انتِ لي فقط

الفصل الحادي عشر

قال بدر : بصي يا انسة انتي ممتازة و كل حاجة بسسسس
قالت كارما بخوف : بس ايه ارجوك انا تعبت اوي
اهلي يسمحولي اني اشتغل من تاني
قال بدر : اهدي بس يا انسة انا كنت هقول بس انتي هتشتغلي معانا من النهاردة لأنك زي ما قولت ممتازة
قالت كارما بفرحة مفرطة : ب بجد يعني انا اتقابلت
قال بدر بإبتسامة تلقائية : ايوه يا ستي اتقبالتي
قالت كارما بحرج من ردة فعلها الاوفر دي : احم انا اسفة هو مين اللي هيعلمني الشغل
قال بدر : ده انتي جاية سخنة علي الشغل
قالت كارما : ايوه طبعا يا فندم حضرتك سيبلي
فرصة واحد بس و هتشوف بنفسك
نده بدر علي السكرتيرة بتاعته و هي جائت له للتو و هي بتقول : نعم يا فندم
قال بدر : خدي كارما و عرفيها علي كل حاجة في الشغل و انتي يا كارما دي مني السكرتيرة بتاعتي و اللي هتبقي معاكي لحد ما تتعودي علي كل حاجة
قالت مني : طب يلا بقي يا كارما عشان ورانا شغل كتير
و خرجوا كلهم تحت ابتسامة بدر اللي مستغرب نفسه معقول هو بيبتسم بتلقائية هو طول الوقت بيبتسم المجامله بس .
(فعلا شكل البنت دي ليها دور كبير في روايتنا )
************************************
و عدا باقي اليوم بدون احداث جديدة و جيه تاني يوم
في بيت قاسم عز الدين
ام نور كانت فتحت عنيها و لقت نفسها في مكان كله ضلمة و سمعت صوت بينده عليها بكل رجاء هي عارفة الصوت ده كويس ده .. صوت.... نور بنتها قالت سارة : نور حبيبتي انتي فين وحشتني يا ضنايا
قالت نور بصراخ : ماما الحقيني انا في مكان وحش اوي و في ناش وحشة كتير معايا عايزين يأذوني الحقيني منهم
قالت سارة : طب انتي فين و انا مستعدة افديكي بروحي يا قلب امك
و بعدها سارة حست ان مفيش اي صوت و فجأه سمعت صوت ضرب سكينة و بعدها مباشرة سمعت
صوت نور و هي بتصرخ بألم شديد و بتقول : اااااه
يا ماما قلبي و بعدها اتكرر الموضوع تاني و فجأه صحيت سارة من النوم لانه كان فقط مجرد .. (كابوس ) لكن اول ما قامت صرخت بكل الصوت اللي عندها مما ادي الي إن الكل يقوم مفزوع من صراخها بالنسبة لقاسم اول ما سمع صراخ سارة قام
بسرعة و قال : سارة حبيبتي في ايه مالك يا قلبي
فضلت سارة تنظر امامها بدون اي كلمة او ردة فعل
اما في أوضة نور كان جميلة و مريم نايمين و اول ما سمعوا الصراخ قاموا بإسرع ما عندكم و طلعوا برة و لقو هند و يارا اللي كانوا خارجين بسرعة بعد ما سمعوا صوت الصراخ و قالت هند برعب : هو ايه اللي بيحصل قالت جميلة : مش عارفة بس ده صوت طنط سارة و و هما بيتكلموا طلع مازن و شيرين و الكل جري علي أوضة قاسم و سارة و خبطوا الباب و فتحوا و دخلوا و قالت يارا و هي بتجري علي امها : ماما في ايه يا حبيبتي انتي كويسة
قال سامر : حبيبتي انتي بخير
و قالت شيرين : انطي فيكي ايه
لكن مفيش اي ردة فعل من سارة و فجأة سارة محستش بنفسها غير و هي بتستسلم للغيمه السودا اللي ظهرت قدامها و صرخ الكل و بعد شوية من الوقت كان الدكتور و نهي كشفه علي سارة و قال
الدكتور : واضح ان نفسيتها وحشة جدا و كمان دي عندها صدمة عصبية شديدة و زي ما انت. قولتو مكانتش بتتكلم قبل ما تفقد الوعي و ده بيدل علي ان الصدمة جابت لها فقدان للنطق شهقت البنات بصدمة و كانت جميلة حزينة جدا علي الست الحنينه اللي استضافتها في بيتها اما مريم هي اه مش فاكرها بس الفترة اللي قضتها معاها خلاها تحزن عليها لانها كانت ليها زي امها اما سامر اخد يارا اللي انهارت من العياط في حضنه اما هند ف مستوعبتش الصدمة و جريت علي الدكتور و مسكته من هدومه و هي بتقول : انت مجنون مين دي اللي فقدت النطق ها ميييييين ؟؟
اصل مستحيل تكون امي فقدت النطق يعني ايه يعني مش هسمع صوتها تاني مش هسمع صوت ضحكتها اللي اول ما ترن في المكان كله تخليك تبتسم تلقائي يعني ايه ها يعني اييييه جريت جميلة عليها و هي بتبعدها عن الدكتور اللي بدأ يتخنق
و مشي الدكتور و قالت هند : سيبيني يا جميلة ده بيقول انها فقدت النطق هي مفقدتش النطق صح قوليلي اي حاجة غير انها فقدت النطق و انهارت في البكاء و فجأة وقعت في الارض فاقدة الوعي .....
************************************
و عند نور كانت نايمة و اثار الدموع واضحة فيها و قامتبفزع لما حست إن بمايه بتتكب عليها فقالت : الحقوووووني بغرق بغرق و بعد ما استوعبت كل حاجة بصت للي واقف قدامها بكل ثقه و برود فقالت هي بمرحها المعتاد : ايه باشا مصر و عم الناس كلهم
عامل ايه تصدق انك وحشتني من اخر مرة شفتك فيها امبارح
قال الراجل : بسسسسس انتي ايه يا شيخة افصلي شوية
قالت نور : لا مهو طالما هقعد هنا يبقي لازم تعرف انت و اللي معاك اني رغايه و مبسكتش
قال الراجل : طب و لو قتلتك
قالت نور : منا كنت هكمل كلامي و اقول اني رغايه و مبسكتش لحد ما اموت
قال الراجل : و انتي مش خايفة
قالت نور : و اخاف من ايه انا واحدة عارفة ربنا كويس ف مش هخاف من الموت و انتي اللي هتتحاسب مش انا
قال الراجل : لا عجبتني دماغك انا مكنتش هجيبلك ولا اكل ولا شرب بس عجبتني دماغك و شجاعتك
علشان كده هجيبلك اكل و شرب
قالت نور : حبيبي تسلم يا غالي معلش لو هنتعبك
خليه يجيب لي وجبة من كنتاكي ولا اقولك بلاش عشان المقاطعة هاتلي وجبة من بازوكا
تجاهلها الراجل و امر الحراس بإنهم يجيبوا لها اكل و شرب و خرج اما هي ضحكت
و قالت : لو مفكرني عيله من اللي هيفضلوا بيعيوطوا و عايزين بابي و مامي او اني هحاول اهرب يبقوا بيحلموا لا ده نحن نختلف عن الآخرون و ان ما طلعت عليك عفاريت إلانس و الجن مبقاش انا نور بنت سارة و قاسم
(أيوة كده يا نور وريهم 😂😂)
************************************
و في شركة المرجان
كان بدر و زين قاعدين في مكتب بدر و كان بدر بيضحك و بيقول يابني انتي ايه ده انت كنت مسخرة طول الوقت
قال زين بضيق من ضحك بدر : منا قولتلك اني مليش في ام السهرات بتاعتكم دي بس انت مصدقتنيش
قال بدر : يابني لازم تتعلم عيش سنك
قال زين : انا كده تمام يا بدر و انت عارف اني مش بحب الحياة دي و ان ده مش اسلوبي انا عايش حياتي كده و مبسوط كده و اتمني انتي كمان تبعد عن الحوارات دي
قال بدر : براحتك يا زين المهم عملت ايه في الثفقه الجديدة
قال زين : كل حاجة بقيت تمام و بعد بكره كل حاجة هتتتم
قال بدر : كويس كده عشان ندخل علي الثفقه اللي بعدها علي طول
قال زين : يعجبني فيك يا بدر حبك لشغلك
ضحك بدر علي كلامه و بعدها الباب خبط و اذن بدر بالدخول فدخلت كارما اللي كانت بتنهج و بتقول
اانا اسفة جدا يا فندم بس حصل معايا ظرف خلاني اتأخرت انا جاية بجري ولاهي
قال بدر بهدوء و حنية لأول مرة : اهدي بس اقعدي كده و خدي نفسك قعدت كارما و بدر طلب لها مايه و هي شربتها و بعدها هو قال : طالما حصل معاكي ظرف يبقي خلاص بس دي اول و اخر مرة انا عايزك تعرفي ان اكتر 3 حاجات بكرهها هي الاهمال و التأخير و الكذب فهماني يا انسة كارما
قالت كارما : فاهمة يا فندم و انشاء الله تكون دي اول و اخر مرة
قال بدر : طيب روحي يلا عشان تبدأي شغلك
و مشيت كارما و كل ده بيحصل تحت صدمة زين اللي فاتح فمه بشكل كوميدي
قال بدر : مالك يلا عامل كده ليه
قال زين : بدر انت سخن او تعبان اطلب الدكتور
قال بدر : انا كويس انت اللي شكلك مش كويس خالص في ايه يا زين
قال زين عشان انت مش طبيعي يا بدر انت من امتي بتتكلم بالنبره دي مع حد و من امتي بتسامح في التأخير
اتنهد بدر و قال : هتصدقني لو قولتلك مش عارف حاسس اني كل ما بشوفها بطلع حنية غريبة عليا بالرغم اني عمري ما حنيت حتي علي عيلتي انت بس اللي شفت حنيتي و دلوقتي بقت هي التانية
قال زين : شكل كده يا صاحبي البنت دي مش هتعدي من حياتك زي اي بنت كده
قال بدر : شكلها كده
....يتبع
************************************
رواية : انتِ لي فقط
بقلم : Golia
************************************
وحشتوني وحشتوني وحشونييييي عاملين ايه يا احلي و اجمل بنات في الدنيا عاملين ايه في أول اسبوع مدرسة اتمني تكون كل حاجة كويسة قولت اعملكم فصل عشان لو غبت فترة طويلة ابقي منزلة لكم فصل من قريب بقولكم تيجو نتعرف علي بعض بجد انا نفسي يبقي هندي صحاب كتير طلبي منكم المرة دي مش انكم تعملوا فوت انا عايزة اتعرف علي كل واحدة فيكم و في سنة كام و وعد مني هرد عليكم كلكم منتظرة تعليقاتكم يا قمراااات يلا اشوفكم علي خير سلااام (ملحوظة) بحبكم ❤