انتِ لي فقط

الفصل الثامن

و عند آدم و نور
كانوا وصلوا للمكان اللي قالوا لهم  عليه اسر معتز و اول ما نور شافت المكان شهقت و قالت : دي ديي دي....جزيررررة قال ادم : يخرب بيتك ايه صوتك ده و أيوة جزيرة هنقعد فيها فترة مؤقتة لحد ما اشوف ايه اللي هيحصل الفترة الجاية قالت نور : اه و هنام و ناكل فين يا استاذ غوريلا قال ادم متجاهلا اخر كلماتها امشي لقدام شوية و انتي هتعرفي و بعد شوية من المشي وقفت نور و بصت قدامها علي الشقة اللي كانت مقفوله بالشبابيك الشفافة قالت نور : وااااو شكل الايام الجاية دي هتبقي لوووز قال ادم : لا و انتي الصادقة دي هتبقي مراار و بعدها فتح باب الشقة و قال : خشي ياختي خشي و فعلا دخلت نور و بعدها دخل ادم بصت نور حواليها بانبهار من ديكور الشقة وقالت نور : الله بجد الديكور ده تحفة الواحد نفسه في الديكور ده لما يتجوز قال ادم : شكل الديكور بتاع الشقة عاجبك اوي قالت نور :  اوي اوي قال آدم : طيب يلا خشي غيري هدومك و بعدها اطلعي عشان تاكلي لأنك ماكلتيش حاجة من امبارح قالت نور : اغير ايه يا باشا انت خاطفني يعني اكيد مش معايا هدوم قال ادم و هو بيشاور علي أوضة من الاوض : أدخلي الأوضة اللي هناك دي هتلاقي هناك لبس حريمي  البسيه نور فكرت في حاجة و ادم لاحظها و عرف هي بتفكر في ايه فقال : مكناش بنجيب ستات البيت ولا حاجة عشان دماغك متروحش لبعيد احنا بس كنا بنبقي عاملين حسابنا في كل حاجة عشان لو اتحطينا في موقف زي ده قالت نور : اانت عرفت زي اني بفكر في كده ولا يا غوريلا انت مخاوي عفاريت قال ادم : بس يا مجنونة يلا ادخلي و فعلا دخلت نور و راح ادم المطبخ و بدأ يدور علي طعام عشان يعملوه لقي ورقة ملزوقه في التلاجه اخدها و قرأها و كان محتوي الورقة متقلقش جبنا ليك اكل جديد يكفيكم حوالي شهر و حطناه في التلاجه و روقنا البيت كده في السريع اي خدمة يا صاحبي و كان مكتوب في اخر الورقة من معتز ابتسم ادم علي اصدقائه و بعد بدأ في تحضير الطعام
************************************
اما عند ادهم و صحابه
كان سليم قاعد و سرحان فقاله ادهم : ما تهدي بقي يا سليم ما انت كلمتها و صحبتها قالت لك انها بخير قال سليم : مش عارف يا ادهم انا حاسس ان اختي مش كويسة بقولك يا ادهم انا عايز انزل مصر قال ادهم : مينفعش طبعا انت ناسي ان الثفقة الجديدة بكرة بليل قال سليم : طيب منا هروح اشوف اقرب طيارة رايحة  لمصر انشالله تكون دلوقتي هطمن علي اختي و هرجع علي الثفقة قال ادهم : اللي انت بتقوله ده مستحيل ده اصلا تعب جامد عليك حط سليم دماغه بين ايديه و هو حاسس ان قلبه واجعه جامد علي اخته طبطب ادهم عليه و قال : انشاء الله هتطلع كويسة و انت اللي قالق نفسك يا صاحبي قال سليم : يا رب يا ادهم يا رب يبقي كلامك صح و احساسي هو اللي غلط يا ررررب يزن حب يطلعهم من الجو ده فقال : يا عياااااال ادهم و سليم بخضه : في ايه قال يزن : مفيش كنت بجرب صوتي مش اكتر قال ادهم : اااه و كمل سليم : بتجرب صوتك و بعدها بق ادهم و سليم لبعض و بعدها بصو ليزن بشر بلع يزن ريقه و قال : ف في ايه انتو بتبصولي كده ليه و فجأة هجموا سليم و ادهم علي يزن و بدأو يزغزوه و قضوا وقتهم في الضحك
و عدا الوقت بدون اي احداث فات اسبوعين علي خطف نور و في يوم
كانت هند و يارا في المحاضرة و بعد ما خلصت كانوا طالعين لكن وقفهم صوت الدكتور و هو بيقول بعد اذنك يا انسة هند كنت عايزك في موضوع قالت هند : ايوه يا دكتور قال الدكتور : احم كنت محتاجك علي انفراد قالت يارا : طيب عن اذنكم انا هستناكي برة يا هند بس متتأخريش و طلعت يارا و قالت هند : اتفضل يا دكتور يوسف قال دكتور يوسف : انا كنت عايز رقم حد من عيلتك عشان اطلب ايدك قالت هند : اولا انا وحيدة و  اهلي متوفيين ثانيا انا اسفة بس انا مش بفكر في الجواز
دكتور يوسف : ايوه بس انا بحبك و لو وافقتي هثبتلك ده قالت هند : بعتذر لحضرتك مره تانية بس صدقني انا مش رافضة حضرتك انا رافضة فكرة الجواز نفسها بعد اذن حضرتك انا همشي عشان يارا منتظراني برة و طلعت هند و قال دكتور يوسف : كنت عارف انك هترفضي بس قلت اجرب كده بقي لازم اتجه للخطة اللي بعدها و بعدها كلم حد في التليفون و قال : نفذ اما عند هند فكانت طلعت و اول ما يارا شافتها قالت لها : ها الدكتور كان عايزك في ايه قالت هند : كان عايز يتجوزني و انا كالعادة رفضت قالت يارا يا بنتي حرام عليكي كل عريس يتقدملك ترفضيه انتي لحد دلوقتي متقدم ليكي 7 عرسان و انتي رافضاهم قالت هند : لان الرجالة كلهم صنف واحد و انا مش هتجوز و اعيش نفس حياة امي الله يرحمها يا يارا قالت يارا : صوابعك مش زي بعضها يا هند قالت هند : قفلي علي الموضوع يا يارا مش عايزة اتكلم قالت يارا : حاضر يا هند همشي وراكي لحد ما اشوف اخرتها معاكي ايه قالت هند بهزار : اخرتها معايا عسل يا عسل ضحكت يارا و بعدها مشيوا لكن و هما ماشيين وقف قدامهم 4 شباب
قال شاب رقم (1) : علي فين يا قمرات
قالت هند : و انت مالك يا شبح
قال شاب رقم (2) : ما براحة شوية يا قمر
احنا بندردش بس
قالت يارا : و انتو تعرفونا منين اصلا عشان
تدردشوا معانا
قال الشاب رقم (3) : و ماله نتعرف يا قطة
قالت هند : طب خد بالك بقي لان القطط بتخربش
قال شاب رقم (4) ببرود و بعض من التناكه :
في ايه يا بنات احنا كل اللي عايزينه ان احنا
نتعرف و بس
قالت يارا : تتعرفوا بس شفتي يا هند ادينا
ظلمناهم
هنا بقي شاب رقم (2) مسك ايد يارا و قال شفتي بقي يا قمر انتم ظلمنا ازاي
قالت هند بعصبية : اااه يا ابن ال.... انت ازاي
تمسكها كده و كادت تهجم عليه لكن منعها الشاب
رقم (1) و هو بيمسكها جامد و هي بتحاول الإفلات منه لكن بدون فائدة
لكن فجأة لقوا مازن اللي كان وشه لا بوحي بالخير ابدا اما مازن لما شاف الموقف ده كانت شياطين الدنيا كلها بتتنطط قدامه و بدأ يضرب الأربع شباب بكل وحشية و خاصة شاب رقم (1) لان طريقة مسكته لهند كانت قذره و خلت الدم يجري في عروقه اما يارا خافت من منظر اخوها مازن ف حضنتها هند عشان متشوفش اللي بيحصل و تخاف اكتر و بعد شوية كان خلص مازن ضرب فيهم لحد ما خلاهم يفقدوا الوعي قال سامر ليارا و هند : انتو كويسين حد من الكلاب دول عملكم حاجة هزوا الاتنين راسهم بلا ان محدش عملهم حاجة و بعد شوية من الوقت كان الكل في عربية مازن كان مازن بيسوق و هند و يارا قاعدين ورا و الهدوء كان سيد الموقف لحد ما وصلوا و خبطوا الباب فتحت سارة و قالت : ادخلوا يا حبايبي و عدا الوقت اكتر و كان الكل قاعدين مع بعض بعد ما يارا حكتلهم اللي حصل بإختصار قال قاسم : اهم حاجة انكم دلوقتي بخير يا حبايبي و انتو يا جميلة انتي و مريم هترجعوا الجامعة بتاعتكم من برة الدنيا مش هتقف علي حد حتي لو الحد ده بنتي كلنا زعلانين لكن مش هندمر احلامنا و نوقف مصالحنا يا بنتي و بعدين نور لو رجعت و لقت ان الدنيا بايظة بسببها هتزعل اوي قالت جميلة بحزن : ترجع بس يا عمو و علي العموم حاضر هنرجع قالت سارة طيب يلا يارا قومي ساعديني نحضر الأكل قال يارا حاضر يا ماما قالت جميلة و انا هدخل لمريم اصحيها لانها لسه نايمة و قال قاسم : و انا نازل اجيب حاجة من تحت و جاي قالت هند لمازن : مازن شكرا ليك علي مساعدتك ليا النهاردة قال مازن : متشكرنيش يا هبلة انتي زي يارا
هنا في اللحظة دي اضايق مازن و هند بعد ما مازن قال كده و مش عارفين  ايه السبب قالت هند بحزن : تعرف ان انا لو كنت اتعرضت في موقف زي ده و انت و يارا مكنتوش معايا كنت انا اللي هدافع عن نفسي لأني مكنتش هلاقي اللي يدافع عني و فجأة دمعة عرفت طريق خدودها لكن هي مسحتها بسرعة و قال مازن : طيب و ليه بتفترضي يا بنت الحلال طالما محصلش و انا و يارا معاكي ده انتي غريبة ابتسمت هند علي كلامه و بعدها الباب خبط و كانت هند هتقوم عشان تفتح قال لها مازن : خليكي قاعدة انا هقوم افتح ده تلاقيه بابا و قام مازن فتح الباب و اتصدم قال اللي كان علي الباب : هااااي
قال مازن بصدمة : ش شيرين
......يتبع
************************************
رواية : انتِ لي فقط
بقلم : Golia
************************************
و بكده خلص فصلنا متنسوش تعملوا فوت للرواية و تكتبولي تعليق فيه رأيكم و توقعاتكم و انتظروا الفصل التاسع انشاء الله يوم الخميس الساعة 9 مساءا يلا اشوفكم علي خير سلااام (ملحوظة) بحبكم ❤