في المستشفي
كان الكل واقف قدام غرفة العمليات سارة ويارا كانوا بيبكوا و قاسم واقف لا حول ليه ولا قوة و شيرين واقفة ساكتة خالص اما مريم و جميلة فكانت معالم الحزن محتلة وشهم اما اوليفيا كانت بتحاول تهدي يارا و هي بتقول : اهدأي يا فتاة سيكون بخير لا تقلقي
قالت يارا : يا رب قوموا بالسلامة يا رب متحرمنيش منه يا رب
اما هند كانت شوية بتهدي في سارة و شوية تقف مع قاسم تقوي فيه و شوية تحضن يارا و تحاول تهديها و بعد شوية من الوقت طلع الدكتور و جري عليه الكل
و قالت يارا : م مازن عامل ايه دكتور طمنا عليه ارجوك
قال الدكتور : الطلقة جات في مكان خطير و احنا حاولنا بس ندعي ان ال24 ساعة اللي جايين دول يعدوا علي خير علشان نقدر نقول انه تجاوز مرحلة الخطر
قالت جميلة : طيب نقدر ندخله يا دكتور
قال الدكتور : الفترة دي لأ ممكن تدخلوله لما يتجاوز مرحلة الخطر و يفوق ادعوله بعد اذنكم مشي الدكتور
قال قاسم : يا رب احفظه يا رب
************************************
و في الوقت نفسه عند نور
كانت نور نايمة لكن فجأة قامت و هي بتصرخ بصوت عالي قام ادم من نومه مفزوع و طلع يجري علي أوضة نور و فتح الباب و جري عليها
و قال : في ايه نور مالك بس
قالت نور بصوت مخنوق : ممش عارفة في ايه يا ادم قلبي واجعني و مخنوقة جامد و مش عارفة اتنفس و كأني بغرق انا مش عارفة في ايه و بجد مش قادرة اخد نفسي
قال ادم : طيب اهدي و انا هتصل بالدكتور يجي يشوفك
قالت نور : لا لا مش عايزة دكاترة انا محتاجة انام ببس مش هعرف
قال آدم : طيب اساعدك إزاي
قالت نور : لما ببقي متوترة او مخنوقة ببقي محتاجة لأي مشروب دافي علشان اهدي
قام آدم من مكانه و قال : طيب هروح اعملك اي حاجة تشربيها و راجعلك
مسكت نور ايده
و قالت : لا متسبنيش انا خايفة و مش عارفة ايه السبب
رعشة سارت في جسد ادم حس انه اتكهرب اول ما لمسته بض لعيونها و حس وقتها انها طفلة خايفة مش عايزة ابوها يسيبها
قال ادم : طيب خلاص مش هسيبك و بعدها نده علي الخدامة اللي اول ما جات طلب منها تعمل اي حاجة دافيه لنور و هي عملت لها لمون دافي و سلمتهولها و بدأت نور تشربه و اول ما خلصته حطته جنبها و بدأت تتغطي علشان تحاول تنام اما ادم لما لقي انها هتنام قام من مكانه و لسه هيتحرك
وقفته نور و هي بتقول : آدم ممكن متمشيش لحد ما انام ِقعد ادم جنبها و ابتسم
و قال : طبعا ممكن
ابتسمت نور و غمضت عينيها في محاولة منها انها تنام و فعلا نجحت في كده و راحت في نوم عمييق بص آدم عليها
و قال : انا معشتش معاكي كتير لكن اكتشفت أنك مرحة و مجنونة و بتحبي الهزار و في نفس الوقت عاقلة و جدية و ذكية ده غير الجانب البريئ و الرقيق منك انتي فعلا شخصيتك مختلفة عن اي بنت في حياتي ابتسمت نور و هي نايمة و تقريبا كانت بتحلم
قال ادم بهمس : فعلا ملاك..
************************************
و عدا الليل و جيه صبح يوم جديد علي ابطالنا
و في شركة المرجان
كان قاعد بدر علي مكتبه بيشتغل كالعادة خبط الباب و دخلت السكرتيرة و قالت : بدر باشا في بنت برا و بتقول انها عايزة تقابل حضرتك
قال بدر : بنت ميت دي ... طيب دخليها
و بعد دقيقة
دخلت بنت لابسة ملابس فاضحة تظهر اكثر مما تخفي و حاطة ميكب كتير علي وجهها
قال بدر : ماهيتاب انتي جاية هنا ليه
قربت المدعوة مهيتاب بدلع و قالت : وحشتني قولت اجي اشوفك بدل ما انتي مش بتسأل يا وحش
قال بدر : الكلام ده مش هنا يا ماهي
قالت ماهي : طيب اعمل ايه يا بيبي منا مش بشوفك خالص و انت بطلت تيجي المكان بتاعنا
قال بدر : معلش يا روحي بس انتي عارفة ان ورايا شغل كتير ف مش بقدر اجي
قربت البنت منه جدا و قالت : طيب بقولك وحشتني
بلع بدر ريقه و قال : ماهي مش وقته النهاردة بليل هجيلك الشقة و نتكلم علي رواقه
بعدت ماهي و قالت : اوكي يا بيبي باي
قال بدر : باي
و اول ما ماهي طلعت من هنا دخل زين من هنا
و قال : البت دي كانت بتعمل ايه هنا يا بدر
قال بدر : مكنتش بتعمل حاجة يا زين
قال زين : انت ايه يابني حرام عليك كفاية اهمال في ربنا طب قولي لما تقابله هتقوله ايه هتقوله انا غلطت مع بنات كتير بعدد شعر راسي و كنت بشرب و بعمل كل اللي انت حرمته ولاهي العظيم حرام عليك
قال بدر : زين انت عارف من الأول ان انا كده و صاحبتني و انا كده و دخلت معايا في شراكة وشغل و انا كده ف متجيش دلوقتي و تقولي الكلمتين دول
قال زين : ماشي يا بدر اوعدك اني مش هجيب سيرة الموضوع ده تاني معاك لحد ما اشوف اخرتها ايه يا صاحبي
انا مروح قولت اقولك علشان تكون عارف
قال بدر : مروح ؟؟؟؟ طب ليه حصل حاجة
قال زين : لا مفيش بس قولت اريح من ضغط الشغل شوية
قال بدر : طيب ماشي و بليل نبقي نتكلم
مشي زين و ريح بدر دماغه علي كرسي مكتبه علشان يستعيد طاقته اللي استنزفها في الكلام مع زين
************************************
اما زين فروح لبيته و هو كان حاسس بصداع شديد و اول ما دخل من الباب استسلم للغمامه السوداء التي ظهرت أمامه اول ما الخدامة شافته كده جريت اتصلت ببدر و اول ما بدر رد
قالت الخدامة : بدر بيه الحقني
قال بدر : في ايه يا فاطمه
قالت المدعوة فاطمة : استاذ زين فاقد الوعي و مش عارفة في ايه
قام بدر من مكانه بسرعة و قال
_ فاطمة اطلبي له الدكتور و انا جايلك حالا
قالت فاطمة : حاضر يا بيه
أنت تقرأ
انتِ لي فقط
Romanceاحببت اثنين نعم اثنين الاول برغم قسوته الشديدة مع الجميع كان اكثر من حنين عليا و الثاني برغم معاملته السيئة الا انه كان يعمل كل ما في جهده ليفرحني لا اعلم من هو الذي امتلكني حبه الحقيقي فهل من الممكن أن يدق قلبي لهم الإثنان !! لا اعلم من هو الذي...