم على الرحلة حتى انتبه للشرح
وميسون كل شوي تسولف بي اني الكة نفسي صافنة ومركزة بكلامها
احس اريد اعرف ابسط التفاصيل عنة
واحفظة مثل اسمي ( الحب الاول من يدخل للقلب يمكن مثل حب الام لاول أطفالها وفرحتها بي قلبي ما يوم احد سكنة وحازم اول شخص يدخل قلبي ويشغل تفكيري .. من اذكرة ما اكدر اخفي ابتسامتي
أنت تقرأ
نصف القمر
General Fictionبسم الله الرحمن الرحيم وقول الله تعالى: (("الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ)) الناس الذين...
