و عدا اليوم و جيه تاني يوم و عند اهل نور بعد صعوبة في اقناع سارة بالسفر كانوا الكل في العربيات كالآتي قاسم و سارة و جميلة و مريم في عربية و مازن و هند و يارا و شيرين في عربية و في عربية مازن كان مازن بيسوق و يارا ماسكة موبايلها اما هند كانت نايمة و شيرين كانت قاعدة جنب مازن و ماسكة مجلة بتقرأ فيها مازن و هو بيسوق كان حاسس انه هيموت من التعب بقاله كتير سايق و فجأة لمح هند من مراية العربية لمح وشها الملائكي و هي نايمة و لاحظت يارا ده و قالت : شكلها كيووت اوي يا مازن مش كده مازن بتوتر : ها اا لا قصدي ا اه ضحكت يارا جامد عليه و هو سكت خالص اما هي فكانت بتفكر في شئ ما و بعد ساعات من الوقت كانوا وصلوا و دخلوا الشاليه الخاص بقاسم و قال قاسم : الكل يدخل يستريح من السفر و بعد كده نشوف ايه اول حاجة هنعملها دخل الكل و ناموا و عند مازن كان نام لكن فجأة فتح عينه و لقي نفسه في حاجة عاملة زي الكهف و كان الظلام محاوطه و هو و بدأ يقول _ مين .. مين هنا و فجأة سمع صوت مألوف بالنسبة له لحظة كده ... ده صوتها فعلا صوت اخته .. نور فقال بسرعة : ن نور انتي فين يا حبيبتي قالت نور بمرح : في ايه يا مازن حساك خايف عليا ب زيادة ده انا يتخاف علي الناس مني قال مازن : نور انتي كويسة قالت نور : انا بخير يا مازن و كويسة اوي كمان قال مازن : انتي وحشتيني اوي يا نور وحشني جنانك و ضحكتك و لعبك و شقاوتك قالت نور : صدقني انا بخير يا مزونه بس اللي مزعلني هو حالكم ده و اللي انا متأكدة انه بسببي مازن قولهم اني مضايقة لزعلهم و لزعلك عيشوا زي ما كنتوا زمان و هيجي اليوم اللي هرجعلكم فيه و قبل ما ارجعلكم هجيلك تاني سلام يا مازن و فجأة اختفت تحت صراخ مازن بإسمها و إنها متمشيش و بعدها قام مازن من هذا الحلم و هو مفزوع و بعدها همس بخفوت : نور ************************************ اما عند نور فكانت قاعدة و حواليها حوالي 10 او11 شخص يلتفون علي شكل دائرة و هي بالنصف و كانت تتحدث بأمور كثيرة و قال واحد منهم بإنزعاج : انا مش فاهم ايه المفيد في الهبل اللي بتقوليه من الصبح ده و رد واحد تاني وقال : معاه حق بصراحة قالت نور : و انا ميرضنيش زعلكم يا رجالة فككم من كل اللي قولته ده تيجو احكيلكم حكاية مريم قال واحد من اللي قاعدين : حكاية مريم .... احكي قالت نور : مريم دي بنت ملامحها جميلة و شخصيتها لطيفة كل مشكلتها انها كانت بتعاني من مشكلة شعرها المجعد و لكن مع ذلك هي كانت بتحبه كانت واحدة مجتهدة جدا و بتلعب كراتيه بس جيه اسوأ يوم في حياتها لقت انها جايبه في كل المواد امتياز معادا مادة واحدة بس كان نفسها تبقي معيده بس للأسف حلمها ضاع بعد ما شافت النتيجة ده غير انها طلعت من اهم بطولة في بطولات الكارتيه لكن قررت تسافر عند خالها و فعلا سافرت و خالها ده مان بيحب الاختراعات و كان مخترع آلة غريبة و مريم لعبت فيها بالغلط ف الآلة سحبتها لعالم اخر و زمن تاني و لقت في العلم التاني ده امير إسمه آرثر و كمان عاشت مع عيلته علي انها اميرة و هما حبوها جدا و هي حبتهم اوي و عاشت معاهم مغامرات حلوة اوي احكيهالكم قال الحارس : لأ قالت نور : اشطا بص بقي يا سيدي مريم قابلت..... ملحوظة : الرواية دي موجودة علي واتباد بس اسمها في الرابع من اغسطس للكاتبة صابرين بجد الرواية عظمة نسيب نور و مريم و نروح للمستشفي اللي فيها ادم كان معتز و اسر قاعدين كالعادة قدام أوضة ادم و لقو الدكتور داخل اوضته فقال معتز : خير يا دكتور هو ادم كويس قال الدكتور : اهدا كل حاجة تمام انا بس عايز اشوف ايه اخبار مؤشراته الحيوية قال معتز: تمام يا دكتور اتفضل دخل الدكتور و كشف علي آدم لكن و هو بيكشف حصلت حاجة غير متوقعة و هي أن ادم حرك ايده قال الدكتور : ادم باشا لو سامعني حرك ايدك تاني حرك ادم ايده تاني فإبتسم الدكتور بإتساع و قال : كويس يا ادم حاول تفتح عينك بعد كام دقيقة بدأ ادم يفتح عينه شوية بشوية و قال بهمس : ن نور قال الدكتور : ثواني هندهلك صحابك و اجي و طلع الدكتور و قال : صاحبكم فاق اول ما معتز و اسر سمعوا الجملة دي قاموا و دخلوا أوضة ادم جري ف دخل الدكتور وراهم و بدأ يكشف مرة تانية علي ادم و بعد ما خلص قال : دلوقتي بس اقدر اقولكم انه بقي تمام و ممكن كمان يخرج بعد يومين قال أسر : بجد يا دكتور قال الدكتور : ايوه بجد عن اذنكم انا و حمد لله علي سلامته و بعدها طلع الدكتور و هو بيسأل في نفسه : يا تري فعلا في صداقة حقيقية بالشكل ده اما عند ادم و الشباب فقال ادم بعد ما افتكر كل اللي حصل : نور .. نور فين يا معتز نور فين يا اسر قال معتز : بعد ما ضربوك بالنار و فقدت الوعي اخدوها و مشيوا قال ادم : و انتو معرفتوش توصللهم اصل لو هو ده السبب يبقي كده عيب في حقكم قال معتز : ادم انت عارف كويس اوي إن احنا لو عايزين نجيب العيال دي هنعملها قام ادم من مكانه و قال بإنفعال : امال ايه اللي منعك قال معتز : اللي منعني هو انت محدش قدر يفكر ولا يعمل حاجة و انت بين الحياة و الموت ولا انا اللي بقيت غلطان في الآخر قال ادم : أيوة غلطان قال معتز : طالما انت شايف كده يبقي تمام أنا أسف يااا... صاحبي و طلع معتز برة الأوضة و قال أسر : عايز كلمة الحق انت اللي غلطت انا و معتز اللي عمرنا ما كان عندنا قلب و بالذات معتز كنا منهارين و مرعوبين عليك زي الأطفال و انت عارف كويس إن مش معتز اللي يبكي علي اي حاجة كده و خلاص إلا لو الحاجة دي غالية عليه اوي حط ادم راسه بين ايديه و قال : انا تعبت مش عارف الاقيها منين ولا منين من نور اللي اتخطفت دي ولا من موضوع معتز ولا منين بالظبط قرب اسر و حضنه و قال : هتتعدل يا صاحبي متقلقش بس اهم حاجة دلوقتي انك تتكلم مع معتز قاب ادم : طب اندهله قال آسر : انا واثق انه مش هيبقي برا قال ادم : امال فين قال اسر : اراهنك إن ما كان راح للدكتور بتاعك يطمن منه للمرة الألف عليك ابتسم ادم ابتسامة جانبية و قال : طيب روح ناديه اخلص قال أسر : حاضر متجرش طيب ************************************ و في شركة المرجان كان قاعد بدر علي مكتبه و بيخلص بعض من الأوراق ولقي الباب بيخبط ف سمح بالدخول و دخلت كارما اللي قالت : صباح الخير يا مستر بدر قالولي ان حضرتك طلبتني قال بدر : اقعدي يا كارما قعدت كارما و قال بدر : _ ينفع بقي افهم ايه اللي حصل امبارح قالت كارما : انا بعتذر لحضرتك جدا عن اللي حصل بس فعلا كان عندي مشكلة قال بدر : ايوه بس انتي عملتي كده 3 مرات و بردو قولتي مشكلة ممكن اعرف ايه المشكلة اللي بتسبب مشيك بدري من شغلك قالت كارما : اانا اسفة ب بس مش هينفع اقول لحضرتك قال بدر : و ده ليه ؟؟؟ قالت كارما : ع علشان اا... عشان.... سكتت كارما و متكلمتش فقال بدر _ خلاص مش عايز اعرف بس حابب اقولك انك لو فضلتي بالشكل ده انا مضطر امشيكي قالت كارما : تمام يا مسار بدر حضرتك عايز مني اي حاجة قال بدر : لا روحي انتي طلعت كارما و الدموع متلئلئة في عينيها دخلت مكتبها و قفلته و سندت علي الباب و قالت _ يا رب انتي الوحيد العالم بيا و بحالي ارحمني بقي من كل اللي انا فيه ده ************************************ و في مكان جديد اول مرة نروحله في الإسكندرية في شقة يبدو عليها البساطة كانت قاعدة صاحبة العيون الحضراء و الشعر البني الغامئ في مكتب غرفتها الصغير و كانت تدون بعض الأشياء ف خبط باب غرفتها فقالت : ادخلي يا ماما دخلت الأم و قالت : عرفتي منين ان هو انا قالت البنت : بعيدا عن إني عارفة طريقة خبطتك بس اكيد يعني البقرة اللي اسمها اختي لسة نايمة قالت الأم : أيوة حاولت معاها بس لا حياة لمن تنادي قالت البنت : طييب وسعيلي كده و انا هقومهالك حالا قالت الأم : بس بلاش يا سمر يا بنتي المياه عشان الجو و عشان متتعبش قالت سمر : اوامرك يا ست الكل دخلت سمر المطبخ و بعدها طلعت و راحت أوضة أختها و دخلت و قالت : جنة يا جنة قومي جنة : هش هش قالت سمر : حاولت اصحيها بإحترم بس مرضتش تستحمل بقي و خلصت سمر كلامها من هنا و راحت علي الستاير و فتحتها لتدخل اشعة الشمس في الغرفة كلها و بعدها سحبت الغطاء من علي جنة و قبل ما جنة تستوعب اي حاجة كانت سمر موصله فيشه الخلاط و مشغلاه قامت جنة بإنزعاج و قالت _ و ربنا الواحد مبقاش عارف ينام في البيت ده قالت سمر : قومي يا بت مش عندك دروس النهاردة قالت جنة : بلا دروس بلا بتنجان سمر : هو حضرتك ناسية انك في ثانوية عامة جنة : لا مش ناسية و .... قاطع كلامهم صوت الأم من برة و هي بتقول : يلا يا ولاد الفطار جاهز قالوا البنات في صوت واحد : حاضر يا ماما جايين اهو و طلعوا البناتو قعدوا يفطروا نسيبهم و نروح مكان تاني بس استنوا قبل ما نمشي من هنا اعرفكم علي الابطال الجداد فتحية (توحه) ست تملك من العمر 45 عاما و طيبة و حنونة + انها مرحة و بتحب بناتها جدا زوجها متوفي و وراها سر كبير عندما يكشف سيصدم الجميع
\/\/\/\/\/\/\/\/\/\/\/\/\/\/\G/\/\/\/\/\/\/\/\/\/\/\/\/\/\/\ سمر محمود الصاوي 25 سنة متخرجه من طب صيدلة و بتعمل دكتوراه بنت مرحة و محبوبة من الكل عينيها خضراء و شعرها بني قصير بتحب اختها و امها جدا /\/\/\/\/\/\/\/\/\/\/\/\/\/\/\G/\/\/\/\/\/\/\/\/\/\/\/\/\/\/\ جنة محمود الصاوي 17 سنة تالته ثانوي ادبي بنت مرحة و شقية و مجنونة و اجتماعية جدا عيونها سودة و شعرها بني غامئ و طويل و بتحب امها جدا و بتعتبر سمر امها التانية /\/\/\/\/\/\/\/\/\/\/\/\/\/\/\G/\/\/\/\/\/\/\/\/\/\/\/\/\/\/\ تفتكروا مين دول و ايه علاقتهم بأبطالنا ************************************ و عند اهل نور كان الكل قام و قاعدين علي الشط كان مازن قاعد بيفكر في الحلم و محتار يقول العيلة عليه ولا بلاش قاطع تفكيره صوت يارا و هي بتقول _ ايه يا باشا هو احنا جاييننفكر و نسرح ولا نغير جو قال مازن : بت انتي مش ناقصة ازعاجك روحي انطلقي بعيد عني قالت يارا : طب عندا فيك قاعدالك قال مازن موجها كلامه لهند اللي ماسكة فونها و بتقلب فيه بملل : ما تحضرينا يا هند قالت هند : في ايه مالكم عملتي ايه يا بلوة ( يارا ) قال مازن : حتي صاحبتك عارفاكي قالت يارا : و ربنا انتم الاتنين قلبكم قاسي و جرح احساسي قال مازن : بت غوري احسنلك قالت يارا : مش غايرة جات شيرين اللي لابسة مايو باللون الأحمر و قالت _ هاااي بصت لها يارا من فوق لتحت و قالت : يا اهلا قالت هند بدون اهتمام : هاي اتوجهت شيرين للمكان اللي قاعدة فيه هند و هو جانب مازن وقالت لهند : هند بقولك ايه ممكن تقومي من هنا و تقعديني انا جنب مازن كانت هند لسة هتتكلم بس قاطعتها يارا اللي قالت _ جرا ايه يا شيرين هند قاعدة هنا من سعت ما جينا و انتي اللي لسة جاية يعني المفروض انتي اللي تقعدي في اي مكان اعقلي كلامك قالت شيرين : في ايه يا يارا انا حابه اقعد جنب مازن مش هيحصل حاجة لو هند قامت قعدت في اي مكان قالت يارا : و بردو مش هيحصل حاجة لو قعدتي انتي في اي مكان كانت شيرين لسة هتتكلم لكن قاطعها صوت هند اللي بتقول : خلاص يا يارا خلاص يا انسة شيرين انا كده كده هقوم اتمشي شوية و فعلا قامت هند و قعدت شيرين بنظرة انتصار لكن ملامحها اتبدلت فور سماعها لمازن بيقول : .... ....يتبع ************************************ و لحد هنا خلص فصلنا حاولت اطوله شوية اتمني بقي الاقي تفاعل متنسوش تعملوا فوت للفصل و تكتبولي في التعليقات رأيكم و توقعاتكم للرواية يلا اشوفكم علي خير سلااام (ملحوظة) بحبكم ❤ ************************************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سمر محمود الصاوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
