@Rahma_Reda ( جميع الحقوق محفوظة للكاتبة )
سليم اخد نور ل " ساسو " اللى قربت منها و تفحصتها بسخريه و غيرة من جمالها الطبيعي اللى مش محتاج ميكب اصلا:- اممممم مش بطال.. نص ساعه و تعالى خدها
ابتسم و خرج لسيف فى العربية و سابها مع ساسو اللى حاولت بقدر الامكان انها متطلعش اجمل منها ابدا، كانت بتشتغل معاها بغل و حقد، بتحقد عليها انها بقت مرات سليم نصار، سليم اللى طول عمرها بتلف عليه و عاوزاه ليها تقوم تيجى البنت دى تاخده منها؟؟؟ مستحيل.. مستحيل ده يحصل...
فات نص ساعه و سليم دخل يشوفهم خلصوا و لا لا و اتفاجأ باللى شافه قدامه...
كانت جميلة بشكل مش طبيعي، رغم ان الميكب كان هادى جدااا و مش جريء بس ابرز ملامحها و جمالها بطريقه جننته.. كان طاير بيها و ساسو واقفه هتتجنن و الدم بيغلى فى عروقها.. فى اللحظه دى لا هى طايقه سليم و لا طايقه نورسين و لا حتى طايقه نفسها...
حاولت بقدر الامكان تطلعها مبهدله و مش حلوه بس خابت كل توقعاتها و طلعت اجمل منها بمراااحل...
" سليم " ابتسم و وقف قدامها :- تسلم ايدك بجد، كنت واثق فيكى علشان كده جيتلك
" ساسو " حبت تدارى على غيظها و تغيظ نورسين راحت قربت منه جداا و ايدها على كتفه و مالت عليه يعني شويه و كانت هتبقي تقريبا فى حضنه:- اهاا ما احنا عشرة سنين بردو، اللى بينا كتير مش كام يوم بس ( اكدت اوووى على الجمله دى و نورسين واقفه بتولع ، بصتلها بطرف عينيها و رجعت بصتله بدلع ) بشرتها تعبتنى جداا يا سليم بجد مقولكش، الظاهر انها متعرفش اى حاجه عن الاسكن كير و الميكب و العناية بالبشرة..
سليم كان متضايق جداً من كلامها و دلعها و قربها منه بالشكل ده بس اصر يكمل لعبته للآخر و يشوف اخرتها ايه...
بص لنورسين اللى كانت راسمه ابتسامه واسعه جذابة.. قربت منه و وقفت قدام ساسو و شدتها بعيد عنه خالص وسط ذهولها و ذهول سليم و البنات اللى شغالين معاهم.. و قبل ما تسيب دراعها ضغطت عليه بايديها و ابتسمت لها بكبرياء...
" نورسين " بابتسامة كبرياء:- سورى يا ساسو بس مبحبش حد يقرب من جوزى و يتدلع عليه..
سابتها مصدومه مش قادرة تنطق و بصت لسليم بابتسامة رقيقه كلها اغراء و قربت لفت ايديها حوالين رقبته و هو تلقائيا لف ايديه على خصرها...
" نورسين " شدته عليها و همستله برقه:- ايه رأيك حبيبي؟ حلوه؟
" سليم " مصدوم و مش مصدق اللى بيحصل بس فرحان ان خطته نجحت، ابتسم بإعجاب و همس قدام شفايفها:- قمر
قرب يخطف بوسه بس هى بسرعه خبت وشها فى حضنه و تعمدت تضحك بدلع:- هههه تؤ تؤ مش هنا بيبي، لما نبقي لوحدنا..
رفعت وشها من حضنه و بصت حواليها على ساسو و البنات و رجعت بصتله تانى بدلع و رقه:- لما نبقي لوحدينا بعيد عن عيون المتطفلين دى
ابتسمت و هو ردلها الابتسامه و بص لساسو..
" سليم " ميرسي مرة تانية
" ساسو " بضيق:- لا و على ايه؟ انت تؤمر يا سليم بيه
" نورسين " بدلع:- حبيبي نسيت تحاسب
سليم بصلها و هى شاورت على ساسو و كملت:- نسيت تحاسب الكوافيرة على شغلها، مش معقول يا حبيبي دى تعبت جدا معايا
ابتسم و طلع فلوس من محفظته و ساسو واقفه هتولع، ازاى تهينها بالشكل ده؟
" نورسين " قليل عليها كده يا حبيبي زودها شويه دى بتسترزق و ده اكل عيش بردو
بصت لساسو بكبرياء و سخريه و سليم اتصدم متوقعش ابدا انها تهينها علنى كده بس مقدرش يتكلم.. ساسو كانت واقفه عينيها بتطق شرار و نفسها لو تروح تمسك فى زمارة رقبتها...
سليم عطاها الفلوس و...
" سليم " يلا ؟
" نورسين " انكچته و اتكلمت بدلع:- اه يلا علشان ده انت وحشتنى موت بجد، مش مصدقه امتى نروح بقا و نطلع اوضتنا
اتكت اووى على كلامها و هى بتبص لساسو بنظرات انتصار و تشفى...
خرجت فى ايده و على باب السنتر سابته و رجعت جوا تانى..
" سليم " رايحه فين؟
" نورسين " بهدوء:- نسيت حاجه هجيبها و اجى
وقف يستناها و هى دخلت عند ساسو تانى و على وشها ابتسامة نصر كبيرة...
" نورسين " قربت منها جدا و همستلها:- سمعت مرة اصاله بتقول ( ماانتش قد النار م الاول طيب ما تعديها، و اوعى تآمن ليها بتحرق اللى بيلعب بيها )
ساسو بصتلها بغل و هى ابتسمت اكتر و:- اه صح نسيت اشكرك على الميكب التحفه ده و تعب ايديكى ميرسي يا.. يا ساسوو
سابتها و خرجت رافعه راسها فى السما و من جواها حاسه بفرحة انتصارها الصغنن ده..
كان سليم واقف مستنيها عند الباب عدت من قدامه و لا كأنه واقف و لا كأنه هو نفس الشخص اللى كانت بتبوسه و بتحضنه جوا، من ثانيتين بس كانت بتقوله وحشتنى و هموت عليك دلوقتي سايباه و خارجه من غير حتى ما تعبره !!
سيف اول ما شافها صفر و هى اتحرجت و طبعا سليم بصله بنظرة وعيد و غضب خليته مينطقش طول الطريق... ركب جنبها و حاول يكلها بس كانت بترد عليه ببرود و ضيق و فهم ان كل اللى عملته كان علشان تغيظ ساسو و تفرسها بس مش اكتر..سكتت و هو كمان لحد ما وصلوا القصر....
نورسين كانت مبهورة بيه و بجماله و فخامته، كان كبييير جدا بالنسبالها يمكن قد البلد اللى كانت عايشه فيها اصلا..
نزلوا و سيف نزل معاهم نزل الشنط و الحاجه و....
" سيف " يلا حمد لله ع السلامه، اخلع انا بقا، سلام عليكم
" سليم " واطى من يومك يالا
" سيف " ده كده كده من غير ما تقول
" سليم " لا يابا احنا شركاء فى الجريمه سوا
" سيف " ايوه يعني ايه؟
" سليم " يعنى هتدخل معايا، هات الشنط دى و تعالى ورايا اخلص
استسلم ليه و شال الشنط:- ااااه ربنا ع الظاالم و المفترى
سليم دخل و فى ايديه نورسين، وقف ع الباب و كان صوت ضحك ابوه و امه واصل لآخر القصر..
اخد نفس عميق كأنه بيستعد لحرب و دخل...
" سليم " مساء الخير
فريال و مصطفى بصوله و سكتوا......
أنت تقرأ
رواية " حرب بدون الراء " الجزء الأول ✨ ✓
Chick-Litهو.... لم يكن سوى رجل هارب من عقد حب قد تم فسخه قبل سنوات... ليشاء القدر لقلبه ان يتذوق من عذاب الحب و لوعة الفراق .. ان يتجرع من كأس سبق له ان تجرع منه برضاه فما كانت النتيجة الا جرحا داميا ينزف بقلبه ... اما هى.. هى لم تكن سوى فتاة رمى بها القد...
