انتِ لي فقط

الفصل السابع

عدى اليوم و جيه تاني يوم و في المستشفي
كانوا الكل واقفين في غرفة جميلة اللي بدأت تفوق و اول ما فاقت بدأت تقول : ننور مرريم متسبونيش قالت الام بحزن علي بنتها و علي حاله جميلة : حمدلله علي سلامتك يا بنتي
قالت جميلة : مريم فين
قال مازن : في الأوضة اللي جانبك الدكتور قال حالتها مستقرة
قالت جميلة : انا هقوم اشوفها
قال الاب : يا بنتي انتي تعبانة و مش هتقدري تقفي علي رجلك
قالت جميلة: كفاية عليا عدم وجود تور اللي مش قادرة اتخطاه يا عمو و قامت و حست بدوخة لكن اتحاملت علي نفسها و مشيت و دخلت أوضة
مريم و الكل دخل وراها اما مريم فبدأت تفتح عنيها براحة فلاحظت يارا انها بتفوق
فقالت : الحقوا مريم فاقت الكل بقا حوالين مريم اما جميلة كانت جنبها و قالت جميلة : مريم حبيبتي انتي كويسة حاسة بإي تعب
قالت مريم بتعب : انا كويسة بس هو ممكن سؤال قالت جميلة بحنان : اسألي يا قلبي
قالت مريم: احم هو انتي مين و بعدها اشارت علي كل اللي واقفين
و قالت : و مين دول و انا اسمي ايه انا مش فاكرة اي حاجة
قالت هند : مبروك فقدت الذاكرة
قالت جميلة بصدمة : م مريم بطلي هزار يعني ايه مش فاكره حاجة معقولة مش فكراني و كملت بدموع طب بلاش انا مش فاكرة نور . نور صحبتنا قالت مريم بتأثر من حالة جميلة : انا ولاهي اسفه و بجد مش عارفة اقولك ايه بس انا مش فاكرة اي حاجة جميلة ضمتها و هي بتعيط
و بتقول : متعتذريش يا قلبي انا عارفة انه غصب عنك متخافيش انا هبقي معاكي خطوة بخطوة لحد ما تفتكري كل حاجة كل اللي كان  موجود دمع علي هذا المشهد حقا يا عزيزي القارئ اذا كنت موجود و تري هذا المشهد امامك لكنت تبكي و بشدة
************************************
و عند آدم و نور كانوا نازلين من الشقة اللي كانوا فيها و ركبوا عربية ادم و كانت نور بتقول : بقولك يا غوريلا قال ادم : هو انتي تقصديني انا قالت نور : sure قال ادم : بالرغم اني.عايز اقوم اولع فيكي عشان اللقب ده بس انا عايز اعرف ليه اللقب ده بالذات قالت نور : بص يا سيدي في معظم الروايات البطلة بتلقب البطل بإسم و انا قولت اللقبك بقا و بما انك ضخم و انا الاسامي بتاعتي كريتيف لقبتك بغوريلا يا غوريلا ابتسم ادم إبتسامة خفيفة علي كلامها لكن فونه رن واول ما رد و خلص المكالمة ملامحه اتغيرت للبرود الشديد و بعد شوية من الوقت كانت نور حاسة بالملل و هي قاعدة مع ادم في العربية   اما هو كان بيسوق بكل برود و ده استفزها جدا و بعدها قالت : بقولك ايه انا مش فاهماك انت منفصم ما انت كنت بتضحك من شوية ايه اللي حولك كده فضل ساكت و مردش عليها فهي اتعصبت لكن قبل ما تتكلم او تقول اي حاجة سمعت صوت ضرب نار بصت من شباك العربية لقت ناس بتضرب عليهم نار من ورا ف صرخت و هي بتقول : منك لله يا بعيد كل شوية نلاقي حد بيضرب علينا نار امبارح في القصر و لما طلعنا منه حتي دلوقتي قال ادم بصراخ : بااااااس انتي ما صدقتي و بعدها زاد ضرب النار عليهم فقال ادم : يلا بسرعة نزلي راسك لتحت و انا هتصرف و فعلا نزلت نور راسها لتحت و هي بتقول : انا نفسي اعرف مين الحيوان اللي باصصلي في حياتي و خلاني بقيت في الموقف ده ااه لو يقع في ايدي ابن الل... و مكملتش كلامها و هي بتصرخ بخوف بعد ما شافت ادم اخد رصاصة قال ادم بفزع من صراخها : نور في ايه انتي كويسة حصلك حاجة قالت نور بدموع : اانت بتنزف قال ادم بهدوء : نور انا كويس ده غير اني متعود علي كده + ان دي رصاصة في كتفي من في قلبي يعني و الصراحة كده انا عايز اعمل حاجة و مش عارف ردة فعلك عليها هتبقي ايه قالت نور بخوف من نبرته : انت هتعمل ايه بالظبط قال ادم بخبث و تسلية : هعمل كده و بعدها ادم سرع العربية و بقي بيسوقها بجنون اما نور قالت بصراخ : اععععععع يا ابن المجنوووووووونة اما العربيات الباقية معرفتش تلحق عربية ادم من سرعتها و للمرة الألف العربيات تخبط في بعض مما أدي الي حدوث انفجار كبير و بعدها حصل......
************************************
و في مكان تاني
قدام المستشفي كانوا خارجين كلا من سارة و قاسم و هند و سامر و يارا و مريم و جميلة قالت يارا : بابا انت و ماما هتركبوا عربيتك و انا و الباقي هنركب مع سامر قال قاسم : تمام يا حبيبتي قالت جميلة :معلش يا جماعة تعبناكم معانا معلش لو مش هنتقل عليك يا سامر لو تاخدنا توصلنا لبيت مريم لحد ما نشوف هنعمل ايه بعد كده قال سامر : انا مش هرد عليكي و هسيبهم هما يردوا عليكي قالت يارا : جميلة انتي و مريم تعبانين و محتاجين رعاية و مش هتعرفوا تعملوا حاجة لوحدكم و انتو كده تعالوا معانا و ده مش عرض ده امر قالت جميلة : كفاية كده يا يارا تعبكم معانا و معايا انا بالذات احنا صدقيني هنعرف نتصرف قالت سارة بحزن : جميلة يا بنتي نور لو كانت موجودة و سمعت منك الكلام ده كانت هتزعل منك اوي يلا يا بني اركبي انتي و مريم مع اخواتكم ولا انتي مش معتبراهم اخواتك قالت جميلة بقلة حيلة : اكيد هما اخواتي و انا مش هكسفك بس بجد مش عارفة اقول ايه غير شكرا ليكم و بعدها ركبوا كلهم في طريقهم للمنزل
************************************
و في قصر ادهم المنشاوي
كانوا قاعدين سليم و يزن قدام ادهم في المكتب الخاص به و يتحدثون في امور عملهم و فجأة سليم شعر بالخنقة ولاحظ يزن ده فقال يزن : مالك يا سليم في ايه اما ادهم فكان مش منتبه ليهم لكن اول ما سمع صوت يزن و كلامه بدأ يركز معاهم
قال سليم : مش عارف يا يزن حاسس ان قلبي واجعني اوي و كأنه حاسس ان في حاجة و وحشة حصلت او هتحصل قال ادهم بقلق علي صديقه : طب اهدا انت بس و انشاء الله كل حاجة هتبقي كويسة قال سليم : انا مش مطمن انا هطلع ارن علي مريم اطمن عليها ده بعد اذنك يا كبير قال ادهم : طيب روح كلمها و ابقي طمني ....
************************************
اما في بيت اهل نور
كانوا كلهم قاعدين بهدوء لحد ما قطع الهدوء ده خروج مريم من غرفة نور بعد ما يارا و سامر اصروا ان هي و جميلة يناموا فيها لحد ما نور ترجع قالت مريم : مساء الخير رد الجميع عليها و بعدها سمعوا صوت موبايل بيرن قالت جميلة ده تلفون مريم هو فين بصوا الجميع و شاورت هند علي مكان ما و قالت : هو اللي هناك ده قامت جميلة و مسكته و هي بتقول ايوه هو ده و اول ما جميلة شافت المتصل شهقت بخوف فقالت يارا : في ايه يا جميلة قالت جميلة : ده سليم اخو مريم انا مش عارفة اقوله ايه قالت هند : قوليله انكم مع بعض في خروجه و ان هي في الحمام و نسيت موبايلها عندك قالت جميلة : فكرة كويسة و بعد ردت و قالت
جميلة : الو
سليم : الو يا مريم
جميلة : هو الحقيقة انا مش مريم انا جميلة صحبتها
سليم : ازيك يا انسة جميلة بس هي مريم فين هي كويسة
جميلة : اااه ههي كويسة بس راحت الحمام و نسيت موبايلها معايا
سليم : اه تمام طيب ياريت اول ما تيجي قوليلها تكلمني عشان عايز اطمن عليها
جميلة : حاضر يا استاذ سليم يلا مع السلامة
سليم : مع سلامة
قالت يارا : ها ايه اللي حصل قالت جميلة بحزن : كان باين في نبرة صوته انه قلقان عليه زي ما يكون حاسس انها مش بخير قالت سارة : معلش يا بنتي كل حاجة هتعدي و هي هتبقي كويسة
قالت جميلة : يا رب تبقي كويسة و نور ترجع لنا بالسلامة قالوا كلهم في صوت واحد : يا رب
************************************
و في فيلا المرجان
كانوا عيلة جميلة كلهم متجمعين و العمة بتقول :
يعني ايه مش عايزة ترجع معاكم هي اتهبلت ولا
ايه البت دي قالت مرات العم : شكلها كده
قالت بنت العمة بمياصه : بجد بجد مكنتش متوقعة
ان جميلة تعمل كده قالت الام بدموع : يعني ايه ضيعتوا بنتي مني و فضلت تردد نفس الجملة بقهر قال الجد بعصبية : بااااااس مش عايز اسمع نفس
اللي هيجيب سيرة البت دي تاني هطرده و هيتحرم من الميراث فاهمييييين !!! سكت الكل بخوف اما
بدر قال في نفسه : انا بقي مش هسيبها في حالها
انا هوريها بنت الل... دي شكلها متعرفش مين بدر مرجان و انا بقي هنول شرف معرفتها
************************************
و بكده يكون فصلنا خلص يا حبايب قلبي يا رب يكون الفصل عجبكم و ياريت لو تساعدوني بفوت قمر زيكم و قولولي رايكم في الرواية لان رأيكم يهمني و بعتذر لان المفروض ان الفصل الثامن ينزل من يوم 25 بس بجد غصب عني انا اضطريت اسافر فجأة و مكنش معايا نت عشان انزل لكن انشاء الله هحاول الفترة الجاية انزل لكم علي قد ما اقدر و لو قدرت انزلكم الفصل التامن بكره الساعة 12 مساءا هنزله لكن لو مقدرتش يبقي يوم الثلاثاء الساعة 9 مساءا يلا اشوفكم علي خير سلااام (ملحوظة ) بحبكم ❤❤❤