مرت الساعات و في بيت نور كان الكل قاعدين و قلقانين لان من سعت ما نور خرجت الصبح بدري مرجعتش و لا حتي اتصلت تبلغهم انها هتتأخر ده غير ان تلفونها هي و صحابها غير متاح قالت يارا : انشاء الله هتبقي كويسة يا ماما و ميكونش في حاجة وحشة و قالت هند اللي عرفت من يارا انهم قلقانين علي نور لان مفيش أي اخبار عنها من الصبح جات علي طول : اهدي يا طنط هتبقي بخير بس اهدي انتي قالت الام : مش قادرة انا حاسة ان بنتي فيها حاجة قال الأب : اهدي بس و انشاء الله كله خير بلاش بس تقلقينا و تقلقي نفسك و قال سامر : اهدي يا ماما و كل حاجة هتبقي علي ما يرام بإذن الله و بعد شوية الباب خبط و يارا جريت عليه وفتحته علي أمل انها تكون نور و اول ما فتحت الباب ابتسمت بسعادة لما شافت جميلة و مريم لكن اختفت ابتسامتها و هي شايفاهم بيعيطوا و مش شايفة نور معاهم و قلقت و قالت بصعوبة : نور فين يا جميلة انتي و مريم جميلة كانت دموعها بتنزل وحدة تلو الاخري بهدوء و هي شاردة في اللا شئ لكن مريم كانت بتعيط بقهرة و صوت عالي وقالت : نور خطفوها خطفوها قدام عنينا و معرفناش نعملها حاجة و اول ما الكل سمعها قاموا وقفوا من مكانهم و صرخت سارة بقهر و قالت : بنتي انا كنت حاسة انها مش بخير اااااااااه يا بنتتتتتتتتتتي ااااااااااه اما قاسم ( الأب ) و مازن كانوا متلجمين من الصدمة يارا بدأت تصرخ بهستيرية و هي مش مستوعبه ان اختها و امها و صديقتها و جدتها و كل ما ليها اتخطفت اما هند جريت علي يارا و هي دموعها بتنزل علي صحبتها و علي سارة اللي زي امها و علي نور اللي كانت و نعمة الاخت ليها ************************************ و في مكان تاني (في قصر كبير )
و هو قصر ادم المنشاوي و في غرفة من الغرف كانت نور بدأت تفوق و لما فاقت لقت نفسها في غرفة غريبة معظمها باللون الأسود و الأبيض و بدأت تقول : انا فين و ايه اللي جابني هنا قامت من مكانها و حاولت تفتح الباب لكنه كان مقفول و بدأت نور تخبط علي باب الغرفة بعنف و هي بتقول : انتوا ياللي هنا حد يفتح الباب ده . انتوا ياللي هنا فهموني انا بعمل ايه في المكان ده اما بالخارج حول سفرة الطعام كان يجلسون ادم و معتز و اسر و بيتناولوا الطعام بهدوء و فجأة سمعوا صوت نور العالي اللي جاي من فوق قال ادم : الأستاذة فاقت قال معتز : آدم براحة عليها هي ملهاش ذنب في كل اللي بيحصل ده قال اسر : اااه لو تفهموني قصدكم ايه و جايبين البنت دي هنا ليه قال معتز : هتفهم كل حاجة يا اسر بس مش دلوقتي قال اسر : امال امتي ؟؟؟؟؟ رد ادم و قال : في الوقت المناسب يلا هسيبكم و اطلعلها و اسكتها و بالمرة اتسلي شوية سلام قال اسر و معتز في صوت واحد : سلام يا كبير نرجع تاني عند نور اللي ما بطلتش خبط و زعيق و فجأة حست ان اكرة الباب بتتحرك فبعدت شوية و الباب اتفتح و دخل هو بهيبته و قوته و جسده المنحوت و عيونه السوداء نور للحظة خافت من شكله اللي باين علي الجبروت و الهيبة لكن مهمهاش كل ده و قالت بقوة : انت مين و عايز مني ايه قعد ادم علي كرسي كان موجود و قال ببرود : انتي اللي عايزاني مش انا اللي عايزك قالت نور : و انا مش عايزة منك حاجة ممكن بقي امشي قال ادم : مش بالسهولة دي و بعدين زي ما قولتلك انتي محتجاني قالت نور بعصبية : و انا مش محتاجة ليك في حاجة قال ادم : لو مش محتجاني دلوقتي هتحاجي لي بعدين و بعدين ده هيبقي قريب اوي قالت نور : الظاهر كده انك إنسان مختل او في حاجة غلط في قواك العقلية صح و بعدها زقته و طلعت من الغرفة اللي كان باباها مفتوح لكن اول ما خطت اول سلمة من السلالم لقت حوالي 10 رجالة رافعين عليها مسدسات نزلت خطوة تانية و لقت حد من العشر رجالة طلق طلقة عدت من جنبها بالظبط و بعدها سمعت صوته و هو بيقول : تؤ تؤ تؤ ارجعي احسن لك بدل ما المرة الجاية الطلقة تبقي في دماغك لفت نور و دخلت الأوضة و وقفت قدامه و هي بتنظر ليه بغضب اما هو قالها : انا ماشي لكن راجعلك تاني يا قطة تشاو و طلع من الغرفة و قفلها عليها و هي قالت : يا لهوي عليا و علي اللي حوليا الطم ولا اجيب لطامة انا كده مخطوفة رسمي فهمي نظمي بس انا مش فاهمة برضو الحيوان ده قصده ايه بإني محتاجة له و ده كله كوم و انه ملون الأوضة اسود و ابيض ابن الكئيبة ده كوم تاني لما اقوم استكشف الأوضة أصلي شكلي مطولة هنا ************************************ و في بيت نور
كانوا كلهم بيموتوا من الرعب علي نور و كان حالهم كالآتي كانت الأم قاعدة بتبكي بحرقة شديدة اما الاب و سامر كانوا نزلوا راحوا القسم يبلغوا اما يارا كانت بتخرف و بتقول كلام مش مفهوم و هند حزينة علي الوجع اللي دخل بيتهم فجأة ده جميلة و مريم كانوا دخلوا غرفة نور . مريم كانت بتتفحص اشياء نور بدموع اما جميلة كانت جالسة علي سرير نور و بتقرأ الجواب اللي لقوه جنبهم لما فاقوا من المخدر كانت بتقرأه للمرة العاشرة و دموعها بتنزل بوجع و كان المكتوب في الجواب كالآتي : احنا اخدنا صحبتكم لفترة غير محدودة اصلنا محتاجنها في كذا حاجة كده انتو بقا عليكم تنتظروها يا هترجع يا مش هترجع بس اوعوا تقلقو هي في الحفظ و الصون يلا تشاااااو . بكت جميلة اكتر و اكتر و هي مش قادرة تصدق انها احتمال متشوفش صحبتها تاني الفكرة نفسها بتخليها منهارة اما مريم و هي بتقلب في حاجة نور لقت صندوق متزين بطريقة حلوة اوي مسكته و حطته قدام جميلة و قعدت و بقي هما الاتنين قاعدين قدام بعض و بينهم الصندوق جميلة مدت ايديها و فتحت الصندوق و طلعت منه اول حاجة قابلتها و كان جواب مزين قالت مريم بدموع : ده ده الجواب اللي ادتهولها هدية في عيد ميلادها ال 18 لما الفلوس وقعت مني و ممعرفتش اجيب لها هديه كويسة و بعدها طلعوا حاجة تانية و كانت شنطة باللون الأبيض جميلة افتكرت الشنطة دي كويس لانها هي اللي جبتها لنور هدية لما نجحت في بطولة الكراتيه بتاعتها جميلة طلعت شي كمان و كان دفتر جميل مكتوب عليه مذكراتي و اسم نور قاسم عز الدين مريم بعدت الصندوق و قعدت جنب جميلة و جميلة فتحت الدفتر و بدأت تقرأ اول صفحة و كان مكتوب فيها : انا نور قاسم عز الدين عندي 15 سنة بحب اهلي جدا لكن انا حابة اتكلم عن ناس كده لو فضلت اتكلم عليهم من هنا لحد ما اموت مش هكفيهم حقهم دول هما السند و الضهر ليا في كل موقف كانوا بيبقوا معايا عمرهم ما سبوني لوحدي في ضيقة كانوا هما مصدر تشجيعي في كل خطوة في حياتي مصايبنا و مقالبنا كلها سوا مع بعض علي الحلوة و علي المره لو طلبت مساعدة من حد بيبقوا هما اول ناس جانبي و لو اتألمت في يوم بيدوروا علي سبب الألم و بيقضوا عليه هما اجدع ناس في الدنيا و الناس دول يبقوا اصحابي مريم و جميلة احنا التلاتة مثلث لو ضلع من أضلاع المثلث مبقاش موجود يبقي المثلث باظ احنا المثلث المجنون يعني حياتنا جنان × جنان اتمني لو الصداقة دي تقوي اكتر و اكتر و تدم للأبد جميلة قلبت اكتر و لقت صور كتير ليهم سوء تغفيلات او غيرها و كلام كتير اوي عنهم قفلت جميلة المذكرات و اخذت مريم في حضنها و بدأو يعيطو بشدة علي صحبتهم و بيدعوا انها ترجع ليهم بالسلامة ************************************ رواية : انت لي فقط بقلم : Golia ************************************ و بكده فصلنا خلص هو يمكن قصير لكن محتواه كبير يا رب يكون عجبكم متنسوش التصويت و توقعاتكم للي جاي يلا اشوفكم علي خير باي (ملحوظة) بحبكم❤ ************************************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
