وكيفَ أمحوكِ مِنْ أوراقِ ذاكرتي .. وأنتِ في القلبِ مثلَ النقشِ في الحجرِ .

البارت الخامس وعشرون

كانت ملامِح الصـدمة متوسدة بملامح قسور من عرفوه على تيـّام ، عجِـز ينطُق بحـرف ومن زود الصدمة استأذن من الجُلاس وتوجه لـ غرفته مُباشرة ، يحاول يجمع افكاره ويستوعب الكلام الي قالوه له ،
ضحـِك تيـّام من حكاوي ابوه ، لأول مره ابو قسـور يحكي تيـّام عن حاله في الماضيّ مع عياله ،
لتين : ماشاءالله يبوي ماصدقت تنشُر غسيلنا !
ضحك ابو قسور ونطق : لاتخافيـن الدور بيجي على تيـّام
لتين : ياخوفيّ تنشر غسيلنا عن ازواجنا بعد
توسعت محاجر تيـّام بصدمة : متزوجة ؟!!
ضحِـك ابو قسور بسُـخرية : ايـه ومُـخلِفة بعد
مسك تيـّام رآسه بصدمة : مو بااااين علييييكِ ! انتي شلون خلفتي احسك مره صغيرة
تحول وجه لتين للون الأحمر وصرخت بإسم ابوها ،
ضحك ابو قسور وكمل : بس تطلقت
تيـّام : بعددد !
لتين : كفااااية يايبة وش هالتكييييس !
ابو قسور : اقصد زوجها مات يعني اختك ارملة
صرخت لتين : بعييييد الشر !
ضحك ابو قسور ونطق : اطقطق والله ، اختك مخـطوبة وزواجها قريب جداً
زفر تيـّام برآحـة ونطق : اشواً بغيت انجلط !
ابو قسور : واختك الثانـية تزوجت قبل ثلاث اسابيع ومعاد سمعنا حِـسها
لتين : وقـحة والله مافكرت تـدُق علينا وتطمن حتى!
تيـّام : الي لقى احبابه نسى اصحابه
كملت لتين : يادُنيـا ياغراااابة صدق
ابو قسور : وش تهبدون وكيف الكلام راكب مره ؟
ضحكت لتيـن بخفة : كلمات اغنيـة ذي
ابو قسور : دُقي على اختك بس
رفعت لتين جوالـهـا وضغطـت تتصل على ليان ، ظَل الخطّ يرن ولا توصلت لـ اي إستجابة
ابو قسور : جربي تدُقين عليها كام ؟
هزت لتين رآسها بالإيـجاب ودخلت تدُق على ليان كام ، زفرت براحه من ردت عليـها ليان : انا اورييييك يحيوانه ، تزوجتي ونسيتي اهلك!
ليان : اعترفي إني وحشتك واعترفي إنك ماتقدرين تعيشين بدونيّ
ضحكت لتين بسُـخرية : ياحليلك بس خذي كلمي ابوي بس
توسعت محاجر ليان بصدمة ونطقت : هـ .. هلا ابووي
ابو قسور : ياهلاً بالعروسة !
لتين : لا وشو عروسه ؟ خمجت ببيت زوجها لها ثلاث اسابيع ولسه تناديها عروسه
ضحك ابو قسور بخفة : كيفك يابنتي شخبار همّام
طَل همّام ولوح له بيده : بخير ياعمي انت كيفك ؟!
ابعدت لتين عن الكاميراً من طَل همّام وبدء يسولف مع ابو قسور ،
ابو قـسور : تعالولنا الحيـن ، والله لكم وحشـة
ضحك همّام بخفوت : والله ياعمي حنا بسويسراً
همّام : والله ياعمي مالنا اربع ساعات واصلين
ابو قسور : ماشاءالله إلى متى بتقعدون ؟
همّام : اسبوعين تقريباً ،
ابو قسـور : يلا الله يهنيـكُم ، عسى ماازعجناكم ؟
همّام : لا والله مامِن إزعـاج وبالعكس آسرنا إتصالك
ابو قسور : حبيبي ، الله يسعدكم
مَد ابو قسـور الجـوال لـ لتين وسحبته بهدوء : ليااان يحيوانه
ليان : ابلش شسالفه
لتين : انا اورييييكِ ولا علمتيني انك مسافرة ؟
ضحكت ليان بسُخـرية : اعلمك ليه مين حضرتكِ ؟ زوجي ؟
توسعت محاجر لتين بصدمة : افا صدق ! ظهَر الجحد من اول شهر زواج هييين هين
ليان : امزح مالقيت وقت اكلمك فيه
قفلت لتين الخّط بوجهها ورفعت نظَرها لـ تيـّام : شفت كيف اختك حيوانه ؟