Unicode
အပိုင်း ၂
🤎 လေးနှစ်ကြာပြီးနောက်
"တိုတို"
"ဗျ"
"ice-cream ချားချင်တယ်"
"ချောင်းတွေဆိုးနေတာလေ။ပျောက်မှစားရမှာပေါ့"
"ဟင့်..အင်း။ချားချင်တယ်"
ကလေးသေးသေးလေးက ခြေလေးဆောင့်၍ ပူဆာနေ၏။
"မိုလေးက လိမ္မာတယ်ကွာ။မဆိုးရဘူး"
"ချားချင်တယ်။ ice-cream ချားချင်တယ်။ထု ဝယ်ပေး"
ခြေထောက်လေးဆောင့်ပြီး ငိုမဲ့မဲ့နဲ့ပူဆာနေသော (3)နှစ်အရွယ် ကလေးလေးကို ကြည့်ပြီး နေနိုင်အောင်လွှမ်း သနားရပြန်ပါသည်။
"ကဲ ဦးထော်ရေ။ လမ်းထိပ်က စတိုးကနေ ice-cream လေးသွားဝယ်ပေးပါဦး။ဒီမှာ သောင်းကြမ်းတော့မယ်"
"အင်း......ဆရာက သူ့ကို အလိုလိုက်လွန်းအားကြီးတယ်"
"ချစ်လို့ပေါ့ဗျာ။သူ့မှာ ဆိုးစရာဆိုလို့ ကျွန်တော်ပဲရှိတာကို ဆိုးပါစေ"
အချိန်တွေကုန်တာမြန်လွန်းပါသည်။ဇင်နိုင်းနှင့်မေမီထွက်သွားတာမိုရှန်လေးတစ်သက်တောင် ရှိတော့မည်။
💮💮💮💮💮💮💮💮💮💮💮💮
လွန်ခဲ့သော အတိတ်ကာလဆီ
နေဇင်နိုင်းနဲ့မေမီချမ်းမြ တို့နှစ်ယောက် နေနိုင် စီစဉ်ပေးသောရွာသို့ ခိုးပြေးလာခဲ့ကြသည်။ချစ်သူနှစ်ဦးပေါင်းဖက်ခွင့်ရခဲ့သော်လည်း အသက်ရှည်ရှည် ကျန်းမာချမ်းသာစွာ မနေခဲ့ရပေ။ရာသီဥတုအပြောင်းအလဲဒဏ်မိဘများ၏ စွန့်ပစ်မှုဒဏ်များကြောင့်မေမီတစ်ယောက် သမီးလေးမွေးဖွားပြီး တစ်ပတ်အကြာမှာပဲ လောကကြီးထဲမှ တိတ်ဆိတ်စွာထွက်ခွာသွားခဲ့သည်။
မေမီ့စိတ်ဖြင့် မေမီ့အမေတစ်ယောက် သူ့အရင် ထွက်သွားခဲ့သည်ကိုတော့ မေမီမသိနိုင်ခဲ့ပါ။ဇင်နိုင်းလည်း ဇနီးစိတ် မိဘများ၏ ဖိအားဒဏ်များကြောင့် အရက်ကိုသာ အဖော်ပြုခဲ့သည်။
သူ့မိဘများမှာ အတ္တမာနတွေကြီးလွန်းပါ၏။ဇင်နိုင်းကို အမွေပြတ်စွန့်လွှတ်သည့်အပြင် တွေ့ရင်တွေ့တဲ့နေရာမှာ အခြေချခွင့်မရအောင် လုပ်ပစ်မည်ဟု ကြေညာခဲ့သည်။
KAMU SEDANG MEMBACA
528+ထောင့်ငါးရာ (Complete)
Romansaကိုကို့ ပါးစပ်ကပြောတဲ့ ချစ်တယ် ဂရုစိုက်တယ် ကြင်နာတယ်ဆိုတဲ့ စကားတွေကို "မို" ကြောက်တယ်။ "မို" လိုချင်တာ ဖခင်မေတ္တာငတ်နေတဲ့ သမီးတစ်ယောက်ရဲ့ အချစ်မျိုးမဟုတ်ဘူး။ ယောက်ျားတစ်ယောက်က မိန်းမတစ်ယောက်ကို ချစ်တဲ့ ချစ်ခြင်းမျိုး ကိုကိုရဲ့။ ...
