@Rahma_Reda ( جميع الحقوق محفوظة للكاتبة )
وقفنا الحلقه اللى فاتت......
سليم نازل و فى ايده نورسين.. نازلين يضحكوا و فجأة سكتوا و اتفاجأ بيها داخله من باب البيت و السواق وراها شايل شنطها..
- صبااح الخير جميعاا.
" سليم " ضغط على قبضة ايده بغضب و عصبيه و نطق بصوت كفحيح الأفعى:- سحر !!!
" سحر " ابتسمت بمكر و بصت للسواق:- حطهم هنا و روح انت
الراجل اومأ بطاعه و مشي و هى رفعت عينيها ليهم..
" سليم " بهدوء ما قبل العاصفه :- بتعملى ايه هنا ؟!
ساب ايد نورسين و نزل بخطوات هاديه زى الفهد لما يستعد علشان ينقض على فريسته....
" سحر " ابتسمت بهدوء :- سليم ممكن تـــ...........
" سليم " قاطعها بعصبيه و فى لحظه كان قطع الكام خطوة اللى بينهم و لف دراعها وراها بغضب:- جاوبينى بتعملى ايه هنااا؟ و مين سمحلك تعتبي باب البيت ده تانى و تدخليه؟ ردى عليااااا
البيت كله اتلم على صوتهم و هى كانت بتتلوى تحت ايده من وجع دراعها...
" سحر " بوجع:- ااه، سليم ايدى بتوجعنى ابعد
" مصطفى " راحله بسرعه و بيشد ايده عنها:- سليم انت ايه اللى جرالك !! سيب ايد البنت هتكسر دراعها
" سليم " بعد عنها و زقها بعنف لدرجة انها كانت هتقع على الارض لولا ايد مصطفى اللى لحقها:- بره
" مصطفى " سلييم !!!
" سليم " بره
" سحر " برجاء :- اسمعنى....
" سليم " و هو بيضغط على كل حرف بيخرج منه :- انا.. قولت.. بره
بصلها بغضب:- ايه اللى مش مفهوم فى كلامى؟ اطلعى بره
- سلييييييم
صوتها رن فى البيت كله.. كلهم سكتوا و بصولها و هى نازله بهيبتها و عكازها ما عدا هو.. مهتزش ليه رمش..
" سليم " مبحبش اعيد فى كلامى، اطلعى بره.. فى اقل من دقيقه تاخدى حاجتك و تطلعى بره.. بره بيتى
" سوزان " راحت عنده بغضب شدته من دراعه و لفته ليها:- انت اتجننت؟؟؟ انت ازاى تطرد بنت عمك؟ ازاى تتجرأ....
" سليم " بتحدى و كبرياء :- و اطردك انتى كمان لو عاوز
فريال شهقت و الكل بصله بصدمه..
مكانش متوقع رد فعلها.. رفعت ايدها بغضب و عصبية و قبل ما توصل لعنده كان مسكها بقوة و ضغط عليها...
" سليم " اوعى.. نزلى ايدك يا هاانم
" فريال " انتى كمان عاوزه تمدى ايدك على ابنى..
نادر بسرعه مسكها قبل ما تروحلها و الدنيا تبوظ اكتر..
" فريال " يا ولية يا حيزبونه يا كركوبه.. يا خرااابة البيووت انتى و الحرباية بنت ابنك.. وسع كده سيبنى.. انا هوريكى
" نادر " بيشد فيها :- استنى بس يا ماما......
" فريال " انا فعلا غلطت لما سكتلك من الاول كان لازم اطردك.. يا ولية يا خرابة البيوت.. انتى ايييه يا شيخه قلبك ده ايه؟؟ ابعد كده..
سوزان ايديها وجعتها من ضغط سليم عليها...
" سوزان " و هى بتنهج:- لااا ده انت و اتعديت الحدود يا ابن نصاار.. انت نسيت انا ابقي ميين؟
" سليم " لا طبعاً منسيتش انتى مين.. بس انتى بإيدك اللى وصلتينى ل هنا.. و يمكن دى الحاجه الوحيده اللى احب اشكرك عليها، انك علمتينى القسوه و القوه..علمتينى مضعفش و لا استسلم ابداا.. السلاح اللى شكلتيه علشان تستعمليه موجه دلوقتي ضدك انتى..اسمعى سوزان هانم..
انتى جايه هنا ضيفه فى بيتى يا تتعاملى مع اهل البيت اللى استضافوكى بإحترام و ادب يا اما صدقينى هعمل اللى المفروض كنت عملته من زمان..
ساب ايدها بعنف و هى بصت لمصطفى انه يتكلم بس هو سبقها...
" سليم " متبصيش ليه، لانه مش هيقدر يمنعنى اردلك جزء صغير من اللى عملتيه زمان.. و اللى جايه تكمليه دلوقتي .. و اه صح.. البيت ده بتاعى انا و كل الأملاك دى ليا اناا.. يعنى هو زيه زيك دلوقتي ميملكش حاجه.. و لو قرر يقف معاكى و يعادى ابنه هيضطرنى انسي انه ابويا و هتعامل معاه على انه عدوى
بص لسحر بكبرياء :- تاخدى شنطك دى و تطلعى بره.. مشوفش وشك تانى لا هنا و لا فى الشركه...
و قبل ما تتحرك فريال شدتها و فضلت تعض و تضرب فيها.. نادر حاول يحوش عنها هو و مصطفى و بصعوبه بعدوها و قوموا سحر اللى بتصرخ بوجع..
" فريال " قلعت فردة الجذمه و حدفتها بيها :- حرباية خرابة بيوت.. على الله اشوفك تعتبي باب البيت برجلك تانى..
جريت على بره بعد ما اخدت شنطها و......
" فريال " و انتى... قسما بالله تفكرى بس مجرد تفكير انك تأذى حد من عيالى، اقسم بالله لأكون قاتلاكى يا سوزان.. ولية عقربه بصحيح
نفضت هدومها و طلعت اوضتها و وراها نادر و مصطفى...
" سوزان " انت بتتحدانى؟ بعد كل اللى عملته علشانك؟
" سليم " لف و بصلها و رفع حاجبه:- علشانى؟ عملتى ايه علشانى؟ خطفتينى من حضن امى و انا ابن ٦ سنين و حرمتينى منها و من حضنها.. زرعتى فى قلبي قسوه و جبروت و شكلتي فيا شخص عمرى فى حياتى ما كنت اتمنى اكون هو.. زقيتى سحر عليا و اشتركتى معاها فى لعبتها الوسخه.. كنتى عارفه انها بتخونى.. كنتى عااااارفه.. و رغم كل ده ضحكتوا عليا و استغفلتونى.. تصدقى فعلا عملتى علشانى كتير !!!! انتى احمدى ربنا انى سيبتك عايشه لحد دلوقتي.. بس مش هتعمرى كتير يا سوزان.. اوعدك..
سابها و مشي و هى النار ولعت جواها.. اترمت على الكرسي و بدأت تتوعد و تخطط تنتقم منه.. لازم تاخد حقها و تنتقم منه و من فرياال... لاازم..
أنت تقرأ
رواية " حرب بدون الراء " الجزء الأول ✨ ✓
ChickLitهو.... لم يكن سوى رجل هارب من عقد حب قد تم فسخه قبل سنوات... ليشاء القدر لقلبه ان يتذوق من عذاب الحب و لوعة الفراق .. ان يتجرع من كأس سبق له ان تجرع منه برضاه فما كانت النتيجة الا جرحا داميا ينزف بقلبه ... اما هى.. هى لم تكن سوى فتاة رمى بها القد...
