ပြန်လည်မွေးဖွားလာသော ဧကရာဇ် (book 2) ဘာသာပြန်

Arc 3🗡10🗡 ပေရွှီးမြို့တော်

Chapter (10) Arc 3
ပေရွှီးမြို့တော်

ဒါဟာ အလွန်အန္တရာယ်များတဲ့ အတွေ့အကြုံတစ်ခု ဖြစ်ပေမယ့် ကံကောင်းထောက်မစွာပဲ ကံကောင်းခြင်းရဲ့ ချိန်ခွင်လျှာဟာ သူ့ဘက်မှာ ရှိနေတာကြောင့် မဟုတ်ရင် သူတို့နှစ်ဦးဟာ အလောင်းတွေ ဖြစ်သွားနိုင်သည်။

အန္တရာယ်ရှိပေမယ့် နောက်ကွယ်က ဖုံးကွယ်ထားတဲ့ အန္တရာယ်တွေကို လုံးလုံးလျားလျား ဖယ်ရှားလိုက်ပြီ ဖြစ်လို့ တစ်ဖက်သားက သူ့ကို ပြဿနာလာရှာမှာကို စိုးရိမ်စရာ မလို​တော့ဘူး။

တစ်ခုတည်းသော သနားစရာကောင်းတာက ဒီလူဟာ သဲလွန်စမကျန်ဘဲ မီးလောင်ပြာကျသွားပြီး သူ့ရဲ့ အထောက်အထားကို ရှာတွေ့ဖို့ နည်းလမ်း မရှိတော့ပေ။

သို့သော် ကိစ္စမရှိပါ။ သူက အရင်တိုက်ပွဲမှာ သူ့ရဲ့လှည့်ကွက်တွေကို ပြသထားပြီး နောက်တစ်ကြိမ်မှာ တူညီတဲ့ ကျွမ်းကျင်မှုနဲ့ လှည့်ကွက်တွေနဲ့ ကြုံသရွေ့ တခြားသူကို ရှာတွေ့ဖို့ ခက်ခဲမှာ မဟုတ်ဘူး။

အချိန်အတော်ကြာအောင် အသက်ရှုသွင်းပြီးနောက်တွင် မုယန်ဖုန်းသည်လည်း ပြန်လည်ကောင်းမွန်လာကာ သူတို့နေအိမ်သို့ ပြန်လာခဲ့သည်။

ဟန်ရောင်သည် မျိုးနွယ်စု နှင့် အကယ်ဒမီ၏ အရေးကိစ္စ အားလုံးကို စီစဉ်ပေးခဲ့သည်။ သူတို့ သုံးယောက်သည် ခေတ္တမျှ အနားမယူတော့ဘဲ လင်းယုန်နီ ပေါ်တက်သာ ပေရွှီးအင်ပါယာသို့ တည့်တည့် ပျံသန်းလာ၏။

အထက်တန်းစား နိုင်ငံဖြစ်သည့် ပေရွှီးအင်ပါယာသည် ကျယ်ပြန့်သော နယ်မြေရှိပြီး ကီလိုမီတာ သန်းပေါင်းများစွာကို လွှမ်းခြုံထားသည်။ ပေရွှီးမြို့တော်သည် အချမ်းသာဆုံးနှင့် အစည်ကားဆုံးမြို့ ဖြစ်ပြီး မရေမတွက်နိုင်သော အောက်ပိုင်းနှင့် အလယ်အလတ် နိုင်ငံများသည် ကုန်သွယ်မှုအတွက် အပြိုင်အဆိုင် လာရောက်ကြသည်။

မြန်မြန်သွားချင်လို့ လင်းယုန်နီ သားရဲကို ယူလာခဲ့ပေမယ့် ပေရွှီးအင်ပါယာကို ရောက်ရှိလာဖို့ ရက် ၂၀ ကျော် ကြာပါသေးသည်။

"သခင်​လေး...ကျုပ် အခု ဆရာ့ကို သွားရှာလိုက်ပါမယ်"

ပေရွှီးမြို့တော်သို့ ရောက်သောအခါ ဟန်ရောင်သည် လုရွှမ်အား နှုတ်ဆက်စကား ပြောလာသည်။