رواية " حرب بدون الراء " الجزء الأول ✨ ✓

الحلقة السابعة

@Rahma_Reda ( جميع الحقوق محفوظة للكاتبة )
يوم عدى بطوله و عرضه و برغم جماله الا انه مستمتعش بيه و طول الوقت باله مشغول و بيفكر هيعمل ايه و هيوافق و لا لا ؟
طيب يا ترى فى طريقة تانية يقدر يحل بيها الموضوع؟
اسئله كتير بتدور فى دماغه و للأسف ملهاش اجابات لحد ما زهق و اخد قراره....
استنى الصبح يطلع و هو على نار و اول ما النهار شقشق قام لبس و اخد بعضه و اتصل على عم سيد و قاله يقابله...
و بعد ما وافق و نزلوا اتقابلوا.....
" سليم " عاوزك تاخدنى ليها.. محتاج اتكلم معاها الاول قبل ما اوافق اتجوزها و اخدها بيتى
سيد فى الاول اتردد بس بعد كده وافق و اخده و راحوا البيت... فوزية اول ما شافته عرفت انه هو سليم نصار.. رحبت بيه جدا و اكتشف انهم عايشين فى بيت صغير جدا و ضيق و واضح جداً من مظهرهم انهم ناس على قد حالهم اوى...
دخله المضيفه و قعد و.......
" سيد " فوزية... انتى يا ولية يا اللى اسمك فوزية
" فوزية " جت تجرى:- ايوه ... ايوه يا اخويا ايوه، فى ايه؟
" سيد " بلهجة امر :- شوفى البيه يشرب ايه بسرعه
" فوزيه " بصت لسليم لقته قاعد سرحان و بيبص يمين و شمال..
كان قاعد مستغرب المكان و متضايق و مش مبسوط بيه خاالص و بيفكر ازاى ممكن يتجوز واحده من المكان ده و من الناس دى؟!
مش قادر يتقبل الفكره نفسها... عمره ما بص لفرق الطبقات بس مش لدرجة ان اهل مراته يكون ده مستواهم... مش لدرجة انه يتجوز من البيت ده والناس دى.. يا ترى رد فعل ابوه و امه ايه لما يعرفوا؟؟
بقا هو سليم نصار من اكبر رجال الأعمال فى الشرق الاوسط يتجوز واحده دى حياتها و ده بيتها و ده اسلوب عيشتها؟؟؟؟

@Rahma_Reda ( جميع الحقوق محفوظة للكاتبة )

فاق من افكاره على صوت فوزية :- تحب تشرب ايه يا بيه؟
" سليم " لا لا و لا اى حاجه شكرا متتعبيش نفسك
" فوزية " لا و لا تعب و لا حاجه، تعبك راحه يا بيه، قولى اجيبلك حلبه؟
" سليم " بصلها شوية و هو ساكت.. يعنى ايه حلبة دى؟! قرفان من نفسه و من المكان بس ميقدرش يقول كده :- لا لا شكرا مش عاوز
" سيد " قسما بالله ما يحصل، ده انت اول مره تزورنا، ايوه احنا مش قد المقام بس اهو الموجود بقا
" سليم " ابتسم على مضض و عاوز يشوفها و يخلص علشان يطلع من المكان ده و الريحه دى
" سيد " طيب خلاص طالما مش لادد عليه الحلبه روحى اعملى ليسون
" سليم " بصله باستغراب:- لي ايه؟؟؟؟
" سيد " ليسون يا بيه... اللى بيتغلى ده و يتشرب مش عارفه؟
" سليم " بعد تفكير:- قصدك ينسون !
" سيد " هو فى فرق؟! احنا هنا بنقول عليه ليسون
" سليم " حمحم و اخد نفس:- لا لا مفيش فرق خالص، ليسون ليسون مش هتفرق ممكن بقا اشوفها؟
" سيد " مين؟ اااه قصدك نورسين؟
" سليم " الاسم رن فى ودنه كأنه جزء من مقطوعه موسيقيه فخمه:- هى اسمها نورسين؟
اكتشف فى اللحظة دى قد ايه هو اهبل و غبي، حتى نسي يسأل على اسمها؟ امال هو هنا ليه لما حتى اسمها مش عارفه؟!
" سيد " قام وقف :- روحى يا ولية اعملى كوبايتين ليسون بسرعه و انا هدخل اناديها و اقولها ان البيه عاوز يشوفها