انتِ لي فقط

الفصل الثامن عشر ( سرطان )

اخد بدر و زين نتيجة التحاليل و راحوا للدكتور
مد بدر ايده للدكتور بالتحاليل و قال : اتفضل يا دكتور نتيجة التحاليل طمنا زين عنده ايه
مسك الدكتور التحاليل و بص فيها و ظهر علي معالم وجهه الصدمة و قال : أنا لما كشفت علي زين باشا شكيت لكن بعد التحاليل اللي قدامي دي أقدر اقولكم أن للأسف الشديد أستاذ زين عنده سرطان في الدم و واصل لمرحلة خطيرة جدا
صدمة حلت علي زين و بدر و محدش مستوعب إللي اتقال و بعد دقيقة قال بدر و هو بيضحك : أكيد ده مقلب و أنت دلوقتى يا دكتور هتقول أنك كنت بتهزر وأن زين كويس و مفيش حاجة من الكلام ده
قالت الدكتور : كان نفسي اقول لحضرتك كده بس للأسف دي حقيقة
قام بدر و مسك الدكتور من هدومه و هو بيقول
: لا مش حقيقه أنت كداب كداب أنا هعمله تحاليل في مستشفى أحسن من دي بميت مره و هثبتلك أنك كداب
هنا زين بدأ يستوعب إللي بيحصل قام من مكانه و بعد بدر عن الدكتور و قال : أنا متأسف يا دكتور علي تصرف بدر
قال الدكتور : لا ولا يهمك أنا مقدر حالته
قال زين : طيب أنا كده مطلوب مني إيه يا دكتور
قال الدكتور : هتعمل عمليه جراحية و ده هيبقى الحل الوحيد اللي ممكن ننقذك بيه بس للأسف في بمرحلتك دي نسبه نجاح العملية هتبقي قليله جدا دي تكاد تكون معدومة
قال زين : نسبه نجاحها كام يا دكتور
قال الدكتور: تقريباً ٢٠٪
قال زين : تمام و أنا هعمل العملية
قال الدكتور : تمام بس قبل العملية هتاخد جرعة كيماوي لأن جسمك هيبقي محتاجها
قال زين : تمام يا دكتور شكرا لحضرتك
كل ده و بدر واقف ساكت
اخد زين بدر و طلعوا من المستشفي و ركبوا العربيه في سكوت تام
قاطع السكوت ده نبرة بدر الضعيفة و هو بيقول
س سرطان أنت عندك سرطان يا زين هتسيبني لوحدي يا زين طب ليه أنا زعلتك في حاجة طيب
زين لما شاف بدر في الحالة دي غصب عنه دموعه نزلت من عينيه و مسك أيد بدر و قال : متخافش يلا مش هسيبك وحدك أنت بس متفولش عليا و بعدين أنا كويس و زي القطط بسبع أرواح هاخد الكيماوي و أعمل العملية و اخف و أرجع ازهقك من تاني
قال بدر بدموع : زهقني زي ما أنت عايز بس متسبنيش
حضنوا الاثنين بعض بكل حب أخوي 🥹🥹
***********************************
عدا يومين بدون أي جديد
و في المستشفي و تحديداً في غرفه مازن كان الكل قاعد معاه فقال هو جماعة أنا دلوقتى كويس و كل اللي محتاجه اني أخرج من هنا
قال قاسم: لا يا مازن مفيش خروج من المستشفى غير لما الدكتور يكتب لك بنفسه علي خروج
قال مازن : طب اسألوا الدكتور و شوفوه هيقول ايه
قال قاسم : لا يعني لأ يا مازن
قالت اوليفيا : ماذا بك يا رجل هم قلقون عليك
قالت يارا بضحك : ساعات بحس أن البت دي روبوت
قالت اوليفيا : اتقصديني أنا
قالت يارا : لا يا حبيبتي ده أنا بتكلم علي واحدة كده أعرفه
كتموا جميله و مريم ضحكتهم و قال مازن : أنا عارف يا اوليفيا أنهم خايفين عليا بس أنا بتخنق من قعده المستشفيات و أنا قاعد فيها بقالي يومين ده كده إنجاز
قالت جميلة : مش أنت لوحدك يا مازن اللي مبتحبش قعده المستشفيات كلنا كده
قال مازن : طب طالما كلكم كده ساعدي اخوكي في الله و اقنعي قبيلة قريش اللي قاعدين دول بإني أخرج
قال قاسم : لو هتخرج يبقي بشرط
قال مازن: أنت تؤمر و أنا أنفذ يا حج
قال قاسم : هتقعد في البيت لحد ما تتعافي و مش هتعمل ايه مجهود فاهم
قال مازن بفرحة : فاهم فاهم فاهم يا حج
قالت يارا : اخيرا يا جدع هتخرج
قال مازن : شفتي
قالت جميلة: و من هنا نتعلم أننا منفكرش تاني بعد كده أننا نغير جو
قالت مريم و يارا في وقت واحد : حصل
ضحك الكل لكن قاطع ضحكهم دخول شيرين إللي قربت من مازن و قالت: قلي يا مازن أخبارك إيه النهاردة أنت بخير
قالت يارا بصوت واطي : قلي يا مازن اخبارك إيه النهاردة أنت بخير نينينينيني
ضحكت مريم لأنها سمعتها و ضربتها في دراعها ة قالت : اهدي شويه علشان عمو قاسم ميزعلش
قالت يارا بغيظ: اديني هديت لما أشوف اخرتها مع شيرين بنزين دي
قال مازن: أنا كويس يا شيرين متقلقيش
قالت شيرين: مقلقش إزاي بس أنا لة مقلقتش عليك هقلق علي مين يعني
" تقلقي عليا انا " نطقت بها يارا بغيظ
فنظر الجميع إليها بإستغراب
فقالت يارا مكمله كلامها : اقلقي عليا أنا علشان بطني وجعاني من الصبح
قالت شيرين: أها ألف سلامة عليكي يا قلبي
قالت يارا في سرها : جاتك ضربه في قلبك
قالت شيرين : بتقولي حاجه يا يارا
قالت يارا : بقولك الله يسلمك يا روحي
قال قاسم : مالك يا هند يا بنتي ساكته مبتتكلميش ليه
قالت هند : هتكلم اقول إيه بس يا عمو
قالت يارا : تقولي أهلا تقولي ألو تقولي بأي قولي أي بتنجان شاركينا الرأي في أي حاجة
قالت هند : بس أنا معنديش حاجة أقولها
قالت شيرين : ما خلاص يا جماعة يا قالت مش عايزه تتكلم براحتها
بصو البنات ليها بغيظ
لكن اتكلمت اوليفيا و قالت :  هم يريدونها أن تتحدث معهم و أنتي ليس لكي شأن في ذلك
قالت يارا بصوت عالي: بووووم في منتصف الجبهة
قالت شيرين بعصبية: أنتي إزاي تكلميني كده يا بتاعه أنتي مش كفاية أن إحنا أصلا مقعدينك عندنا و إحنا منعرفش أنتي مين و الله تعلم جايه منين أنتي أصلا اللي المفروض ملكيش دعوة بأي حاجة بتحصل هنا
تحجرت الدموع في عين اوليفيا فقامت من مكانها و قالت : سأذهب لأشتري شئ وداعاً
و خرجت اوليفيا
و قامت يارا من مكانها و وقفت قدام شيرين و قالت
_ أنتي اتجننتي أنتي إزاي تكلميها كده هي تدخل براحتها إنما أنتي لأ+ أن البيت مش بيتك علشان تقوليلها تقعد ولا متقعدش أصحاب البيت محدودين فاهمه يا قطه ولا لأ
قال قاسم بحزم : يارا
قالت يارا: بابا حضرتك شوفت إللي حصل و حضرتك ربتني مسكتش علي الغلط و لما حد يطرد ضيفه من بيتنا يبقي لازم اتكلم مسكتش
قالت جميلة : يارا أهدي
قالت يارا: انتو مش شايفين أسلوبها المستفز يا جميلة
قالت شيرين: أنا مسمحلكيش
قالت يارا: أنتي تخسري
كانت شيرين لسه هترد عليها لكن قاطعها صوت قاسم الي قال : بااااااس إيه محدش مالي عينك أنتي و هي مسمعش ولا حرف سواء منك ولا منها
سكتوا الاتنين و مرت دقائق و الباب خبط و بعدها دخلت منه اوليفيا و عيناها حمراء عندما الكل رآها هكذا شعروا نحوها بالشفقة ماعدا شخص واحد اكيد كلنا عارفينه ( شيرين بنزين ) 😂😂
مسكت اوليفيا شنطتها من جنب مريم و قالت
أشكركم جميعاً علي وقوفكم جميعاً معي و لكن إلي هذا الحد ستنتهي مهمتكم أنا سأبحث عن عائلتي بنفسي و سأجدهم حقا اليومين الذي قضيتهم معكم شعرت بأجواء لطيفه رغم كل ما حدث وداعاً يا فتايات وداعاً يا سيد قاسم وداعا يا سيده ساره وداعاً سيد مازن و حمدا لله علي سلامتك
و كانت لسه هتتحرك بس قال مازن : طب إزاي حبتينا و ازاي عايزه تسيبينا لو علي أهلك ف أنا وعدتك إني هدورلك عليهم و إنشاءالله الاقيهملك
قالت يارا : اوليفيا إحنا حبناكي جدآ و مش عايزينك تمشي خليكي معانا لحد ما مازن و بابا يلاقوا أهلك
قالت جميلة : خليكي يا اوليفيا
و في الوقت ده طلعت سارة من جيبها ورقه و كتبت فيها حاجة و اديتها لقاسم و هو قرأها و استغرب جدآ و لكنه بعدها أدخل في الحوار و قال :
و لو علي اللي حصل ف شيرين قلبها طيب و متقصدش إللي قالته و علشان اثبتلك كلامي شيرين هتعتزرلك حالا
قالت شيرين : لأ يا عم...
قاطعها قاسم و قال بحزم: اعتذري يا شيرين
قالت شيرين بغيظ : Sorry
قالت اوليفيا: اسفك مقبول و أنا قررت أنني لم أذهب و اترككم يا بنات قالوا كلهم في صوت واحد : هيييييييي
ضحك الكل و قال مازن : يا جدعان أنا عايز أخرج
قال قاسم: ما قولنا حاضر اتهد بقي
و فعلاً مازن استأذن الدكتور أنه يخرج و اتكتبله علي إذن خروج و خرج من المستشفى و ركبوا كلهم عربيتهم في طريقهم للعودة إلي القاهرة بعد ما قرروا أنهم مش هيقعدوا اكتر من كده علشان متحصلش حاجة تاني
************************************
و عند نور و آدم
كانت نائمة نور بكل سكينه لكن قطع نومها ده صوت الباب و هو بيخبط و من وراه صوت آدم إللي بيقول
_ نور .. يا نور اصحي
قالت نور بنعاس: ياراااااا أنا عايزة انام سيبني في حالي أنا سهرانه طول الليل في المذاكرة
فتح آدم الباب و لقاها مغمضة عينيها فقال بإستغراب
: يارا مين يا نور قومي بس
قالت نور : مازن سيبني في حالي الله يخليك مهو أنا مش أخلص من يارا تطلعي أنت
رفع آدم حاجبه و قال بهمس: مازن
و بعدها صوت علي و قال : نوووور
قامت نور و نطت من مكانها و قالت: ايه في إيه الهكسوس احتلوا البلد ولا لسه
قال آدم : مين مازن ده
قالت نور بعدم استيعاب : مازن مين
قال آدم بعصبية : أنا اللي بسأل
نور بعد ما استوعبت هي مين و هو مين و هما فين قالت : هو في إيه
قال آدم: اخلصي و قولي مين مازن ده
قالت نور : مازن.. مازن ده اخويا الكبير
سكنت ملامح آدم فهو يعرف أن لديها أخ و لكن لم يكن يعلم إسمه
قالت نور : بس ليه بتسأل و أنت تعرف مازن منين يا آدم
قال آدم : لا مفيش عموماً صباح الفل عليكي و سكت لدقيقة و بعدها كمل بابتسامة و قال: و يلا علشان تفطري عملتلك الفطار اغسلي وشك و غيري هدومك بسرعه علشان الأكل ميبردش
و بعدها طلع آدم تاركها تنظر لها ببلاهه
قالت نور : و ربنا منفصم
             **********************
و بعد شويه
نزلت نور و قعدوا ياكلوا
قالت نور : الفطار طعمه تحفة لا بصراحة طبخك جامد حاجة يعني فآخر من الآخر
قال آدم : طب كلي يا لمضه بس متتعوديش علي كده أنتي اللي هتطبخيلنا من هنا و رايح
بلعت نور ريقها و قالت : أنت بتكلمني أنا
قال آدم : هو في حد غيرنا موجود في الشقة
قالت نور : يبقي بتكلمني أنا أحب اقولكم أنك كده لبست في حيطه و إحنا الاثنين رحنا في داهيه
قال آدم : يعني إيه مش فاهم
قالت نور : متاخدش في بالك بس كنت عايزه أسألك سؤال
قال آدم : اسألي
قالت نور : هو أنت ليه مشيت الخدامه
قال آدم : لأنها ممكن تكون حد تبع أعدائي و أنا أعدائي كتير و هي ممكن تأذيكي أو تأذيني في أي لحظة
قالت نور: ماشي اشطا بما أننا خلصنا أكل و أنت يا عيني إللي عملت الأكل ف هتكرم أنا و أغسل المواعين و اعملنا كوبايتين شاي
قال آدم : ماشي مستنيكي
دخلت نور المطبخ و غسلت المواعين و عملت الشاي لكن و هي بتصبه وقع علي أيديها صرخت بألم
و أول ما آدم سمعها قام بسرعه و جري عليها و قال : نور مالك في إيه
قالت نور : الشاي وقع علي أيدي
قال آدم : طب تعالى احطلك كريم مرطب
و فعلاً طلعوا الاتنين من المطبخ و قعدت نور علي الكنبه و آدم قدامها بس علي الأرض
مسك أيديها و حطلها المرطب و بدأ يدعكه علي أيديها براحة
تحت نظراتها لي كانت بتبص له و بتفكر: مالك يا نور ايه إللي حصلك أنتي اتغيرتي كتير و أنتي معاه متنسيش أن هو خاطفك من أهلك من ابوكي و اخوكي و امك و اختك و صحابك و جامعتك اوعي تنسي يا نور
أما آدم ف خس بحاجة غريبة ف رفع وشه لنور لقاها بتبصله ف تاه في عيونها
(طب نسيبهم في جو النظرات ده و نروح لمكان تاني)
************************************
و في فيلا كبيرة
كان قاعد فيها كمال الشناوي و هو بيقول : هربت بنت ال*** بس ولاهي مهسيبها ولا هي ولا آدم و أصحابه هقضي عليهم قريب زي ما قضيت عليهم كلهم و بدأ يضحك بهيستيريا لحد ما جاله مكالمة تليفون رد و قال : ايوا يا زفت عملتوا إيه في الصفقه
قال المتصل: الحق يا باشا الصفقة اتبلغ عنها و البوليس هجم علينا وقت التسليم و بالعافية عرفنا نهرب
قال كمال بعصبية : يعني ايييه.... اقفلللل
و بعدها رمي الموبايل و هو بيقول : مين اللي لي مصلحه في التبليغ عن الصفقة آدم ميعرفش عن الصفقة دي حاجة يبقي مين اللي عمل كده
                 ★★★★★★★★★★★
و في الوقت ده
في المخزن المهجور
كان قاعد الشخصين المجهولين
قال الشخص رقم (١) : عملت اللي قولتلك عليه
قال الشخص رقم (٢) : تم و بلغت له عن البضاعة زي ما أمرت
قال الشخص رقم (١) : تمام أوي كده لما نشوف يا كمال يا شناوي مين فينا اللي هيضحك في الاخر
....يتبع
************************************
رواية: أنتِ لي فقط
بقلمي : Golia ( الكاتبة المتألقة )
************************************
و بكده يكون خلص فصلنا يا رب يكون نال اعجابكم متنسوش تعملوا للفصل فوت و تعليق حلو فيه توقعاتكم يا تري مين الشخصين المجهولين و هل اوليفيا ليها دور مهم في الرواية ولا لأ و يا تري زين هيعيش ولا هيموت كل ده عايزة ردكم عليه في الكومنتات و انشاء الله مواعيد روايتنا يوم آه و يوم لأ الساعة ١٠ مساءاً و نفس الكلام في روايه قوه خارقه هينزل جزء بكره و من بعدها هيبقي يوم آه و يوم لأ الساعة ٧ مساءا يلا اشوفكم علي خير سلااام
( ملحوظة) بحبكم ♥️♥️