انتِ لي فقط

الفصل الثاني

و جاء دكتور من الدكاترة و شاف اللي بيحصل و قال : باااااااااس و بعد شوية في غرفة العميد كان التلات بنات المضروبين قاعدين و بيبكوا من الم جسمهم و كانت مريم و جميلة و نور واقفين بيبصوا لكل اللي حواليهم ببرود شديد قال العميد : بعصبية انتم طلاب همجيين حد قالكم ان احنا في الحارة فوقوا احنا في جامعة محترمة انتم لازم تاخدوا فصل نهائي من الجامعة قالت جميلة بغضب : سيبوني علي ابن الجزمة ده علشان بيقول كلام زي السم مسكوها نور و مريم بإحكام و قالت نور : بت اهدي مش هينفع ده عميد الكلية و هنا قال الدكتور اللي كان واقف معاهم : مش هينفع يا حضرة العميد احنا كده نبقي بنضيع مستقبلهم قال العميد : عشان خاطرك بس يا دكتور عمر هياخدوا فصل اسبوع و بعد شويه خرجوا كلهم و قالت بنت من البنات اللي اضربوا :  صدقوني هدفعكم تمن اللي عملتوه ده غالي اوي قالت جميلة : روحي يا ماما ريحي جسمك من الضرب اللي اخدتيه الاول و بعدها ابقي تعالي اتكلمي مشيت البنات بغيظ شديد اما مريم قالت : بنات انا اسفة انكم اخدتوا الفصل ده بسببي بجد انا اسفة قالت نور : انتي هبلة يا مريم ما انتي ياما اخدتي فصل بسببنا مجتش عليكي قالت مريم : بس اهلكم ممكن يزعلوا منكم بسببي و ... قاطع كلامها و جميلة بتقول : بصي يا مريوم هو اي نعم اهالينا مش طايقين قعدتنا في وشهم طول اليوم بس ازي يعني مش حوار قالت مريم بحب : انا بحبكم اوي و بعد الجملة دي التلاتة حضنوا بعض بكل حب و صدق (يااااه يا نور انتي و جميلة و مريم فكرتوني بالقمرات صحابي ❤❤) قطع اللحظة القمر دي دكتور عمر و هو بيقول : احم اي خدمة يا بنات بس اتمني متعملوش كده تاني و اتمني برضو تفكري يا انسة نور في طلبي و ختم كلامه بابتسامة سمجه و قال عن اذنكم (رخم و دمه تقيل مش كده بس معلش مضطرين نستحمله الفترة دي في الرواية (Sorry للمقاطعة) ) مشي دكتور عمر و قالت نور : ابو تقل دمك يا أخي يلا يا بنات نروح عشان نفسي اتسدت من اليوم كله قالت جميلة بدهشة مصطنعة : اووووه بقا نور نفسها تتسد عن اي حاجة بسهولة كده قالت نور : تخيلي و بعدها قلبت وشها و قالت : يلا يا بت منك ليها قدامي قالو مريم و جميلة : يلا
************************************
و في بيت نور

كانت نور بتفتح الباب براحة و دخلت و هي بتتسحب لحد ما وصلت لاوضتها و ابتسمت براحة و هي بتفتح باب الأوضة عشان تدخل اوضتها لكن اختفت الابتسامة دي لما نور سمعت صوتها و هي بتقول : ازيك يا نور يا حبيبتي قالت نور بهمس : لا لا لا اكيد انا بتخيل اصل ده لو حقيقة انا هتنفخ لفت تور براحة و هي مبتسمة بتوتر و قالت : ست الحبايب و نبع الحنان كله ازيك يا ست الكل قالت الام بسخرية : انا كويسة انتي بقي اللي مروحك بدري عن معادك قالت نور : ها ااصل يعني مهو هو يعني قالت الام بنفاذ صبر : اخلصي يا نور و قولي ايه اللي مروحك بدري قالت نور بسرعة : بصي بقا انا اخدت فصل من الجامعة اسبوع عشان عملت مشكلة و كانت لسه هتدخل و تقفل الباب كانت الام اسرع منها و مسكتها من هدومها و قالت نعم يا روح امك فصل اسبوع ده انتي يومك مش معدي النهاردة قالت نور : استني بس يا ماما و لما تسمعي السبب هتقولي ان انا معايا حق قالت سارة (الأم) : طب قولي ياختي لما نشوف نور كانت هتتكلم سمعوا الاتنين صوت الجرس فقالت سارة : فلتي من ايدي دلوقتي لكن مش هتفلتي مني بعدين و راحت ساره و فتحت الباب و لقت
************************************
و في فيلا سامح مرجان (ابو جميلة )

كانت جميلة داخلة و هي بدندن و بتقول : ( ابطال الجمهورية عدو حدود العالمية عاملين فكرة جهنمية هنغنلكم تحت المية هربانين من العباسية مريحيين بعد العملية القطة المشمشيه قاعدة جنبي في العربية ) قاطعها صوت ابن عمها و هو بيقولها : اهلا بالرايقه و يا تري جاية بدري ليه قالت جميلة ببرود : و انت مالك يا بدر قال بدر : بنت عمي و بطمن عليكي قالت جميله حتي لو ابن عمي ده ميدكش الحق انك تسألني بالاسلوب ده قال بدر : طيب خشي أوضة الصالون العيلة كلها جوة قالت جميلة هغير هدومي و جاية و غيرت جميلة هدومها و دخلت لقت عيلتها كلهم قاعدين و كانوا اللي قاعدين هما كل من ( عم جميلة و مراته و ابنه و عمتها و جوز عمتها و بنتهم و جدها و ابوها و امها ) قال : الاب : ايه اللي جابك بدري يا جميلة قعدت جميلة و قالت ببرود : اخدت فصل اسبوع قالت العمة : و مالك بتقوليها ببرود كده ليه قالت الام : ليه كده بس يا حبيبتي قال الجد بعصبية موجها كلامه للأم : دلعك ليها ده هو اللي بوظها و وصلها للمرحلة دي قالت جميلة : جدي انا مسمحلكش انك تكلم امي كده امي ربتني احسن تربية و عشان هي ربتني احسن تربية انا اخدت الفصل ده قالت بنت عمتها بسخرية : و ده ازاي بقي قالت جميلة : لان ببساطة صحبتي اتعرضت لاسوء حاجة في الدنيا في بنات اتهموها انها بتكلم شباب و كانوا هيطلعوا عليها سمعة وحشة لكن احنا دافعنا عنها بالكلام لكن لما كبوا عليها ماية محدش عرف يمسك نفسه و ضربناهم و بعدها العميد ادانا فصل قال الاب : بعصبية : و انتم مالكم اديكم اخدتوا فصل بسببها قالت جميلة بعصبية مماثلة : اه احنا مالنا طب للعلم هي اخدت فصل كتير اوي بسببنا و كانت راضية بده لان احنا صحابها و احنا مش خاينين عشان نسيبها لوحدها في موقف زي اللي حصل النهاردة ده قال الجد بعصبية : البت دي احنا معرفناش نربيها و انا هربيها من جديد البت دي تتحبس في اوضتها و متخرجش منها نهائي و الجامعة هتقعد منها و التلفون هيتسحب منها قال الاب باحترام لكلام ابوه : اوامرك يا بابا و بمرور الوقت كانت جميلة قاعدة بتعيط علي اللي بيحصلها و خصوصا موضوع الجامعة ده مش عارفة ازاي مش هتشوف صحابها الفترة الجاية و فجأة افتكرت حاجة و قامت و فتحت دولابها و طلعت منه صندوق و فتحته و طلعت منه ....
************************************
و في مكان اخر

في مكان مهجور و تحديدا داخل المخزن كان يوجد ادم و معتز و اسر و امامهم شخص ما مربوط و علي فمه لاصق اشار ادم لمعتز ففهمه معتز و قرب من الشخص اللي كان مربوط و شال اللاصق اللي كان علي فمه اما الشخص المربوط اتأوه بألم و بصلهم و قال : انتم مين و عايزين ايه قال ادم : ايه ده معقول مش عارفنا يا عمرو اخص عليك اخص زعلتني قال معتز : اعذرني يا باشا بس اللي يزعلك يزعلني و انا بقي عايز اخد حقي و ختم كلامه بطلقة في رجل المدعو عمرو قال ادم لعمرو : انت يلا مين اللي بعتك تحرق المخازن قال عمرو بكذب : انا معرفش انتم بتتكلموا عن ايه و حريق ايه و مخازن مين قال ادم : اسر طلع اسر مسدسه و طلق عمرو في رجله التانية فقال عمرو بألم : خلاص هقولكم علي كل حاجه و حكي ليهم عمرو كل اللي كانوا عايزين يعرفوه و بعدها قال : طب ما بقولك يا باشا ما تخليني واحد من رجالتك قال ادم بجمود : مبشغلش معايا ناس خاينة و ختم كلامه و طلع مسدسه و ضربه طلقة في دماغه و طلعت روح عمرو للي خلقه.
************************************
رواية : انت لي فقط
بقلم : Golia
************************************
و لحد هنا خلص فصلنا يا رب يكون عجبكم و منسوش تفعلوا تصويت و تكتبولي تعليق تقولولي فيه توقعاتكم للي جاي و اذا كان الروايه حلوه ولا لا رايكم يهمني و شكرا لكل اللي اخد من وقته دقيقة عملي فيها تصويت او كتبلي تعليق يلا اشوفكم علي خير باي ( ملحوظة ) بحبكم ❤.