انتِ لي فقط

الفصل التاسع

و بعدها الباب خبط و كانت هند هتقوم تفتح
فقال مازن : خليكي انا هقوم افتح ده تلاقيه
بابا و فعلا قام مازن و فتح الباب و اتصدم من
اللي واقف
قال مازن بصدمة : ش شيرين
قالت المدعوة شيرين : هاااي
قال مازن : از ازيك يا شيرين عاملة ايه
قالت شيرين : انا كويسة يا مازن ايه هفضل واقفة
بره كده كتير
قال مازن : لا اكيد اتفضلي يا شيرين
و فعلا دخلت شيرين و قالت هند بإستغراب
هند : مين دي يا مازن
شيرين : انا ابقي شيرين محمود عز الدين بنت عم مازن انتي بقي مين و ازاي بتقولي لمازن اسمه من غير القاب
كانت هند لسه هتتكلم لكن قاطعتها سارة و هي بتقول : فيه يا أولا... ايه ده شيرين
قالت شيرين : ازيك يا انطي
قالت سارة بسخرية : انا كويسة يا شيرين يا بنتي انتي عاملة ايه
قالت شيرين : انا تمام مقولتلوليش بردو مين دي
و اشارت علي هند
قالت الام : دي هند صاحبة يارا دي بالنسبالي زي يارا و نور
شيرين بصت لهند من فوق لتحت و بعدها قالت : اه ماشي
قالت هند بإحراج من نظرات شيرين : احم انا همشي انا يا طنط سارة عشان ورايا مذاكرة ضروري
قالت سارة : علي فين يا هند انتي هتباتي معانا النهاردة
قالت هند : اسفة يا طنط بس لو قعدت اكتر من كده يبقي معنديش دم و كمان انتم عندكم ضيوف و ...
مكملتش كلامها لما سارة مشيت و هي داخلة المطبخ و بتقول : روحي أوضتك و هبعتلك البنات عشان تقعدوا تذاكر مع بعض
ضحكت هند بخفة و هي بتقول : سارة هي سارة مهما حصل
ضحك مازن علي كلامها و قال : حصل يا بنتي ولاهي
قالت هند : طب بعد اذنك يا مازن هدخل انا للبنات
و لما يارا تطلع ابقي قولها اني مع مريم و جميلة في أوضة نور
قال مازن : من عينيا الاتنين يا هند
و دخلت هند اما شيرين قالت : مازن هي ليه بتقولك كده يا مازن عادي حتي لو هي صاحبة اختك يعني المفروض تقولك استاذ مازن علي الأقل
قال مازن : هند صاحبة يارا و نور من زمان و كانت علي طول بتيجي عندنا و ماما و بابا بيحبوها و هي صديقة ليا برضو ف هتلاقيها مقربة لينا اوي
قال له شيرين : اه ماشي المهم فين اوضتي
قال مازن :  هو انتي صحيح هو انتي ايه اللي جابك هنا قصدي يعني بتعملي ايه قص...
قاطعته شيرين و هي بتقول : انا فاهمة قصدك بس لما الكل يبقي موجود هتعرف و يلا بقي عشان عايزة ارتاح شاور مازن علي غرفة
و قال :  دي أوضة الضيوف تقدري ترتاحي فيها حاليا
و دخلت شيرين و قعدت علي السرير و بدأت تفكر و تقول : امممم شكل اللي اسمها هند دي هتبقي عقبة قدامي في اللي جاية اعمله بس مش مشكلة لو قابلتني هشيلها من طريقي بكل سهولة 😈😈
(و بصفتي الكاتبة ف بقولكم ان اللي جاي مش خير ابدا 😶)
و عند سارة
كانت دخلت المطبخ و هي بتقول : ده الايام اللي جاية شكلها هتبقي مرار طافح قالت يارا اللي كانت بتقطع السلطة
يارا : مالك بس يا نبع الحنان كله داخله بتكلمي نفسك ليه
قالت الام : شيرين بنت عمك
قالت يارا :  اعوذ بالله من غضب الله يا ستار يا رب مالها ؟؟؟
قالت الأم : جات من شوية و قاعدة برة
قالت يارا بصدمة و فزع : ايييييه
قالت الأم : في ايه يا بنت الملبوسه
قالت يارا : شيرين عندنا ده حصل ازاي
قالت الأم : معرفش اهو اللي حصل
قالت يارا : و ربنا البت دي معندهاش كرامة هي عارفة ان ولا انا ولا انتي ولا نور بيحبها حتي سامر مش بيطيقها بس بيعاملها بإحترام و بابا اللي بيحبها عشان من ريحة عمو محمود الله يرحمه
قالت الأم : عيب يا يارا الكلام ده
قالت يارا : بلا عيب بلا بتنجان
قالت الأم : طب بقولك روحي لهند هي مستنياكي في أوضة البنات
قالت يارا : ماشي يا ست الكل محتاجة مني اي حاجة تانية
قالت الأم : لا يا حبيبتي روحي
توضيح
_______________________________________
في منكم ممكن يستغرب إن المفروض شيرين راجعة من السفر يعني سارة تقعد معاها مش تسيبها و تدخل االمطبخ تكمل اللي بتعمله عادي ولا كإن حد جيه بس هما متعودين علي كده ده غير ان علاقتهم مش قوية ف عادي بالنسبة لهم بس كده انا بس حبيت اوضح النقطة دي و اسفة للمقاطعة
************************************و عدا الوقت و بقت الساعة 7 مساءا
و عند نور و ادم
كانت نور في اوضتها قاعدة بتفكر و بتقول :
يا تري الايام ناوية لي علي ايه بقالي اسبوعين
مع ادم و مش عارفة هرجع لحياتي و جامعتي
و جنوني و صحابي و اهلي و كل ده امتي
اوووف انا لازم اشوف حد للي بيحصل ده عشان
بجد تعبت و قاطعها صوت الباب اللي بيخبط و ادم
بيقول : نور بت يا نور انتي كويسة من الصبح في أوضتك مطلعتيش منها
قالت نور : عادي يا غوريلا بيه مكسله اقوم اقعد برة
قال ادم : طيب قومي يا كسلانه تعالي اقعد معايا برة
قالت نور : طيب حاضر خارجة و فعلا خرجت
فقال ادم بهزار : طمنتيني ده انا قلقت عليكي و قولت احسن تكون انتحرت و قطعت شريانها و نكون خلصنا منها
شهقت نور و قالت : انشالله عدويني اللي اسمهم غوريلا يا رب
ضحك ادم عليها و بعدها قعدوا و اتكلم ادم بجدية
و قال : مالك يا نور حاسس ان فيكي حاجة مش
طبيعية النهاردة و بعدين ايه اللي خلاكي قاعدة طول اليوم في أوضتك
ادم افتكرها هتكذب لكن اتصدم لما قالت له :
نور : كنت قاعدة بفكر في مستقبلي ادم هو انا ممكن اسألك سؤال
قال ادم : اولا إن قولتي ادم تاني هزعلك قوليلي غوريلا زي كل مرة ثانيا اتفضلي اسألي
قالت نور : انا هرجع لأهلي امتي
هنا ادم حس بالغضب الشديد و ببعض من الرعب و هنعرف سببه بعدين
قال ادم : ليه السؤال
قالت نور و الدموع متحجره في عنيها :
ليه بجد ايه السؤال ده بس انا هجاوبك عشان وحشني اهلي و وحشني صحابي اللي انا.متأكدة انهم دلوقتي هيتجننوا عليا عايز تعرف ليه يا استاذ ادم عشان وحشني جامعتي و مشاغبتي الدكاترة عايز تعرف ليه عشان وحشني مرحي مع طلاب الجامعة عشان كل ده وحشني و انت بكل ببساطة بتسأل ولا أكنك خاطفني
قال ادم : ممكن متعيطيش
انهارت نور في البكاء و هي بتقول : يا أخي سبني في حالي و انهارت في البكاء اكثر و اكثر
اما عن ادم ف اما شاف دموعها مقدرش يتحمل و قام قرب منها و ضمها لحضنه بقوة
و هي اتصدمت من فعلته دي و مش مصدقة اللي حصل معقول للتو هو حضنها بعدته عنها بقوة و بعدها ضربته بالقلم اما هو كان بيحاول يستوعب اللي هي عملته و بعد ما استوعب وجهه احمر بشدة و بص لنور بشر و بعدها مسكها من شعرها و قال : انا هدفعك تمن القلم ده غالي اوي يا بنت ال.....
قالت نور بصراخ : اااااه شعري ابعد عني و سيبني
رماها ادم علي الارض بقوة و بعدها خرج و رزع الباب بقوة و قفل عليها بالمفتاح اما هي ف فضلت تبكي
و في الصباح
فتح ادم الشقة و دخل لقي نور نايمة مكان ما سبها اما هي اول ما دخل حست بيه و بعدها قامت و هي بصاله بعتاب شديد
و قال ادم ببرود و جمود شديد : اجهزي عشان هرجعك لأهلك
.....يتبع
************************************
رواية : انتِ لي فقط
بقلم : Golia
************************************
و بكده بكون خلص فصلنا منتظرة منكم فوت و عندي امل الاقي و لو تعليق واحد بيقول رأيه في الرواية 😢 انشاء الله الفصل اللي جاي يوم السبت الساعة 4 عصرا يلا اشوفكم علي خير سلااام
(ملحوظة) بحبكم ❤