انتِ لي فقط

الفصل الخامس

و في قصر ادم المنشاوي
كانت الساعة 10 مساءا و كان ادم قاعد في جنينة القصر و بيشرب نسكافيه ( هتسألوني ليه نسكافيه هقولكم اصلي بحبه اوي الصراحة 😅😂) و نور كانت نايمة في امان الله و بتحلم ببطل راوية من روايتها و فجأة سمعت صوت ضرب نار فقامت مفزوعة لدرجة انها وقعت من علي السرير و كان شكلها مضحك و هي بدأت تقول : بريئة يا بيه معملتش حاجة جميلة و مريم هما اللي عملوا كل حاجة بعدها استوعبت هي فين و قالت : انا من كتر.ما بفكر في الروايات الاكشن بقيت بتخيل صوت ضرب نار لكن فجأة سمعت صوت ضرب نار تاني فقالت : يا لهوي ده بجد مش خيال انا وعدت ماما اني مش هقولها تاني بس .... احيييييه اما في الجنينة اول ما سمع صوت ضرب النار طلع يجري للداخل و دخل مكتبه و وهو بيطلع مسدسه رن علي معتز و اداله مشغول ف رن علي اسر و بعد شوية اسر رد قال ادم : اسر هات رجالة و تعالي في هجوم و مش هعرف اتصرف لوحدي و نور معايا قال اسر احنا جايين ليك حالا قال ادم بصوت عالي : بسرعة يا اسر و بعدها ادم طلع لفوق و فتح الغرفة اللي فيها نور فقالت نور : الله يا جدع مش تخبط قبل ما ترة....اعععععععع فيه ايه شد ادم ايديها و جري بيها لتحت و طلع الحديقة و راح لحته معينة ووقف عندها و قال كلمات غريبة و اتفتحت الحيطة و ظهر مكان زي قبو او مخزن ايهما اقرب قالت نور : لا حاجة فاخر من الآخر يعني قال ادم : ادخلي جوه و خلي بالك من نفسك ماشي قالت نور بتلقائية : طب و انت قال ادم : هتصرف بس ادخلي و فعلا نور دخلت و ادم قفل عليها و رجع الحيطة تاني و طلع بره و بدأ يطلق هو كان و بعد شوية وصل اسر و معتز و عدد كبير من الرجالة و دخل معتز و اسر و ادم و الرجالة بتاعتهم في شباك مع الناس اللي طلقت علي القصر و بعد فترة من الوقت كانت الاشتباك خلص و الإنتصار كان من نصيب ادم و صحابه قال اسر : ادم القصر هنا مش امان عليك و بالذات وجود نور قال ادم : عارف بس مش لاقي مكان مناسب قال معتز : اطلع علي الشقة بتاعتنا و اقعدوا فيها لحد الصبح لحد ما احنا نتصرف و نلاقي مكان امان ليكم و فعلا ادم اخد نور و ركبوا العربية في طريقهم للشقه و ادم مخلصش من رغي نور الكتير اما نور فكانت بتقول : ياااااا ولاهي انا حاسة نفسي في رواية يعني اتخطف و يحصل هجوم علي اللي خطفني انا كده خلاص مش عايزة حاجة تاني من الدنيا و اول ما خلصت كلامها من هنا لقت عربيات كتير جاية وراهم و بيطلقوا نار فقالت نور : غيرت رأيي انا لسة عايزة حاجات كتير من الدنياااااا اما ادم كان بيطلق عليهم و في نفس الوقت بيسوق العربية لكن فجأة لقو ان في عربيات جاية عليهم من قدام و بكده اصبح عربية ادم محاصرة من ورا و من قدام اما نور كانت بتولول و بتقول : يا لهوي عليا يا صغيرة علي الموت يا لوزه مكنش يومك يا نو و فجأة نور لقت ان في عربية جاية عليهم بسرعة كبيرة فقالت و هي بتصرخ : حاااااااااااسب ......
************************************
و في فيلا جميلة
كانت العيلة كلهم متجمعين و كان الجد بيقول : يا تري البت دي راحت فين قالت العمة : تلاقيها هربت عديمة التربية و ردت مرات العم و هي بتكمل علي كلام العمة : و مش بعيد كمان تبقي هربت مع واحد
قال الجد : ده لو حقيقي انا اقتلها و اشرب من دمها اما الأم كانت قاعدة حزينة بسبب كلامهم علي بنتها بالشكل ده و بتفكر يا تري جميلة راحت فين هي ممكن تكون هربت بجد زي ما بيقولو قاطع تفكيرها صوت الحارس اللي قال كلامه موجها للجد : احنا عرفنا مكان جميلة هانم يا باشا قال الاب : انطق و قول هي فين بسرعة قال الحارس : في بيت واحد اسمها نور قاسم قالت الام : ده اسم صحبتها قال الجد : هات العنوان اداله الحارس ورقة بها العنوان و اتحرك كلا من الاب و الجد و العم و بدر (ابن عمها )
************************************
و في بيت نور